অসম লাইভ২৪ঃ ২০২৪চনত ভাগ্য খুলিব ৪ৰাশিৰ জাতকৰ। বৃহস্পতিৰ গোচৰ আৰু শনিৰ মাৰ্গী দশাৰ শুভ ফল লাভ কৰিব সকলো ৰাশিৰ জাতকে? আগন্তুক বছৰত বৃহস্পতিয়ে বৃষ ৰাশিত গোচৰ কৰিব আৰু শনিয়ে নিজৰ ৰাশি কুম্ভত মাৰ্গী দশাত বিচৰণ কৰিব। জ্যোতিষ গণনা অনুসৰি ২০২৪ত বৃহস্পতি আৰু শনি মিলিত হৈ চাৰি ৰাশিৰ জাতকৰ ওপৰত শুভ প্ৰভাৱ বিস্তাৰ কৰিব। নতুন বছৰত আৰ্থিকভাৱে লাভৱান হ’ব কেইটামান ৰাশিৰ জাতক। জ্যোতিষ গণনা অনুসৰি কেৰিয়াৰত উন্নতি আহিব বিশেষ ৪ৰাশিৰ জাতকৰ। ৰৈ যোৱা কাম সম্পন্ন হ’ব। বৃহস্পতি আৰু শনিৰ প্ৰভাৱত ২০২৪ত কোন কোন ৰাশিৰ ভাগ্যোদয় হ’ব?
মেষ ৰাশি
২০২৪চনটো উদ্যমৰ বছৰ হ’ব এই ৰাশিৰ জাতকৰ। বৰ্তমান মেষ ৰাশিতেই বৃহস্পতিয়ে বিচৰণ কৰি আছে। আগন্তুক ২৪ চনত মেষ ত্যাগ কৰি বৃষ ৰাশিত প্ৰৱেশ কৰিব এই গ্ৰহই। ইয়াৰ ফলত মেষ ৰাশিৰ জাতক লাভৱান হ’ব। বিশেষকৈ আৰ্থিক দিশতো লাভৱান হ’ব এই ৰাশিৰ জাতক। মোটা অংকৰ ধন হাতলৈ আহিব। কৰ্মক্ষেত্ৰতো বৃহৎ সাফল্য আহিব। নতুন কোনো ব্যৱসায় আৰম্ভ কৰাৰো যোগ আছে।
কৰ্কট ৰাশি
২০২৪ চনত বৃহস্পতি আৰু শনিৰ মিলিত প্ৰভাৱত প্ৰচুৰ সম্পদ লাভ কৰিব কৰ্কট ৰাশিৰ জাতকে। আগন্তুক বৰ্ষত আপোনাৰ উপাৰ্জন বৃদ্ধি পাব। এই সময়ত সমাজত মান সন্মান আৰু প্ৰতিপত্তি বৃদ্ধি পাব পাৰে কৰ্কট ৰাশিৰ জাতকৰ। সকলো কামতেই ভাগ্যৰ পূৰ্ণ সমৰ্থন লাভ কৰিব এই ৰাশিৰ জাতকে। চাকৰিত পদোন্নতিৰ যোগ আছে। দাম্পত্য জীৱনত সুখ আৰু শান্তি বাঢ়িব কৰ্কট ৰাশিৰ জাতকৰ।
বৃশ্চিক ৰাশি
২০২৪ত বৃহস্পতি আৰু শনিৰ প্ৰভাৱত প্ৰচুৰ সুখ আৰু সৌভাগ্য বৃদ্ধি হ’ব বৃশ্চিক ৰাশিৰ জাতকৰ। আগন্তুক বছৰত কেৰিয়াৰত উন্নতি হ’ব আপোনাৰ। এই সময়ত আত্মবিশ্বাস তুংগত থাকিব বৃশ্চিক ৰাশিৰ জাতকৰ। সমাজত সন্মান বাঢ়িব আপোনাৰ। নতুন কোনো চাকৰিৰ প্ৰস্তাৱ লাভ কৰিব পাৰে।
কুম্ভ ৰাশি
২০২৪ চনত কুম্ভ ৰাশিৰ জাতকৰ ওপৰত আশীৰ্বাদ বৰ্ষণ কৰিব গ্ৰহৰাজ শনিয়ে। বৰ্তমান কুম্ভ ৰাশিতেই শনিয়ে অৱস্থান কৰিব। আগন্তুক বৰ্ষত শনিয়ে কুম্ভ ৰাশিতে মাৰ্গী হ’ব। ইয়াৰ প্ৰভাৱত বেছ কিছু গুৰুত্বপূৰ্ণ কামত আপুনি সফল হ’ব। ব্যৱসায়ত লাভ বাঢ়িব। ভাগ্যই আপোনাক সংগ দিব। আৰ্থিক লাভ বাঢ়িব আৰু কেৰিয়াৰতো উন্নতিৰ যোগ আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
