ভাৰত আৰু পাকিস্তানৰ মাজত এই সংঘাতময় পৰিস্থিতিৰ মাজতেই কেন্দ্ৰীয়শাসিত অঞ্চল আৰু ৰাজ্যসমূহক বিশেষ নিৰ্দেশনা দিছে গৃহমন্ত্ৰণালয়ে৷ গৃহমন্ত্রণালয়ৰ তৰফৰ পৰা জানিব পৰা মতে ১৯৬৮ চনৰ ছিভিল ডিফেন্স আইনৰ অধীনত জৰুৰী ক্ষমতা প্ৰয়োগ কৰিব পাৰে ৰাজ্যই৷ সেই ক্ষমতা সক্ৰিয় কৰা হ’ব৷ এই নিৰ্দেশ অনুসৰি সংশ্লিষ্ট ৰাজ্য প্ৰশাসনে দ্ৰুত সিদ্ধান্ত লোৱা আৰু জৰুৰী ক্ৰয় বিক্ৰয় কৰাৰ অনুমতি পাব৷ বিশেষকৈ এই পৰিস্থিতিত যেতিয়া কোনো যুদ্ধসদৃশ পৰিবেশ চলি থাকে৷
গৃহমন্ত্ৰণালয়ে দেশজুৰি থকা মুখ্যসচিব আৰু প্ৰশাসকৰ কাষৰ পৰা চিঠি লিখি ১৯৬৮ চনৰ নাগৰিক প্ৰতিৰক্ষা বিধিমালাত ১১ ধাৰা সক্ৰিয় কৰাৰ বাবে অনুৰোধ কৰা হৈছে৷ এই ধাৰা ৰাজ্য চৰকাৰসমূহক নিম্নোক্ত বিশেষ অনুমতি দিয়ে৷
১. মানুহ আৰু সম্পত্তি ৰক্ষাৰ বাবে প্ৰয়োজনীয় যিকোনো জৰুৰী ব্যৱস্থা গ্ৰহণ কৰা৷
২. যিকোনো জৰুৰী পৰিস্থিতিত বিদ্যুৎ, পানী, হাস্পতাল আৰু যোগাযোগৰ বাবে প্ৰয়োজনীয় পৰিসেৱাসমূহ সুচাৰুৰূপে চলি আছে সেয়া নিশ্চিত কৰা৷
৩.অনুমোদনৰ অপেক্ষা নকৰি চৰকাৰী বা অসামৰিক প্ৰতিৰক্ষাৰ বাবে প্ৰয়োজনীয় সৰঞ্জাম বা পৰিসেৱা ক্ৰয় কৰা৷ সহজ কথাত কেন্দ্ৰই বিচাৰিছে যে কোনো ধৰণৰ ধমকিৰ সন্মুখীন হলে ৰাজ্যসমূহে যাতে দ্ৰুত পদক্ষেপ ল’বৰ বাবে প্ৰস্তুত থাকে৷
ছিভিল ডিফেন্স কি?
নাগৰিক প্ৰতিৰক্ষা হৈছে জৰুৰী অৱস্থাৰ বাবে প্ৰস্তুতি৷ বিশেষকৈ প্ৰাকৃতিক দুৰ্যোগ, যুদ্ধৰ দৰে পৰিস্থিতি বা ডাঙৰ আক্ৰমণৰ দৰে বৃহৎ আকাৰৰ ঘটনাৰ প্ৰেক্ষিতত তৈয়াৰ কৰা৷ নাগৰিক প্ৰতিৰক্ষা স্বেচ্ছাসেৱক আৰু অধিকাৰীসকলে এই ধৰণৰ ঘটনাত উদ্ধাৰ, প্ৰাথমিক চিকিৎসা, জৰুৰী যোগাযোগ আৰু জননিৰাপত্তাৰ সহায়তা কৰিব লাগে৷
কি জৰুৰী সামগ্ৰী ক্ৰয় কৰাটো জৰুৰী?
জৰুৰী পোহৰৰ বাবে জেনাৰেটৰ৷
জনতাৰ বাবে সুৰক্ষামূলক সৰঞ্জাম৷
যোগাযোগৰ বাবে যন্ত্ৰ৷
পানী পৰিশোধন ইউনিট৷
উদ্ধাৰ সৰঞ্জাম আৰু প্ৰাথমিক চিকিৎসাৰ উপকৰণ৷
প্ৰয়োজনত বেৰিকেড আৰু আশ্ৰয়কেন্দ্ৰ৷
এই ক্ষমতাসমূহ নিজৰ হাতত থাকিব ৰাজ্য আৰু কেন্দ্ৰীয়শাষিত অঞ্চলৰ
প্ৰতিখন ৰাজ্য বা কেন্দ্ৰীয়শাসিত অঞ্চলৰ ছিভিল ডিফেন্স ডাইৰেক্টৰক এই ক্ষমতা দিয়া হব৷ স্থানীয় কৰ্তৃপক্ষসমূহক অন্যান্য নিয়মিত কামৰ পূৰ্বেও এই জৰুৰী ব্যৱস্থাসমূহৰ বাবে বিশেষ ব্যৱস্থা গ্ৰহণৰ অনুমতি দিয়া হৈছে৷ নিৰ্দেশনাত আৰু স্পষ্টকৈ কোৱা হৈছে যে জৰুৰী ব্যৱস্থাসমূহক অন্যান্য সমস্ত নাগৰিক ব্যয় আৰু দায়িত্বতকৈ বেছি অগ্ৰাধিকাৰ দিয়া উচিত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
