শিহৰণকাৰী, কাছাৰত পৰকীয়া প্ৰেমৰ সন্দেহত পত্নীৰ সৈতে স্বামীয়ে সংঘটিত কৰিলে ভয়ংকৰ কাণ্ড
কাছাৰৰ ধলাইত জামালপুৰত কালি নিশা সংঘটিত হয় এক অতিকে ভয়ংকৰ ঘটনা। পত্নী পৰকীয়া প্ৰেমত জড়িত থকাৰ সন্দেহত স্বামীয়ে সংঘটিত কৰে গাৰ নোম শিয়ৰি যোৱা ঘটনা।
স্বামীয়ে দাৰে আক্ৰমণ কৰি পত্নীৰ দুয়ো হাত কাটি পেলালে। ঘটনাক কেন্দ্ৰ কৰি তীব্ৰ চাঞ্চল্যৰ সৃষ্টি হৈছে সমগ্ৰ জামালপুৰ অঞ্চলত। জানিব পৰা মতে, ৰফিক উদ্দিন আৰু ৰুবি বেগম নামৰ দুই স্বামী স্ত্ৰীৰ মাজত দীৰ্ঘদিনৰ পৰা কাজিয়া চলি আছিল। স্বামী ৰফিক উদ্দিনৰ সন্দেহ যে পত্নী ৰুবি বেগম পৰকীয়া প্ৰেমত জড়িত।
কালি ২৯ আগষ্টৰ নিশাও এই বিষয়ক লৈয়ে দুয়ো স্বামী-স্ত্ৰীৰ মাজত পুনৰ কাজিয়াৰ সৃষ্টি হয়। সেই কাজিয়াৰেই শেষত ভয়ংকৰ পৰিণতি হয়। কাজিয়া চলি থকাৰ সময়তে হঠাৎ স্বামী ৰফিক উত্তেজিত হৈ দাৰে পত্নী ৰুবি বেগমক কেইবাবাৰো আক্ৰমণ কৰে৷ স্বামীৰ উপৰ্যুপৰি আক্ৰমণত ৰুবি বেগমৰ দুই হাত দ্বিখণ্ডিত হৈ পৰে।
ইপিনে ঘটনা সংঘটিত কৰি পত্নীক ঘৰত ৰক্তাক্ত অবস্থাত পেলাই পলায়ন কৰে স্বামী ৰফিক উদ্দিনে। পত্নীৰ চিঞৰ বাখৰ শুনি প্ৰতিবেশী লোক সকলে ঘটনাস্থলীত উপস্থিত হৈ ৰুবি বেগমক সংকটজনত অৱস্থাত উদ্ধাৰ কৰি, ততাতৈয়াকৈ শিলচৰ মেডিকেল কলেজলৈ লৈ যায়।
কিন্তু মহিলা গৰাকীৰ অৱস্থা সংকটজনক হোৱাত শিলচৰ মেডিকেল কলেজৰ পৰা নিশাই গুয়াহাটী মেডিকেল কলেজলৈ প্ৰেৰণ কৰে। আনহাতে অভিযুক্ত স্বামীৰ বিৰুদ্ধেও ধলাই আৰক্ষীয়ে নিজাববীয়াকৈ গোচৰ ৰুজু কৰি সন্ধানত নামি পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
