পাকিস্তানৰ নেচনেল এছেম্বলীত অনাস্থা ভোটত পৰাস্ত হোৱাৰ পিছতে প্ৰধানমন্ত্ৰী পদৰ পৰা ইস্তফা দিছে পাক প্ৰধানমন্ত্ৰী ইমৰাণ খানে৷
দেশখনৰ প্ৰাক্তন প্ৰধানমন্ত্ৰীগৰাকী ৰাজনীতিলৈ অহাৰ পূৰ্বে আছিল বিশ্বৰ এজন শ্ৰেষ্ঠ ক্ৰিকেটাৰ৷ ১৯৯২ চনত ইমৰাণ খানৰ নেতৃত্বতে পাকিস্তানে ক্ৰিকেট বিশ্বকাপৰ চেম্পিয়ন হৈছিল৷ ইয়াৰ পিছতে ইমৰাণ খানে পাকিস্তানত নায়কোচিত মৰ্যাদা লাভ কৰিছিল৷
শেহতীয়াকৈ প্ৰধানমন্ত্ৰী হিচাপে দেশৰ অৰ্থনীতি বিধ্বস্ত কৰা আৰু আকাশলংঘী মূল্যবৃদ্ধি নিয়ন্ত্ৰণ কৰিবলৈ ব্যৰ্থ হোৱাৰ অভিযোগ তুলি ইমৰাণ খানৰ চৰকাৰৰ বিৰুদ্ধে বিৰোধীয়ে অনাস্থা প্ৰস্তাৱ উত্থাপন কৰিছিল৷ পাকিস্তানৰ প্ৰধানমন্ত্ৰী হিচাপে ব্যৰ্থ হ’লেও ইমৰাণ খান ক্ৰিকেটাৰ হিচাপে এজন সফল খেলুৱৈ আছিল৷ ইয়াৰোপৰি ইমৰাণ খান অন্য এক বিশিষ্ট গুণো আছিল৷ সেয়া হৈছে চেলিব্ৰেটি তথা ছবি নায়িকাৰ সৈতে সম্পৰ্ক গঢ়ি তোলা৷ অৰ্থাৎ ইমৰাণ খান এজন নিখুঁট প্লে’বয় আছিল!
লগতে পঢ়ক http://মূল্যবৃ্দ্ধিত জ্বলি ছাই হৈছে দেশ! অথচ WTOলৈ খাদ্য প্ৰেৰণ কৰিব ভাৰতে
এই ইমৰাণ খানৰে বলিউদৰ একাধিক অভিনেত্ৰীৰ সৈতে প্ৰেমৰ সম্পৰ্ক থকা বুলিও গুঞ্জন উঠিছিল৷ আজি আমি বলিউদৰ নায়িকাৰ সৈতে ইমৰাণ খানৰ প্ৰেমৰ গঞ্জন উঠা নায়িকাৰ বিষয়ে উল্লেখ কৰিব খুজিছো৷
বলিউদৰ এগৰাকী নায়িকা মুনমুন সেনৰ সৈতে গভীৰ প্ৰেমৰ সম্পৰ্ক থকা বুলি চৰ্চা লাভ কৰিছিল৷ তেওঁলোকৰ সম্পৰ্কে বিষয়ে সেই সময়ত যথেষ্ট চৰ্চা লাভ কৰিলে দুয়োৱে এই সম্পৰ্কে মুখ খোলা নাছিল৷
শ্বাবনা আজমীৰ সৈতে ইমৰাণ খানৰ প্ৰেমৰ সম্পৰ্ক থকা বুলি বাতৰি উলাইছিল৷ তেওঁলোকৰ দুয়োৰে মাজত ঘণিষ্ঠতা বৃদ্ধি পোৱা বুলিও চৰ্চা লাভ কৰিলেও সেয়া ৰহস্যাবৃত্ত হৈয়ে থাকিল৷ সত্তৰ দশকৰ ব’ল্ড নায়িকা জিনত আমনৰ সৈতেও ইমৰাণ খানৰ সম্পৰ্ক আছিল বুলি ব্যাপক চৰ্চা লাভ কৰিছিল৷ ১৯৭৯ চনত জিনত আমনৰ সৈতে ঘণিষ্ঠতা বৃদ্ধি পোৱাৰ বাবে সেই বছৰেই ইমৰাণ খানে ‘প্লে’বয়’ৰ আখ্যা লাভ কৰিছিল৷
লগতে পঢ়ক ৰণবীৰ-আলিয়াৰ বিয়া : নিমন্ত্ৰণ মাত্ৰ ২৮ গৰাকী অতিথি, কোন কোন তেওঁলোক?
’৭৯ত ইমৰাণে বাংগালুৰুৰ ক্ৰিকেট ষ্টেডিয়ামত নিজৰ ২৭ সংখ্যক জন্মদিন পালন কৰিছিল৷ উক্ত পাৰ্টিত পাক ক্ৰিকেটাৰসকলৰ সৈতে জিনত আমনো উপস্থিত থকা বুলি ভাৰতীয় সংবাদ মাধ্যমে দাবী কৰিছিল৷
ইফালে বলিউদৰ চিৰসেউজ নায়িকা ৰেখাৰ সৈতেও ইমৰাণ খানৰ প্ৰেমৰ গুঞ্জন উঠিছিল৷ অৱশ্যে এই সত্যতা এতিয়াও নিশ্চিত হোৱা নাই৷ কিন্তু, ষ্টাৰ নামৰ এখন সংবাদ পত্ৰত ‘ৰেখাৰ সৈতে ইমৰাণৰ বিয়া’ বুলিও শিৰোণাম প্ৰকাশ পাইছিল৷ সংবাদ পত্ৰখনে লগতে ১৯৮৫ চনৰ এপ্ৰিল মাহটো ইমৰাণে ৰেখাৰ সৈতে মুম্বাইতে থকা বুলিও দাবী কৰিছিল৷
অৱশ্যে, সংবাদ মাধ্যমত এইসমূহ গুঞ্জন উঠিলেও ইমৰাণ খান বা বলিউদৰ অভিনেত্ৰীসকলে এই সম্পৰ্কে কোনো কথা খোলোচা কৰা নাছিল৷ বৰং ইমৰাণ খানে ভাৰতীয় অভিনেত্ৰীৰ সৈতে বিয়াৰ কথা কেতিয়াও ভবা নাই বুলিহে প্ৰকাশ কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
