অসম লাইভ২৪ঃ গুৱাহাটীত ভাৰত-দক্ষিণ আফ্ৰিকাৰ খেলৰ সফল সমাপ্তি! ঘৰুৱা দলটো বিজয়ী হোৱাত সুখী হৈ পৰিছে প্ৰত্যেকজন ক্ৰিকেট অনুৰাগী৷ হৰা-জিকাতকৈয়ো বাতৰিৰ শিৰোনামত এতিয়া খেল চলি থকাৰ সময়ত সৃষ্টি হোৱা খেলিমেলিৰ হে চৰ্চা৷ বৰ্ষাপাৰা ষ্টেডিয়ামতেই কিয় হয় খেলিমেলি? এইবাৰো প্ৰায় ২৩ মিনিট সময় খেল বন্ধ কৰিব লগা হ’ল সেই সম্পৰ্কে এতিয়া প্ৰতিক্ৰিয়া ব্যক্ত কৰিছে দেশ-বিদেশৰ বহু ক্ৰিকেটাৰৰ লগতে ক্ৰিকেট অনুৰাগীয়েও৷
আগশাৰীৰ কেইবাখনো কাকতৰ ক্ৰীড়া পৃষ্ঠাৰ শিৰোনাম হৈছে ‘গুৱাহাটীত আকৌ খেলিমেলি’৷ বৰ্ষাপাৰাত সূৰ্যকুমাৰ যাদৱেই জিলিকি উঠিল এনে নহয় তাৰ সমান্তৰালভাৱে জিলিকি উঠিল আকস্মিক দুই ঘটনাও৷ প্ৰথমেই টছত জিকি ফিল্ডিং কৰে দক্ষিণ আফ্ৰিকাৰ দলটোৱে৷ ভাৰতীয় দলে প্ৰথমেই বেট ধৰি থকাৰ সময়তে ঘটে অঘটনটো৷ ৰোহিত শৰ্মা আৰু এল কে ৰাহুলে বেটিঙ কৰি থকাৰ সময়তেই হঠাতেই দেখা গ’ল এডাল সাপ৷ সাপ দেখা মাত্ৰকে খেলপথাৰ এৰে দুই দলৰ খেলুৱৈয়ে৷ ততাতৈয়াকৈ সাপটো আঁতৰোৱা হ’ল যদিও প্ৰায় ৭ মিনিটৰ বাবে খেল বন্ধ কৰিবলগা হ’ল৷ সাপ আঁতৰোৱাৰ পিছত খেল পুনৰ আৰম্ভ হ’ল যদিও বিধিৰ-বিপাক পিছৰবাৰ আকৌ লাইটেই বন্ধ হ’ল খেলপথাৰত৷ ইয়াৰ পিছতেই ক্ষোভত ভাঙি পৰি বহু ক্ৰিকেটপ্ৰেমীয়েই ওলাই আহে৷ ইয়াৰ পিছতেই সকলোৰে মুখে মুখে প্ৰশ্ন গুৱাহাটীত খেলিমেলি শেষ নহ’বই নেকি?
সূৰ্যকুমাৰ আৰু বিৰাট কোহলীৰ অধিনায়কত্বত ভাৰতে ২৩৭ ৰাণ সংগ্ৰহ কৰিছিল। দক্ষিণ আফ্ৰিকাই সেই ৰাণটো অনুসৰণ কৰিবলৈ এটাৰ পিছত এটা উইকেট হেৰুৱাই থাকিল। টেম্বা বাভুমাই দেওবাৰে ৰাণ পোৱা নাছিল। দক্ষিণ আফ্ৰিকাই তিনিটা উইকেট হেৰুৱালে। 2.1 অভাৰৰ শেষত, খেলপথাৰৰ এফালে পোহৰ বন্ধ হয়। খেলপথাৰৰ এফালে থকা লেম্পপোষ্টটো বাহিৰলৈ ওলাই যোৱাৰ বাবে খেলখন পুনৰ বন্ধ কৰিব লগা হৈছিল। পোহৰ ঘূৰি আহিবলৈ ১৬ মিনিট সময় লাগে। দুয়োটা দলে সেই সময়ৰ বাবে অপেক্ষা কৰিব লাগিব।
সূৰ্যকুমাৰ আৰু বিৰাট কোহলীৰ অধিনায়কত্বত ভাৰতে এই খেলত ২৩৭ ৰাণ সংগ্ৰহ কৰে। ঘৰুৱা দলটোৰ ভাল প্ৰদৰ্শনৰ বিপৰীতে দক্ষিণ আফ্ৰিকাৰ দলটোৱে হেৰুৱাই থাকিল এটাৰ পিছত আনটো উইকেট। ইফালে দক্ষিণ আফ্ৰিকাৰ দলটোৱে বেটিং কৰি থাকোতেই ২.১ অভাৰ যাওঁতেই খেলপথাৰৰ এফালে সকলো লাইট বন্ধ হৈ পৰে। খেলপথাৰৰ এফালে থকা লেম্পপোষ্টবোৰ সম্পৰ্ণৰূপে বন্ধ হৈ পৰাত পুনৰ খেল বন্ধ কৰিব লগা হ’ল। লাইটৰ যোগাৰ কৰালৈকে আকৌ ১৬ মিনিট সময় অপেক্ষা কৰিবলগা হ’ল দুয়ো দলেই৷
উল্লেখ্য যে অন্যান্য খেলপথাৰসমূহত ক্ৰিকেট এছ’চিয়েশ্যনে এলইডি লাইট স্থাপন কৰে যাতে পোহৰৰ বাবে খেল বন্ধ হ’ল লগা নহয়৷ কেনেবাকৈ লাইট বন্ধ হ’লেও এক মুহূৰ্ততে ইয়াক জ্বলোৱা সম্ভৱ৷ এখন আন্তৰাষ্ট্ৰীয় খেলৰ আয়োজকে কিয় এই বিষয়টোক গুৰুত্বসহকাৰে লোৱা নাছিল সেই লৈ প্ৰশ্ন উত্থাপন কৰিছে বিভিন্ন দেশৰ ক্ৰিকেট আয়োজক সন্থাৰ লগতে ক্ৰিকেট অনুৰাগীসকলেও৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
