ক্ৰেডিট কাৰ্ডৰ পৰা বেংক একাউণ্টলৈ ধন ট্ৰেন্সফাৰ কৰা কিছু পৰিস্থিতিত খুবেই প্ৰয়োজন হৈ পৰে৷ যেনে দ্ৰুত ধনৰ প্ৰয়োজন হলে ক্ৰেডিট কাৰ্ডৰ পৰা পাব পৰা ধনেই শেষ ভৰষা হৈ পৰে বহুতৰে৷ অৱশ্যে এই লেনদেনসমূহত বহু পৰিমাণে সুদ ভৰিব লাগে ক্ৰেডিট কাৰ্ড হোল্ডাৰে৷
যেতিয়া কোনোৱে ক্ৰেডিট কাৰ্ডৰ পৰা বেংক একাউণ্টলৈ ধন ট্ৰেন্সফাৰ কৰে তেতিয়া ইয়াক নগদ অগ্ৰিম বুলি কোৱা হয়৷ এই পেমেণ্টসমূহত প্ৰায়েই নিয়মিত ক্ৰয়ৰ তুলনাত বেছি সুদ দিব লাগে৷ সেয়ে ক্ৰেডিট কাৰ্ড থকা ব্যক্তিয়ে ক্ৰেডিট কাৰ্ডৰ চৰ্তাৱলী জানি থোৱা জৰুৰী৷
ক্ৰেডিট কাৰ্ডৰ পৰা বেংক একাউণ্টলৈ ধন ট্ৰেন্সফাৰৰ উপায় হৈছে নেট বেংকিঙৰ মাধ্যম৷ যদি বেংকে এই সুবিধা প্ৰদান কৰে, ভাৰতৰ কিছু বেংকে তেওঁলোকৰ নেট বেংকিং প্লেটফৰ্মৰ মাধ্যমেৰে ক্ৰেডিট কাৰ্ডৰ পৰা একাউণ্টলৈ অৰ্থ ট্ৰেন্সফাৰৰ সুবিধা প্ৰদান কৰে৷ ইয়াৰ সুবিধা হৈছে সহজ আৰু দ্ৰুত পদ্ধতি৷ আৰু অসুবিধা হৈছে প্ৰতিটো বেংকে এই সুবিধা প্ৰদান নকৰে৷ ট্ৰেন্সফাৰৰো লিমিট আছে৷
ধাপ ১- বেংকৰ নেট বেংকিং চাইট লগ ইন কৰক৷ ক্ৰেডিট কাৰ্ড বা Funds Transfer অপশ্ব্যনলৈ যাওক৷ Transfer from Credit Card বা Cash Advance-ৰ ভিতৰত কোনো এক বিকল্প নিৰ্বাচন কৰক৷ ট্ৰেন্সফাৰৰ পৰিমাণ আৰু বেংক একাউণ্টৰ বিৱৰণ লিখক৷ বিস্তাৰিত বিৱৰণ চাইহে লেনদেন নিশ্চিত কৰিব৷
ফোন বেংকিঙৰ মাধ্যমেৰেও কৰিব পাৰিব৷ কিছু ক্ৰেডিট কাৰ্ডত কোম্পানী কাষ্টমাৰ কেয়াৰ নম্বৰত কল কৰিও ট্ৰেন্সফাৰ কৰিব পাৰে৷ সুবিধা হৈছে ইণ্টাৰনেটৰ প্ৰয়োজন নাই৷ অসুবিধা হৈছে ফোন ধৰাৰ বাবে অপেক্ষা কৰিব লগা হয়৷
ধাপ ২- ক্ৰেডিট কাৰ্ড কোম্পানীৰ কাষ্টমাৰ কেয়াৰ নম্বৰত ডায়েল কৰিব লাগিব৷ বেংক একাউণ্টত টকা ট্ৰেন্সফাৰ কৰাৰ কথা ক’ব পাৰে৷ পৰিমাণ আৰু একাউণ্টৰ বিৱৰণ দিব লাগিব৷ পৰবৰ্তী প্ৰক্ৰিয়াৰ বাবে তেওঁলোকৰ নিৰ্দেশনাৱলী অনুসৰণ কৰিব লাগিব৷
নগদ ধন আপুনি উঠাব পাৰে
ক্ৰেডিট কাৰ্ড ব্যৱহাৰ কৰি এটিএমৰ পৰা নগদ ধন তোলা আৰু তাৰ পাছত বেংক একাউণ্টত জমা কৰা সহজ যেন ধাৰণা হলেও ই সকলোতকৈ ব্যয়বহুল পদ্ধতি৷ কাৰণ ইয়াত উচ্চ সুদ লোৱা হয়৷ কেৱল জৰুৰী পৰিস্থিতিতহে এই পদ্ধতি ব্যৱহাৰ কৰা উচিত৷
কিয় ক্ৰেডিট কাৰ্ডৰ পৰা বেংক একাউণ্টত ধন ট্ৰেন্সফাৰ কৰা উচিত নহয়?
উচ্চতৰ ফিঃ ক্ৰেডিট কাৰ্ডৰ পৰা বেংক একাউণ্টলৈ ধন ট্ৰেন্সফাৰত নগদ অগ্ৰিম হিচাপে বিবেচিত হয়৷ ফি ২.৫ শতাংশৰ পৰা ৩শতাংশ পৰ্যন্ত হব পাৰে৷
উচ্চ সুদৰ হাৰঃ সুদ তাৎক্ষণিকভাৱে জমা হবলৈ আৰম্ভ কৰে৷ কোনো অতিৰিক্ত সময়কাল অবিহনেই৷ এই হাৰ নিয়মিত ক্ৰয়তকৈ বেছি৷
ক্ৰেডিট স্কোৰৰ ওপৰত বেয়া প্ৰভাৱঃ ঘনে ঘনে নগদ অগ্ৰিম ঋণ গ্ৰহণ ক্ৰেডিট ব্যৱহাৰৰ অনুপাত বৃদ্ধি কৰে৷ ই আৰ্থিক চাপৰ লক্ষণ হিচাপেও বিবেচিত হব পাৰে৷ আৰু স্কোৰ কমাই দিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
