ত্ৰিকোণীয় প্ৰেম আৰু এটা হ*ত্যাকাণ্ড, ৪ বাৰকৈ হ*ত্যাৰ অপচেষ্টা চলাইছিল বাগদত্তাই

সম্প্ৰতি সমগ্ৰ দেশজুৰি চৰ্চিত হৈ আছে পুনেৰ কেতন আগৰৱালা হ*ত্যাকাণ্ডৰ খবৰ। বিগত ১৮জুনত বাগদত্তা ছিয়া গোৱেলৰ সৈতে ট্ৰেকিং কৰি থকা অৱস্থাত পাহাৰৰ পৰা পিছলি মৃত্যুমুখত পৰিছিল কেতন আগৰৱালা। পৰিয়ালৰ ৰিয়েল ইষ্টেট কোম্পানীৰ ডাইৰেক্টৰ পদত থকা কেতন প্ৰতিষ্ঠিত যুৱ ব্যৱসায়ী হিচাপে পুনেত আছিল যথেষ্ট জনপ্ৰিয়। ঘটনাৰ সময়ত কেতনৰ লগত থকা ছিয়াৰ কিছুমাহ পিছতেই বিৱাহ সম্পন্ন হোৱাৰ কথা আছিল। প্ৰথমে কেতনৰ পৰিয়ালে এয়া স্বাভাৱিক দুৰ্ঘটনা বুলিয়েই ভবি লৈছিল যদিও কেতনৰ বন্ধু মহলে মানি ল’ব পৰা নাছিল এই ঘটনাক। কিয়নো বন্ধু মহলৰ মাজত অভিজ্ঞ ট্ৰেকাৰ হিচাপে পৰিচিত কেতন আগৰৱালা। পুনেৰ সাধাৰণ পাহাৰ এখনত ট্ৰেকিং কৰি থকা অৱস্থাত দুৰ্ঘটনাত পতিত হৈ মৃত্যু মুখত পৰা ঘটনাটোক সহজভাৱে ল’ব পৰা নাছিল তেওঁলোকে।

কোনে হ*ত্যা কৰিছিল কেতন আগৰৱালাক?

প্ৰথমে দুৰ্ঘটনা বুলি ভবা হৈছিল যদিও কেতনৰ বন্ধুমহল আৰু পৰিয়ালৰ অভিযোগৰ ভিত্তিত আৰক্ষীয়ে আৰম্ভ কৰে ঘটনাৰ তদন্ত। আৰক্ষীৰ প্ৰাথমিক তদন্ততেই ওলাই পৰে ঘটনাৰ সময়ত পুনেৰ লোহাগড় ফ’ৰ্টৰ আশে-পাশে কেতবোৰ সন্দেহজনক গতিবিধি। লগে লগেই ঘটনাৰ সময়ত কেতন আগৰৱালাৰ সৈতে থকা তেওঁৰ বাগদত্তা ছিয়া গোৱেলক আৰক্ষীয়ে তলব কৰি আৰম্ভ কৰে জেৰা। আৰক্ষীয়ে কৰা জেৰাত ছিয়াৰ কেতবোৰ বিসংগতিৰে ভৰা কথাই আৰক্ষীৰ সন্দেহক আৰু অধিক মজবুত কৰে। এসময়ত আৰক্ষীয়ে নিশ্চিত কৰে যে কেতন আগৰৱালাৰ দুৰ্ঘটনাত মৃ*ত্যু হোৱা নাছিল, বাগদত্তা ছিয়া গোৱেলেই পৰিকল্পিতভাৱে হ*ত্যা কৰিছিল কেতনক।

কিয় কেতনক হ*ত্যা কৰিছিল ছিয়াই? হ*ত্যাকাণ্ডত আৰু কোনোবা জড়িত আছিল?

আৰক্ষীৰ তদন্তত ওলাই পৰে কেতন আগৰৱালাক কিয় হ*ত্যা কৰিলে ছিয়াই। প্ৰকৃততে কেতন আগৰৱালাৰ সৈতে পৰিয়ালৰ ইচ্ছানুসাৰেহে বিৱাহত সন্মতি জনাইছিল ছিয়াই। কিন্তু কেতন আগৰৱালাৰ সৈতে বিয়া পাতিবলৈ মুঠেই ইচ্ছা নাছিল ছিয়াৰ। কিয়নো ছিয়াৰ আছিল চেতন চৌধুৰী নামৰ এজন যুৱকৰ সৈতে প্ৰেমৰ সম্পৰ্ক। ছিয়াই কেতনৰ বিপৰীতে চেতনৰ সৈতেহে কটাব বিচাৰিছিল জীৱন, কিন্তু পৰিয়ালৰ হেঁচাতহে সন্মতি প্ৰদান কৰিছিল বিৱাহত। ছিয়া আৰু চেতনৰ প্ৰেমৰ সম্পৰ্কৰ মাজত কেতন আগৰৱালাক বাধাৰ প্ৰাচীৰ বুলি ভাবি নিজৰ জীৱনৰ পৰা আঁতৰাই পেলোৱাৰ সিদ্ধান্ত লয় দুই প্ৰেমাস্পদে।

আৰক্ষীৰ কেনেকৈ সন্দেহ হৈছিল ছিয়াৰ ওপৰত?

১৮ জুনত সংঘটিত হৈছিল দেশজুৰি চৰ্চা লাভ কৰা এই হ*ত্যাকাণ্ড। পৰিয়ালৰ অভিযোগৰ পিছতে আৰক্ষীয়ে ঘটনা সংঘটিত হোৱা লোহাগড় ফ’ৰ্টৰ আশে-পাশে থকা সকলো cctv ফুটেজ পৰীক্ষা কৰে। cctc ফুটেজত এক অস্বাভাৱিক দৃশ্যত আৰক্ষীৰ সন্দেহ অধিক বৃদ্ধি পায়। আৰক্ষীয়ে সন্দেহ কৰা cctv ফুটেজটোত পুনেৰ উৎকট গৰমতো এজন যুৱকক হুডী পৰিধান কৰি মুখমণ্ডল ঢাকি থকা অৱস্থাত কেইবাবাৰো ঘটনাস্থলীৰ আশে পাশে অহা-যোৱা কৰা দেখিবলৈ পায়। পিছত ছিয়াক সোধা-পোছা কৰোতে হুডী পৰিধান কৰা যুৱকজনেই ছিয়াৰ প্ৰেমিক চেতন চৌধুৰী বুলি স্বীকাৰোক্তি দিয়ে। আৰক্ষীৰ তদন্তত মোবাইল ফোনৰ লোকেশ্যন ধৰা পেলাব নোৱাৰিব বুলি ঘৰতেই মোবাইল ফোনো এৰি থৈ গৈছিল চেতন চৌধুৰীয়ে

পূৰ্বেও ৩ বাৰকৈ হ*ত্যাৰ পৰিকল্পনা কৰিছিল ছিয়া-চেতনে

আৰক্ষীৰ তদন্ত অনুসৰি চলিত বৰ্ষৰ ৩১ মে’ত প্ৰথমবাৰৰ বাবে ছিয়াই কেতন আগৰৱালাত হত্যাৰ অপচেষ্টা চলাইছিল। সেইদিনাও ছিয়াই কেতনক লৈ গৈছিল লোহাগড় ফ’ৰ্টলৈ। অভিযোগ অনুসৰি ছিয়াই সেইদিনাও কেতনক পাহাৰৰ পৰা ঠেলি পেলাবলৈ চেষ্টা কৰিছিল কিন্তু সৌভাগ্যবশতঃ সেইদিনা প্ৰাণৰক্ষা পৰিছিল কেতন আগৰৱালাৰ। পিছত সাপ দেখাৰ বাবেহে কেতনক তেনেকৈ ঠেলিছিল বুলি কৈছিল আৰু কেতনেও ছিয়াৰ সেই কথাক সহজভাৱে লৈ বিশ্বাস কৰিছিল। ৪ জুন আৰু ১৪ জুনতো কেতনক হত্যাৰ পৰিকল্পনা কৰিছিল ছিয়া আৰু চেতনে।

ইতিমধ্যে গ্ৰেপ্তাৰ কৰা হৈছে ছিয়া আৰু চেতনক

ঘটনাৰ তদন্তৰ অন্তত ইতিমধ্যে পুনে আৰক্ষীয়ে গ্ৰেপ্তাৰ কৰিছে হ*ত্যাৰ মূল অভিযুক্ত ছিয়া গোৱেল আৰু ছিয়াক হ*ত্যাকাণ্ডত সহযোগ কৰা চেতন চৌধুৰীক। দুয়োৰে বিৰুদ্ধে হ*ত্যা আৰু ষড়যন্ত্ৰৰ গোচৰ ৰুজু কৰা হৈছে। ছিয়া আৰু চেতনৰ উপৰিও ঘটনাত আৰু অন্য লোক জড়িত আছে নেকি ইয়াৰো তদন্ত অব্যাহত ৰাখিছে আৰক্ষীয়ে। দুই অভিযুক্তৰ মোবাইল ফোনো জব্দ কৰিছে আৰক্ষীয়ে।

এই প্ৰতিবেদন যুগুতাইছে মানসজ্যোতিয়ে

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ