অসম লাইভ২৪ঃ লাক্ষাদ্বীপত প্ৰধানমন্ত্ৰী নৰেন্দ্ৰ মোদীয়ে কৰা ফটোশ্বুট ভাইৰেল হোৱাৰ পাছতেই দেশজুৰি চলি আছে বয়কট মালদ্বীপ ট্ৰেণ্ড। প্ৰধানমন্ত্ৰী মোদীয়ে কেন্দ্ৰীয়শাসিত অঞ্চলটোক মালদ্বীপৰ সমকক্ষ বুলি দাবী কৰিছে প্ৰধানমন্ত্ৰী মোদীয়ে। প্রধানমন্ত্ৰী মোদীয়ে লাক্ষাদ্বীপৰ প্ৰচাৰ চলোৱাৰ পাছতেই মালদ্বীপৰ একাংশ সাংসদেও প্ৰধানমন্ত্ৰীক কটাক্ষ কৰি বিশেষ টুইট কৰিছে। আৰৱ সাগৰত অৱস্থিত এই লাক্ষাদ্বীপ এসময়ত পাকিস্তানৰ দখলত আছিল। পাকিস্তানে ইচ্ছা কৰিও দখল কৰিব পৰা নাছিল লাক্ষাদ্বীপ। ইয়াৰ আঁৰত আছিল গুজৰাটৰ দুগৰাকী তামিল বাসিন্দাৰ বিশেষ ত্যাগ। কেনেকৈ পাকিস্তানৰ হাতৰ পৰা লাক্ষাদ্বীপক উদ্ধাৰ কৰিছিল দুই ভাৰতীয় ব্যক্তিয়ে?
১৯৪৭ চনৰ ১৫ আগষ্টত ভাৰতে স্বাধীনতা লাভ কৰে। স্বাধীনতা কাগজে পত্ৰই লাভ কৰিলেও সেই সময়ত দেশৰ অংশত ব্ৰিটিছৰ শাসন আছিল। সেই অঞ্চলসমূহ দখলীকৰণৰ পৰা উলিয়াই আনিবলৈ প্ৰশাসনে যথেষ্ট কষ্টও কৰিব লগা হৈছিল। যেনেকৈ কুটনৈতিক ষড়যন্ত্ৰ কৰি হায়দৰাবাদ আৰু কাশ্মীৰক ভাৰতৰ অংশ কৰা হৈছিল তেনেকৈয়ে বুদ্ধিয়ে লাক্ষাদ্বীপকো ভাৰতৰ দখললৈ অনা হৈছিল। লাক্ষাদ্বীপক ভাৰতৰ দখললৈ অনাৰ বাবে সেই সময়ত বিশেষ বুদ্ধিমত্তাৰ পৰিচয় দিছিল উপ প্ৰধানমন্ত্ৰী বল্লভভাই পেটেলে। লাক্ষাদ্বীপত সেই সময়ত অধিকাংশ মুছলমান লোকেই বসবাস কৰিছিল। আৰৱ সাগৰৰ সেই অঞ্চল নিজৰ হাতলৈ আনিবলৈ সৰ্বতোপ্ৰকাৰে যত্ন কৰিছিল পাকিস্তানে। আনকি যুদ্ধ জাহাজো পঠিয়াইছিল ইছলামাবাদৰ পৰা। এই খবৰ যেতিয়া ভাৰতৰ উপপ্ৰধানমন্ত্ৰী চৰ্দাৰ বল্লভভাই পেটেলৰ কাণত পৰে, তেওঁ লগে লগেই কুটনৈতিক কৌশল অৱলম্বন কৰি কেইটামান বিশেষ কাম কৰি পেলাই।
পাকিস্তানৰ পৰা যুদ্ধজাহাজ লাক্ষাদ্বীপলৈ যোৱাৰ খবৰ লাভ কৰিয়েই চৰ্দাৰ বল্লভভাই পেটেলে তামিলনাডুৰ বাসিন্দা আৰকট ৰামেশ্বৰী মুদালিয়াৰ আৰু ভাই লক্ষ্মণ স্বামী মুদালিয়াৰক লাক্ষাদ্বীপলৈ পঠিয়াই দিয়ে। তামিলনাডুৰ পৰা লাক্ষাদ্বীপলৈ যাওঁতে দুই ভাতৃৰ হাতত তুলি দিয়া হয় জাতীয় পতাকা। পাকিস্তানৰ জাহাজ লাক্ষাদ্বীপত উপস্থিত হোৱাৰ পূৰ্বেই ভাৰতৰ দুই তামিল ভাতৃ লাক্ষাদ্বীপত উপস্থিত হয়। পাক যুদ্ধজাহাজ যেতিয়া লাক্ষাদ্বীপৰ কাষ পাইছিলগৈ তেতিয়া দূৰৈৰ পৰাই তেওঁলোকে ভাৰতৰ পতাকা লাক্ষাদ্বীপত উৰি থকা দেখিছিল। ভাৰতৰ পতাকা দেখিয়েই পাকিস্তানৰ যুদ্ধ জাহাজ অহা বাটেৰে উভতি যায়। এই কাহিনী মন কী বাতত প্ৰধানমন্ত্ৰী নৰেন্দ্ৰ মোদীয়ে উল্লেখ কৰিছিল।
উল্লেখ্য যে বল্লভভাই পেটেলৰ এই কুটনৈতিক কৌশলৰ কথা প্রথম পোহৰলৈ আনিছিল প্ৰধানমন্ত্ৰী নৰেন্দ্ৰ মোদীয়ে। ২০১৯ চনৰ আগষ্ট মাহৰ মন কী বাত অনু্ষ্ঠানত তেলেংগানাৰ হায়দৰাবাদ আৰু গুজৰাটৰ জুনাগড়ক ভাৰতৰ অন্তৰ্ভূক্ত কৰাৰ কাহিনীও শুনাইছিল মোদীয়ে। সেই সময়তেই লাক্ষাদ্বীপৰ প্ৰসংগও টানি আনিছিল প্ৰধানমন্ত্ৰী মোদীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ