বৰ্তমান সময়ত আৰ্থিক সঞ্চয়ৰ পথত সকলোতকৈ ডাঙৰ প্ৰতিবন্ধকতা হৈছে মুদ্ৰাস্ফীতি৷ দৈনিক দাম বাঢ়িছে সামগ্ৰীৰ৷ ফলত সঞ্চয়ক বাবে বিনিয়োগ অতি প্ৰয়োজনীয় হৈ পৰিছে৷ বজাৰত বিনিয়োগৰ নানান বিকল্প থাকিলেও সকলোবোৰ নিৰাপদ নহয়৷ বহুক্ষেত্ৰত কষ্টোপাৰ্জিত অৰ্থ লোকছানৰ ভয় থাকে৷ এফালৰ পৰা চালে নিৰাপদ বিনিয়োগ মানে ফিক্সড ডিপজিট সেৱা৷ এয়াই সকলোৰা আগত আমাৰ মনলৈকো আহে৷ এফ ডি বজাৰৰ সৈতে যুক্ত নহয়৷ ফলত বজাৰৰ ওঠানমাত কোনো প্ৰভাৱ নপৰে৷ বিনিয়োগো সম্পূৰ্ণ নিৰাপদ৷ ইয়াৰ সৈতে আছে নিশ্চিত ৰিটাৰ্ণ৷
দেশৰ বৃহত্তম চৰকাৰী বেংক এছ বি আইত ৭ দিনৰ পৰা ১০ বছৰ ম্যাদত ফিক্সড ডিপজিট কৰা যায়৷ দিয়া হয় ভাল সুদো৷ কিছু এফ ডি বিনিয়োগত আয়কৰ আইনৰ ধাৰা ৮০ চিৰ অধীনত কৰৰ সুবিধাও পোৱা যাব৷ এতিয়া যদি কোনোৱে ষ্টেট বেংক অফ ইণ্ডিয়াৰ ফিক্সড ডিপজিট স্কিমত ১৮০ দিনৰ বাবে ৩লাখ টকা বিনিয়োগ কৰে তেন্তে ম্যাদৰ শেষত কিমান টকা ৰিটাৰ্ণ পাব? এয়া নিৰ্ভৰ কৰিছে কিমান টকা সুদ পাব তাৰ ওপৰত৷
SBIত ৭ দিনৰ পৰা ৪৫ দিনৰ ম্যাদত ৩.৫০শতাংশ, ৪৬ দিনৰ পৰা ১৭৯ দিনৰ ম্যাদত ৫.৫০শতাংশ, ১৮০ দিনৰ পৰা ২১০ দিন ম্যাদত ৬শতাংশ, ২১১ দিনৰ পৰা ১ বছৰ ম্যাদত ৬.২৫শতাংশ, ১ বছৰতকৈ ২ বছৰৰ কম ম্যাদত ৬.৮০শতাংশ, ২ বছৰৰ পৰা ৩বছৰৰ কম ম্যাদত ৭.০০ শতাংশ, ৩ বছৰৰ পৰা ৫ বছৰৰ কম ম্যাদত ৬.৭৫ শতাংশ আৰু ৫বছৰৰ পৰা ১০ বছৰৰ ম্যাদত ফিক্সড ডিপজিটত ৬.৫০শতাংশ হাৰত সুদ পোৱা যাব৷
ষ্টেট বেংক অফ ইণ্ডিয়াৰ ১৮০ দিনৰ ফিক্সড ডিপজিটৰ ক্ষেত্ৰত সাধাৰণ নাগৰিকসকলৰ ৬.২৫% সুদ দিয়া হৈছে আৰু ছিনিয়ৰ চিটিজেনসকলক দিয়া হৈছে ৬.৭৫% সুদ৷ ষ্টেট বেংক অফ ইণ্ডিয়াত ১৮০ দিনৰ ফিক্সড ডিপজিটৰ ক্ষেত্ৰত ৩লাখ টকা জমা কৰিলে সাধাৰণ নাগৰিকে মেচিউৰিটিৰ সময়ত মুঠ ৩,০৯,৩১৭ টকা পাব৷ ষ্টেট বেংক অফ ইণ্ডিয়াত ১৮০ দিনৰ ফিক্সড ডিপজিটৰ ক্ষেত্ৰত ৩লাখ টকা জমা কৰিলে ছিনিয়ৰ ছিটিজেনে মেচিউৰিটিৰ সময়ত মুঠ ৩,১০,০৬৮টকা পাব পাৰে৷ অৰ্থাৎ ষ্টেট বেংক অফ ইণ্ডিয়াই ১৮০ দিনৰ ফিক্সড ডিপজিটত ৩লাখ টকা জমা কৰিলে মেচিউৰিটিৰ সময়ত সাধাৰণ নাগৰিকে ৩,০৯,৩১৭ টকা আৰু ছিনিয়ৰ ছিটিজেনে ৩,১০,০৬৮ টকা পাব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
