পাকিস্তানৰ বিৰুদ্ধে একচন মোডত ভাৰত, মিছাইলেৰে সাগৰৰ বুকুত যুদ্ধৰ দামামা ভাৰতীয় নৌসেনাৰ
একচন মোডত ভাৰত। ২২ এপ্ৰিল তাৰিখে পহলগামত সংঘটিত সন্ত্ৰাসবাদী আক্ৰমণৰ পিছতে কেন্দ্ৰীয় চৰকাৰ একচন মোডত। বিধ্বংসী মিছাইলেৰে সাগৰৰ বুকুত যুদ্ধৰ দামামা ভাৰতীয় নৌসেনাৰ।
সামৰিক পৰ্যায়ত প্ৰস্তুতি আৰম্ভ হৈছে আৰু ইয়াৰ বাবে সকলো ধৰণৰ ব্যৱস্থা কৰা কৰিছে ভাৰতীয় সেনাই। তাৰে মাজতে আজি ২৪ এপ্ৰিল তাৰিখে ভাৰতীয় নৌসেনাৰ এক বৃহৎ সাফল্য।
ভাৰতীয় নৌসেনাৰ থলুৱাভাৱে নিৰ্মিত যুদ্ধ জাহাজ আই এন এছ চুৰাটে সাগৰত দ্ৰুত উৰণৰ লক্ষ্যত সঠিকভাৱে আক্ৰমণ কৰি যথেষ্ট সফলতা লাভ কৰিছে। এই সাফল্যই নৌসেনাৰ শক্তিক আৰু অধিক শক্তিশালী কৰে।
এই সফলতাই ভাৰতীয় নৌসেনাৰ থলুৱা যুদ্ধজাহাজৰ ডিজাইন, উন্নয়ন আৰু পৰিচালনাৰ ক্ষেত্ৰত ক্ৰমবৰ্ধমান শক্তি প্ৰদৰ্শন কৰে। ইয়াৰ ফলত প্ৰতিৰক্ষা খণ্ডত আত্মনিৰ্ভৰ ভাৰতৰ দৃষ্টিভংগী আৰু অধিক শক্তিশালী হয়।
https://x.com/indiannavy/status/1915323039321059393
আৰব সাগৰত কৰা এই সফল পৰীক্ষা অতি গুৰুত্বপূৰ্ণ কাৰণ পাকিস্তানেও একেটা অঞ্চলতে ক্ষেপণাস্ত্ৰ পৰীক্ষা কৰিবলৈ ওলাইছে। তথ্য অনুসৰি পহলগাম সন্ত্ৰাসবাদী আক্ৰমণৰ পিছত ভাৰত চৰকাৰে গ্ৰহণ কৰা দ্ৰুত সিদ্ধান্তৰ পিছত পাকিস্তানে এটা ক্ষেপণাস্ত্ৰ পৰীক্ষা কৰিবলৈ গৈ আছে আৰু পাকিস্তানে এই সন্দৰ্ভত অধিসূচনাও জাৰি কৰিছে।
পাকিস্তানে এই ক্ষেপণাস্ত্ৰ তথা মিছাইল আৰব সাগৰ অঞ্চলত পৰীক্ষা কৰাৰ সিদ্ধান্ত লৈছে। ভাৰতৰ তদন্তকাৰী সংস্থাসমূহে এই ঘটনাৰ ওপৰত চকু ৰাখিছে। এই সন্দৰ্ভত গৃহ মন্ত্ৰালয়ৰ গৃহ সচিবৰ সৈতে RAW আৰু IB ৰ মুৰব্বীসকলৰ এক উচ্ছ পৰ্যায়ৰ বৈঠকো অনুষ্ঠিত হৈছে।
উল্লেখ্য যে, পহেলগাম আক্ৰমণ পাছতে বুধবাৰে প্ৰধানমন্ত্ৰী নৰেন্দ্ৰ মোদীৰ নেতৃত্বত গঠিত কেবিনেট কমিটি অন ছিকিউৰিটিয়ে সিন্ধু জন সন্ধি তাৎক্ষণিকভাৱে কাৰ্যকৰী হোৱাকৈ স্থগিত ৰাখিছিল। ভাৰতবৰ্ষই প্ৰথমবাৰৰ বাবে ইমান ডাঙৰ আৰু কঠোৰ ব্যৱস্থা গ্ৰহণ কৰিছে পাকিস্তানৰ বিৰুদ্ধে। ভাৰত আৰু পাকিস্তানৰ মাজত পূৰ্বে তিনিখনকৈ বৃহৎ যুদ্ধ সংঘটিত হৈছিল যদিও এনে ধৰণৰ সন্ধি পূৰ্বে স্থগিত ৰখা হোৱা নাছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
