ৰকেট গতিত আগুৱাইছে ভাৰতৰ অৰ্থনীতি৷ আৰু তাৰ হৈছে ভাৰতৰ বাঢ়িছে বৈদেশিক মুদ্ৰাৰ ভাণ্ডাৰো৷ এইবাৰ বৈদেশিক মুদ্ৰাৰ সঞ্চয়ত নতুন মাইলফলক স্পৰ্শ কৰিলে ভাৰতে৷ বৈদেশিক মুদ্ৰা ভাণ্ডাৰত বিশ্বৰ চতুৰ্থ স্থানত উঠিছে ভাৰত৷ প্ৰথমবাৰ ভাৰতৰ বৈদেশিক মুদ্ৰাৰ ভাণ্ডাৰ ৭০০ বিলিয়ন মাৰ্কিন ডলাৰ গোট খাইছে৷ ভাৰতৰ আগত আছে চীন অৰ্থৎ চীন তৃতীয় স্থানত, দ্বিতীয় স্থানত আছে জাপান আৰু প্ৰথম স্থান দখল কৰিছে ছুইজাৰলেণ্ডে৷
ভাৰতৰ অৰ্থনীতিয়ে এতিয়া নতুন ৰেকৰ্ড স্পৰ্শ কৰিবলৈ সক্ষম হৈছে৷ অৰ্থনীতিবিদে একেসময়তে ভাৰতক বিশ্বৰ পঞ্চম ভঙ্গুৰ অৰ্থনীতিৰ দেশ হিচাপেও বিবেচনা কৰিছে৷ ভাৰতে আজি অৰ্থনীতিত দ্ৰুত উন্নতিৰ দেশৰ সন্মানো লাভ কৰিবলৈ সক্ষম হৈছে৷ অন্যান্য উন্নয়ণশীল দেশৰ ওচৰত আমাৰ দেশ হৈ উঠিছে এক উদাহৰণ৷
ভাৰত এতিয়া বিশ্বৰ পঞ্চম বৃহত্তম অৰ্থনীতিৰ দেশ৷ ২০৩০ চনৰ ভিতৰত বিশ্বৰ তৃতীয় বৃহত্তম অৰ্থনীতিৰ দেশ হোৱাৰ দিশে আগুৱাইছে ভাৰত৷ এই অৱস্থাত বৈদেশিক মুদ্ৰাৰ সঞ্চয়ৰ ক্ষেত্ৰতো আগুৱাইছে আমাৰ দেশ৷ ৰিজাৰ্ভ বেংক অৱ ইণ্ডিয়াই জনাইছে যে এই সপ্তাহত ভাৰতৰ ভাণ্ডাৰত বৈদেশিক মুদ্ৰা জমা হৈছে ১২.৫৮৮ বিলিয়ন ডলাৰ৷ তাৰ জোৰতেই প্ৰথমবাৰ ৭০০ বিলিয়ন ডলাৰৰ গণ্ডি চুইছে ভাৰতে৷ ছেপ্টেম্বৰৰ শেষ সপ্তাহৰ শেষত ভাৰতৰ ভাণ্ডাৰত বৈদেশিক মুদ্ৰাৰ পৰিমাণ হৈছেগৈ ৭০৮.৮৮৫ বিলিয়ন ডলাৰ৷
অৰ্থনীতিবিদৰ ধাৰণা যে বিদেশৰ সৈতে ভাৰতৰ বাণিজ্যও দ্ৰুতগতিত বাঢ়িছে৷ ৰপ্তানী বৃদ্ধ পোৱাৰ বাবে বৈদেশিক মুদ্ৰাৰ সঞ্চয় বাঢ়িছে৷ তেনেকৈ ভাৰতীয় মুদ্ৰাক স্থিতিশীল ৰাখিবলৈকো পদক্ষেপ গ্ৰহণ কৰিছে আৰ বি আইয়ে৷ তাৰ প্ৰভাৱ পৰিছে বৈদেশিক মুদ্ৰাৰ ভাণ্ডাৰত৷ সকলো মিলি প্ৰথমবাৰ ভাৰতৰ বৈদেশিক মুদ্ৰাৰ ভাণ্ডাৰত ৭০০ বিলিয়ন ডলাৰ বিদেশী মুদ্ৰা গোট খাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
