এখন সপোনৰ ঘৰ তৈয়াৰ কৰা কিংবা সপোনৰ ঘৰ ক্ৰয় কৰাৰ বাবে মধ্যবিত্ত মানুহে হোম লোন বা গৃহ ঋণৰ ওপৰতেই ভৰসা কৰে৷ কাৰণ বৃহৎ পৰিমাণৰ অৰ্থ এজন চাকৰিয়ালৰ হাতত নাথাকে৷ সেই কাৰণতেই ভৰসা হৈ উঠে হোম লোন৷ আৰু মাহে মাহে নিৰ্দিষ্ট অংকৰ ধন EMI হিচাপে পৰিশোধ কৰাৰ সুবিধা থাকে৷ এই ধন পৰিশোধ কৰাৰ বাবে নিৰ্দিষ্ট ম্যাদ বাচি ল’ব পাৰে ঋণগ্ৰহীতাই৷ ফলত এই সমস্ত কথা মূৰত ৰাখি চাকৰিয়ালে সাধাৰণতে নিজৰ সপোনৰ ঘৰ কিনাৰ বাবে হোম লোন লয়৷ আৰু EMIৰ মাধ্যমেৰে এয়া পৰিশোধ কৰিব পাৰে৷
বিগত কেইবা বছৰ ধৰি দেখা গৈছে যে, সম্পত্তিৰ চাহিদা দ্ৰুক হাৰত বাঢ়িছে৷ মানুহ ক্ৰমশ নিজৰ সপোনৰ ঘৰ ক্ৰয়ৰ পথত আগুৱাইছে৷ আৰু সেই কাৰণতেই দিনকদিনে বাঢ়িছে ঘৰৰ দাম৷ কিন্তু ইয়াতেই প্ৰশ্ন হয়, কাৰোবাৰ যদি সংসাৰত খৰচসহ সমস্ত প্ৰয়োজনীয় খৰচ কৰি ২০ হাজাৰ টকা EMI দিয়াৰ সামৰ্থ্য থাকে তেন্তে HDFCবেংকে কিমান টকা হোম লোন হিচাপে পাব?
দেশৰ সকলোতকৈ ডাঙৰ বেচৰকাৰী বেংক হৈছে HDFC বেংক৷ HDFC বেংকত হোম লোনৰ ওপৰত সুদৰ হাৰ ৮.৭০ শতাংশৰ পৰা ৯.৫৫ শতাংশ৷ অন্যহাতে HDFC বেংকৰ ষ্টেণ্ডাৰ্ড হোম লোনৰ হাৰ ৯.৪০ শতাংশৰ পৰা ৯.৯৫ শতাংশ৷ সেই হিচাপে যিসকলে প্ৰত্যেক মাহত EMI হিচাপে ২০ হাজাৰ টকা দিব পাৰে তেন্তে ৮.৭৫শতাংশ হাৰত ২০ বছৰৰ ম্যাদৰ বাবে বেংকৰ পৰা পাব ২৩ লাখ টকা৷
কোনোৱে যদি EMIৰ পৰিমাণ একেই ৰাখি ঋণ পৰিশোধৰ ম্যাদ আৰু বঢ়ায় দিয়ে তেন্তে তেওঁ আৰু বেছি পৰিমাণৰ লোন পাব পাৰে৷ উদাহৰণ হিচাপে ধৰা হ’ল, কোনোৱে যদি মাহিলী ২০ হাজাৰ টকাৰ EMI ২৫ বছৰ ধৰি দিয়ে তেন্তে একেই সুদৰ হাৰত HDFC বেংকৰ পৰা হোম লোন হিচাপে পাব ২৫ লাখ টকা৷ আৰু যদি লোনৰ ম্যাদ ৩০ বছৰ কৰিব খোজে তেন্তে ২৬ লাখ টকা HDFC বেংকে লোন দিব৷ এইক্ষেত্ৰত EMIৰ পৰিমাণ বাঢ়িব৷ মাহিলী প্ৰায় ২০৪৫৪ টকা EMI দিব লাগিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
