‘শীতৰ নিশা বাহনত ছে** কৰাই মজাই বেলেগ…!’ দিল্লীত এক কনছাৰ্টত এই মন্তব্য কৰি বিতৰ্কত সোমাই পৰিছিল হানি সিং৷ অশালীন মন্তব্যৰ বাবে বৰ্তমান ট্ৰোলৰ মুখত পৰিছে গায়ক-ৰেপাৰ হানি সিং৷ লেথাৰিকৈ ট্ৰলৰ সন্মুখীন হৈ থকাৰ পাছত শেহতীয়াকৈ নিজেই ক্ষমা বিচাৰিছে হানি সিঙে৷
দিল্লী কনছাৰ্টৰ বিশেষ এটা ভিডিঅ’ ক্লিপ সামাজিক মাধ্যমত খুবেই ভাইৰেল৷ তাতেই এই হাড়কপোঁৱা ঠাণ্ডাত শ্ৰোতাসকলক বাহনতে সংগমৰ পৰামৰ্শ দিয়া শুনা গৈছে হানি সিঙক৷ ভাইৰেল সেই ভিডিঅ’ত অশ্ৰাব্য গালিগালাজো কৰিছে হানি সিঙে৷ তাতেই হানি সিঙে কৈছে, ‘উফ দিল্লীত ইমান ঠাণ্ডা৷ এই শীতত বাহনত সংগমৰ মজাই পৃথক৷ বন্ধুসকল প্লিজ প্ৰটেকছন ব্যৱহাৰ কৰিব৷ তেতিয়া নিৰাপদে থাকিব৷’ এয়া আছিল হানি সিঙৰ মন্তব্য৷ এই মন্তব্যক লৈ চলিছে আলোচনা-সমালোচনা৷ এই বিতৰ্কৰ পাছতেই হানি সিঙে আকৌ কৈছে যৌ**ন বিশেষজ্ঞৰ পৰামৰ্শতেই বাহনত সংগমৰ নিদান দিছিল তেওঁ৷ আৰু সেই মন্তব্যই যেন বিতৰ্কত ঘৃতাহুতি দিছে৷ তাৰপিছতেই ক্ষমা বিচাৰি কি কৈছে হানি সিঙে?
হানি সিঙ বা বলিউডৰ দেশি কালাকাৰৰ মন্তব্য যে অনিৰাপদ যৌনতাৰ কাৰণেই বহু তৰুণ-তৰুণীয়ে বিভিন্ন যৌ**নৰোগত ভুগিছে৷ আৰু সেয়ে জেন জিৰ ভাষাতেই যৌনসুৰক্ষামূলক বাৰ্তা দিব খুজিছিল বুলিও জনাইছে হানি সিঙে৷ হানি সিঙৰ মন্তব্য, ‘মই শ্ব’ত উঠাৰ পূৰ্বে এজন যৌনবিশেষজ্ঞৰ সৈতে বাৰ্তালাপত মিলিত হৈছিলো তেঁৱেই আমাক কনছাৰ্টত ছেফ ছে*ক্সৰ বাৰ্তা দিবলৈ কৈছিল৷ সেইবাবেই তৰুণ প্ৰজন্মৰ ভাষাৰেই মই বিষয়টো বুজাবলৈ গৈছিলো৷ কোনেও যাতে অসুৰক্ষিত মিলনত লিপ্ত নহয় তাকেই বুজাব খুজিছিলো৷ মই ভাৱিছিলো আজিৰ প্ৰজন্মই যেনেকৈ অটিটিত কণ্টেণ্ট আৰু চিনেমা চাই তাত এইসমূহ ভাষাতেই কথা কোৱা হয়৷ কিন্তু মোৰ ভাষা বহুতে বেয়া পাইছে৷ সেয়ে মই ক্ষমতা বিচাৰিছো৷’
ইয়াৰোপৰি হানি সিঙে কয়, ‘কাকো আঘাত কৰাৰ উদ্দেশ্য মোৰ নাছিল৷৷ প্ৰকৃততে মানুহ মাত্ৰেই ভুল হয়৷ ভৱিষ্যতে এনে ভুল যেন নহয় সেই বিষয়ে নিজকে সতৰ্ক ৰাখিম৷ কথা কোৱাৰ সময়ত কাক কৈছো কেনেকৈ কৈছো সকলো বিষয়ৰ ওপৰত নিজৰ নিয়ন্ত্রণ ৰাখিম৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
