অসম লাইভ২৪ঃ মুম্বাইত খেল চাবলৈ কালি উপস্থিত হৈছিল শচীন কন্যা ছাৰা তেণ্ডুলকাৰ। তাতেই খেলত নামিছিল শুভমন গীল। ৯২ ৰানৰ ইনিংছো খেলিছে। ছাৰা আৰু শুভমনৰ সম্পৰ্কক লৈ বিশেষ চৰ্চা চলি থকাৰ সময়তে এইবাৰ মুম্বাইৰ মেচত সমৰ্থক সকলে শুভমনত বিৰক্তও কৰি তুলিছে। অৱশেষত বিৰাটে ইংগিত দিহে সকলোকে শান্ত কৰোৱাব লগা হয়।
ভাৰতীয় দলটোৱে প্ৰথমে বেট ধৰি ৩৫৭ ৰান লয়। ইয়াৰ মাজতেই শুভমন আৰু বিৰাটৰ যুঁটিটোৱে ১৮৯ ৰান ল’বলৈ সক্ষম হয়। শুভমনে ৯২ ৰান আৰু বিৰাটে কৰে ৮৮ ৰান। দুজনেই শতৰানৰ নিচেই কাষত গৈ থমকি ৰ’ব লগা হয়। এই ইনিংছৰ পাছত দুজনেই ফিল্ডিং কৰাও দেখা যায়। ফিল্ডিং কৰি থকাৰ সময়তে দৰ্শকে শুভমনক উদ্দেশ্যি চিৎকাৰ কৰে। প্ৰায়সংখ্যকেই চিঞৰি চিঞৰি কয়, ‘হামাৰি ভাৱী কেইছি হৌ? ছাৰা ভাৱী জেইছী হৌ।’ সেই সময়ত শুভমন কিছু পৰিমানে অন্যমনস্কও হৈ পৰিছিল। এই পৰিস্থিতিক চম্ভালিবলৈকে বিৰাটে দৰ্শকক ইংগিতেৰে মনে মনে থাকিবলৈ কয়। তাৰপিছতেই দৰ্শকে শুভমনৰ নাম ধৰি চিৎকাৰ কৰে।
বৃহস্পতিবাৰে শ্ৰীলংকাক হৰুৱাই বিশ্বকাপৰ ছেমিফাইনেলত খেলাৰ বাবে স্থায়ী হ’ল ভাৰতৰ স্থান। শ্ৰীলংকাক ৩০২ ৰানত হৰুৱাইছে ৰোহিত বাহিনীয়ে। ভাৰতে লোৱা ৩৫৭ ৰানৰ বিপৰীতে শ্ৰীলংকাই লয় মাত্ৰ ৫৫ ৰান। মহম্মদ ছামীয়ে এই মেচত ৫ উইকেট লয়। মহম্মদ চিৰাজে লয় ৩ উইকেট। ইয়াৰোপৰি উইকেট লয় যশপ্ৰীত বুমৰাহ আৰু ৰবীন্দ্ৰ জাদেজাইয়ো। প্ৰথমবাৰ বিশ্বকাপ খেলিছে শুভমন গীলে। প্ৰথম দুখন মেচত ডেংগুৰ বাবে খেলিব পৰা নাছিল শুভমনে। ইয়াৰপাছতেই ৫খন মেচত তেওঁ অৰ্ধশতক কৰিবলৈ সক্ষম হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
