মান ৰাখিলে ৰিয়ানে, শ্ৰীলংকাৰ বিৰুদ্ধে ভাৰতৰ জয়ত বিশেষ ভুমিকা অসম সন্তানৰ, দখল কৰিলে ৩ টা উইকেট
ৰাষ্ট্ৰীয় সংবাদ মাধ্যমত এতিয়া ক্ৰিকেটৰ ক্ষেত্ৰত এটাই নাম উজলি আছে, সেয়া হৈছে অসমৰ ৰিয়ান। ছাৰপ্ৰাইজ পেকেজ হিচাপে নিজকে দাঙি ধৰিলে ভাৰতীয় ক্ৰিকেট দলৰ বাবে। কালি ২৭ জুলাই তাৰিখে অনুষ্ঠিত হোৱা ভাৰত বনাম শ্ৰীলংকা খেল খনত উজলি উঠে ৰিয়ান পৰাগ।
বেটিঙত বিফল হলেও বলিঙৰ ক্ষেত্ৰত উজলি উঠিল অসম সন্তান ৰিয়ান পৰাগ। দখল কৰিলে ৩ টাকৈ উইকেট। যাৰ ফলতেই ভাৰতে শ্ৰীলংকাৰ বিৰুদ্ধে প্ৰথমখন খেলত জয়ৰ দিশে অতি সহজে আগবাঢ়ে।
অন্তিম পৰ্যায় দিশে আগবাঢ়িছিল খেল। খেল প্ৰায় শ্ৰীলংকাৰ হাতলৈ যোৱাৰ উপক্ৰম। শ্ৰীলংকাৰ দলটোৱে ১৬ অভাৰত ৪ উইকেটত ১৫৮ ৰান সংগ্ৰহ কৰিছিল। এই জটিল মুহূৰ্তত সূৰ্য্যই এক আচৰিত সিদ্ধান্ত লৈ আৰ্শদ্বীপ সিং বা মহম্মদ চিৰাজৰ হাতত উইকেটটো গতাই দিয়ে।
ৰিয়ানেও নিজৰ অধিনায়কক সঠিক বুলি প্ৰমাণ কৰি নিজৰ অভাৰৰ চতুৰ্থ বলত মহেশ তিক্ষিনাক বল কৰে। ইয়াৰ ঠিক আগতে দছুন শনাকাক একেটা অভাৰতে ৰান আউট হৈছিল। এই দুটা উইকেটৰ পিছতে খেলখন ভাৰতৰ হাতলৈ আহে। ১৮ অভাৰত আৰ্ছদীপে আৰু ১৯ অভাৰত ছিৰাজে বলিং কৰে।
এই অভাৰত দুয়োজনে এটাকৈ উইকেট দখল কৰে। ইয়াৰ পিছতে সূৰ্যকুমাৰ যাদৱে আকৌ এবাৰ বল ৰিয়ানৰ হাতত তুলি দিয়ে। খেলখনৰ এই শেষ অভাৰত শ্ৰীলংকাক ৪৪ ৰানৰ প্ৰয়োজন হৈছিল যদিও ৰিয়ানে এক ৰানো নিদি অভাৰৰ প্ৰথম দুটা বলতেই উইকেট দখল কৰি মেচখনৰ অন্ত পেলায়।
যাৰ ফলত এতিয়া উজলি উঠিছে ৰিয়ান। কোনেও নভৱাকৈ বলিং কৰি দখল কৰে ৩ টা কৈ উইকেট। আজিৰ পৰা পূৰ্বে সদায় ৰিয়ান এগৰাকী বেটিং কৰা খেলুৱৈ হিচাপে পৰিচয় দি আহিছিল, পাছে কালিৰ খেল খনত অন্তত এতিয়া অলৰাউণ্ডাৰ নাম পাইছে ৰিয়ানে।
অৱশ্যে কালিৰ খেল খনত বলিঙৰ ক্ষেত্ৰত সফল হলেও বেটিঙত ব্যৰ্থ হয় ৰিয়ান। ৬ টা বলত মাত্ৰ ৭ ৰান কৰি পেভিলিয়ানৰ বাট লয়।
আনহাতে অধিনায়ক হিচাপে প্ৰথমবাৰৰ বাবে সফল হৈ প্ৰমান দাঙি ধৰে সূৰ্যকুমাৰেও। অধিনায়কক চাপত পৰীক্ষা কৰা হয় আৰু সূৰ্য্যকুমাৰ যাদৱে কালিৰ পৰীক্ষাত উত্তীৰ্ণ হৈছে। শ্ৰীলংকাৰ বিৰুদ্ধে এনে পৰ্যায়ত সূৰ্যকুমাৰে বলটো ৰিয়ান পৰাগৰ হাতত তুলি দিছিল, যেতিয়া শ্ৰীলংকাৰ বিৰুদ্ধে ৪ অভাৰত ৫৬ ৰানৰ প্ৰয়োজন হৈছিল।
আৰ্ছদীপ সিং আৰু মহম্মদ ছিৰাজৰ দুটাকৈ অভাৰ বাকী আছিল। সকলোৱে ধৰি লৈছিল যে ১৭ নং অভাৰত আৰ্শদীপ সিঙে বলিং কৰিব। কিন্তু সূৰ্য্যই বেলেগ কিবা এটাহে ভাবি আছিল। বল ৰিয়ান পৰাগৰ হাতত গতাই দিওঁতে সকলোৱে আচৰিত হৈ পৰে।
কিন্তু ৰিয়ানেও নিৰাশ নকৰি সেই প্ৰৱল চাপৰ মুহূৰ্তত নিজৰ অধিনায়কৰ মান ৰাখি দেশৰ মান ৰাখি, অসমৰ মান ৰাখি ৩ টাকৈ উইকেট লাভ কৰিছিল। যি টিম ইণ্ডিয়াৰ অতি প্ৰয়োজন আছিল। এই মেচত ভাৰতে জয়লাভ কৰে আৰু ইয়াৰ দ্বাৰা প্ৰমাণিত হ’ল যে সূৰ্য্য দলৰ অধিনায়কত্বৰ বাবে সাজু। উল্লেখ্য যে, প্ৰশিক্ষক হিচাপে গৌতম গম্ভীৰৰ এইখনো আছিল প্ৰথমখন মেচ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
