শ্ৰীলংকাৰ বিৰুদ্ধে খেলত প্ৰতিগৰাকী ভাৰতীয় ক্ৰিকেটাৰৰ হাতত দেখা পোৱা গ’ল ক’লা বেণ্ড, কিয় ?
ভাৰত আৰু শ্ৰীলংকাৰ মাজত T-20 শৃংখলাৰ পিছত আৰম্ভ হৈছে এদিনীয়া শৃংখলা। আজি ২ আগষ্ট তাৰিখ শুকুৰবাৰে কলম্বোৰ আৰ প্ৰেমদাছা ষ্টেডিয়ামত অনুষ্ঠিত হ’ব এই শৃংখলাৰ প্ৰথমখন খেল। য’ত ৰোহিত শৰ্মাৰ অধিনায়কত্বত প্ৰথমে বলিং কৰিবলৈ আহে টিম ইণ্ডিয়া।
পাছে খেলখনত খেলপথাৰত নমা প্ৰতিগৰাকী ভাৰতীয় খেলুৱৈৰ হাতত দেখা পোৱা যায় ক’লা বেণ্ড। হাতত ক’লা বেণ্ড লৈ ভাৰতীয় দল এই মেচলৈ আহে। ৰোহিত শৰ্মা, বিৰাট কোহলীৰ হাততো দেখা যায় এই ক’লা বেণ্ড।
সাধাৰণতে খেলুৱৈয়ে মেচত মৃত খেলুৱৈৰ স্মৃতিত বা কোনো প্ৰতিবাদৰ বাবে তেনেদৰে ক’লা বেণ্ড পিন্ধা দেখা যায়। এইবাৰো বাৰতী দলে প্ৰাক্তন খেলুৱৈৰ স্মৃতিত তেনেদৰে ক’লা বেণ্ড পৰিধান কৰে। প্ৰয়াত ক্ৰিকেটাৰ তথা প্ৰাক্তন প্ৰশিক্ষক অংশুমান গাইকোৱাডৰ প্ৰতি শ্ৰদ্ধাঞ্জলি জনাই এই খেলখনত টিম ইণ্ডিয়াই ক’লা বেণ্ড পিন্ধে।
https://x.com/KNIGHTS_EXTRA/status/1819298234180767763
উল্লেখ্য যে, ভাৰতীয় দলৰ প্ৰাক্তন প্ৰবীণ ক্ৰিকেটাৰ তথা প্ৰশিক্ষক অংশুমান গাইকোৱাদৰ ৩১ জুলাই তাৰিখে দেহাৱসান ঘটিছিল। তেজৰ কৰ্কট ৰোগত আক্ৰান্ত আছিল তেখেত। ৭১ বছৰ বয়সত বিশ্ববাসীৰ পৰা চিৰ বিদায় লয়।
অংশুমান গাইকৱাদে ১৯৯৭ চনৰ পৰা ২০০০ চনৰ ভিতৰত দুবাৰকৈ ভাৰতীয় দলৰ প্ৰশিক্ষকতা কৰিছিল। প্ৰাক্তন প্ৰবীণ ক্ৰিকেটাৰগৰাকীয়ে ১৯৮৫ চনত ভাৰতৰ হৈ ৪০খন টেষ্টত ২৬৯ ৰান আৰু ১৫খন এদিনীয়াত এটা অৰ্ধশতক অৰিহণা যোগাইছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
