প্লেটলেট কাউণ্ট ঠিকে ৰাখিবলৈ কেৱল ঔষধেই যথেষ্ট নহয়, আৰু কি কি নিয়ম মানি চলাটো প্ৰয়োজন?

অমিতা

অমিতা পাতৰ ৰসে প্লেটলেট বঢ়োৱাত উপকাৰী বুলি পৰিচিত৷ বিশেষকৈ ডেঙ্গিৰ সময়ত অমিতা পাতৰ ৰস খোৱাৰ পৰামৰ্শ দিয়া হয়৷ ইয়াৰোপৰি বেদনাও অত্যন্ত উপকাৰী ফল৷ ইয়াত থকা এণ্টি অক্সিডেণ্ট আৰু আয়ৰনে তেজৰ স্বাস্থ্য ভালে ৰখাত সহায় কৰে৷ কমলা, আমলখিৰ দৰে ভিটামিন চি সমৃদ্ধ ফলে শৰীৰত প্লেটলেট উৎপাদন বঢ়োৱাত সহায়ক হয়৷

সেউজীয়া শাক-পাচলি

সেউজীয়া শাক পাচলি যেনে পালেং শাক, ব্ৰকলি, ধনীয়া আদিত ভিটামিন কে আৰু ফলেট থাকে৷ যিয়ে তেজ গোট মৰা প্ৰক্ৰিয়াক শক্তিশালী কৰে৷ ইয়াৰোপৰি বীট আৰু গাজৰে তেজ পৰিষ্কাৰ ৰখাত সহায় কৰে আৰু প্লেটলেট বৃদ্ধিত ইতিবাচক ভূমিকা ৰাখে৷ বাদাম, কাজু, কিছমিছৰ দৰে ড্ৰাই ফ্ৰুইটত আয়ৰণ আৰু প্ৰয়োজনীয় মিনাৰেল থাকে, যি নিয়মিতকৈ খালে উপকাৰ পোৱা যায়৷

দৈনন্দিন জীৱনযাত্ৰা

পপর্যাপ্ত বিশ্ৰাম প্লেটলেট বঢ়োৱাৰ ক্ষেত্ৰত খুবেই গুৰুত্বপূৰ্ণ৷ অসুস্থ অৱস্থাত বেছি পৰিশ্ৰম কৰিলে শৰীৰ ঠিকমতে নতুন প্লেটলেট তৈয়াৰ কৰিব নোৱাৰে৷ সেয়ে পৰ্যাপ্ত টোপনি আৰু বিশ্ৰাম লোৱা প্ৰয়োজন৷ প্ৰতিদিনে পৰ্যাপ্ত পৰিমাণে পানী পান কৰিলে তেজৰ সঞ্চালন ভালে ৰাখে৷ শৰীৰৰ পৰা টক্সিন বাহিৰ কৰাতো সহায় কৰে৷

মদ্যপান আৰু ধূমপানৰ অভ্যাস ত্যাগ

এলক’হল আৰু ধূমপানে প্লেটলেট কাউণ্ট কমাই দিব পাৰে৷ সেয়ে এইসমূহ সম্পূৰ্ণৰূপে এৰাই চলাটোৱে মঙ্গল৷ যোগব্যায়াম আৰু প্ৰাণায়ামে তেজৰ সঞ্চালন উন্নত কৰে, শৰীৰ খুবেই দুৰ্বল থাকিলে ভাৰী ব্যায়াম নকৰাই শ্ৰেয়৷ ইয়াৰোপৰি চিকিৎসকৰ পৰামৰ্শৰ ওপৰিও কোনো ঔষধ খোৱা, বিশেষকৈ বিষনাশক ঔষধ খোৱাৰ পৰা বিৰত থাকিব৷ এইসমূহে প্লেটলেট কমোৱাত সহায় কৰে৷ যদি ৰক্তক্ষৰণ, মূৰ ঘুৰোৱা, অতিৰিক্ত দুৰ্বলতাই দেখা দিয়ে, তেতিয়া কেৱল ঘৰোৱা উপায়েই নহয় অৱশ্যেই চিকিৎসকৰ পৰামৰ্শ লওক৷ এইসমূহে প্লেটলেট খুব বেছি কমি যোৱাৰ লক্ষণ হব পাৰে৷