গৰমত উফিৰ সমস্যাৰ পৰা কেনেকৈ পৰিত্ৰাণ পাব?

উফি হৈছে মূৰৰ ছালত দেখা দিয়া এক সাধাৰণ সমস্যা। মূৰৰ ছাল শুকান হৈ যোৱা, ছালত তেলৰ পৰিমাণ বৃদ্ধি, ফাংগাছৰ বৃদ্ধি, চুলি পৰিষ্কাৰ নকৰা, অত্যধিক মানসিক চাপ বা কিছুমান চুলিৰ সামগ্ৰীৰ প্ৰতিক্ৰিয়াৰ ফলতো উফি হ’ব পাৰে। উফিৰ ফলত মূৰৰ ছাল খজুৱাব পাৰে আৰু কেতিয়াবা ক’লা বা গাঢ় ৰঙৰ কাপোৰত বগা বগা কণিকা পৰি অসুবিধাৰ সৃষ্টি কৰে।

গৰমত অত্যাধিক ঘাম, ধূলি-বালি জমা হৈ মূৰৰ ছাল বা স্কেলপ তেলীয়া আৰু শুকান হোৱাৰ ফলত উফিৰ সমস্যা বাঢ়ে। ইয়াৰ প্ৰতিকাৰৰ বাবে নিয়মীয়াকৈ চুলি পৰিষ্কাৰ ৰাখক, নেমুৰ ৰস বা এলোভেৰা জেল ব্যৱহাৰ কৰক আৰু এন্টি-ডেণ্ড্ৰাফ শ্বেম্পু প্ৰয়োগ কৰক।

উফি কমোৱাৰ সহজ উপায়

নিয়মিতভাৱে চুলি ধুব
মূৰৰ ছাল পৰিষ্কাৰ কৰি ৰখাটো উফি নিয়ন্ত্ৰণৰ বাবে গুৰুত্বপূৰ্ণ। চুলি আৰু মূৰৰ ছালৰ প্ৰয়োজন অনুসৰি নিয়মিতভাৱে শ্বেম্পু ব্যৱহাৰ কৰিব পাৰে।

 Anti-dandruff shampoo ব্যৱহাৰ কৰিব

উফি বেছি হ’লে ketoconazole, zinc pyrithione, selenium sulfide বা salicylic acid থকা anti-dandruff shampoo উপকাৰী হ’ব পাৰে। শ্বেম্পুটো মূৰৰ ছালত কেইমিনিটমান ৰাখি তাৰ পিছত ধুই পেলোৱাটো বহু ক্ষেত্ৰত সহায়ক হয়। ব্যৱহাৰৰ নিৰ্দেশনা সদায় মানি চলিব।

মূৰৰ ছালত অত্যধিক তেল নলগাব

অত্যধিক তেল লগাই বহু সময় ধৰি ৰাখিলে কিছুমান লোকৰ উফি আৰু মূৰৰ ছালৰ তৈলাক্ততা বৃদ্ধি পাব পাৰে। সেয়ে নিজৰ চুলিৰ ধৰণ অনুসৰি তেল ব্যৱহাৰ কৰাই ভাল।

চুলি আৰু মূৰৰ ছাল পৰিষ্কাৰ কৰি ৰাখিব

গাড়ু, টাৱেল আদি ব্যক্তিগত সামগ্ৰী আনৰ সৈতে ভাগ-বতৰা নকৰাই ভাল। ঘাম ওলোৱাৰ পিছতো মূৰৰ ছাল পৰিষ্কাৰ কৰি ৰখা উচিত।

খজুৱাই নুগুচাব

উফিৰ বাবে মূৰৰ ছাল খজুৱালেও নখেৰে বেছিকৈ ঘঁহিব নালাগে। ইয়াৰ ফলত ছালত আঘাত, জ্বলা-পোৰা বা সংক্রমণ হ’ব পাৰে।

মনত ৰাখিব, সঠিক চুলিৰ যত্ন, নিয়মিত পৰিষ্কাৰ-পৰিচ্ছন্নতা আৰু প্ৰয়োজন অনুসৰি উপযুক্ত anti-dandruff shampoo ব্যৱহাৰ কৰিলে অধিকাংশ সাধাৰণ উফি নিয়ন্ত্ৰণ কৰিব পৰা যায়।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ