হিমন্ত ২.০ চৰকাৰ গঠনৰ পূৰ্বে জ্যেষ্ঠ বিজেপি নেতা তথা কেন্দ্ৰীয় মন্ত্ৰী সৰ্বানন্দ সোনোৱালৰ বাসগৃহত উপস্থিত হ’ল হিমন্ত বিশ্ব শৰ্মা৷ হিমন্ত বিশ্ব শৰ্মাই সৰ্বানন্দ সোনোৱালৰ বাসগৃহত উপস্থিত হৈ তেওঁৰ আশীষ গ্ৰহণ কৰি আলিংগন কৰাৰ দৃশ্যও ভাইৰেল হৈ পৰিছে সামাজিক মাধ্যমত৷ আলিংগন কৰাৰ সময়ত সৰ্বানন্দ সোনোৱালে মুখ্যমন্ত্ৰী হিমন্ত বিশ্ব শৰ্মাক কৈছে ‘বহুত কষ্ট কৰিলা, ভাল হৈছে, নেক্সট আৰু ভাল হ’ব৷’
ইফালে সৰ্বানন্দ সোনোৱালৰ সৈতে আলিংগন কৰাৰ বিশেষ ভিডিঅ’ শ্বেয়াৰ কৰি সামাজিক মাধ্যমত হিমন্ত বিশ্ব শৰ্মাই লিখিছে, ‘মাননীয় কেন্দ্ৰীয় মন্ত্ৰী শ্ৰীসৰ্বানন্দ সোণোৱাল ডাঙৰীয়াৰ ভাৰতীয় জনতা পাৰ্টিলৈ সেৱা তথা অৱদানে আমাক সমৃদ্ধ কৰি আহিছে৷ আজি আমাৰ মিত্ৰজোঁটৰ বৃহৎ বিজয়ৰ পাছত তেখেতৰ বাসগৃহত উপস্থিত হোৱাৰ ক্ষণত এই উষ্ম অভিনন্দনে আমাক ধন্য কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
