মাছাজ পাৰ্লাৰলৈ যাওঁতে সতৰ্ক হওক! মাছাজ কৰাৰ কথা কৈ কৰিছিল তৰুণীৰ ন**গ্ন ভিডিঅ’, অনিয়ন্ত্ৰিত আৰু বিকৃত লালসাৰ চিকাৰ ৬১ বছৰীয়া মহিলাও, কেনেকৈ কি কৰিছিল মহিলাৰ সৈতে?

বিচাৰ চলাৰ সময়ত আদালতত উপস্থিত হৈ ভুক্তভোগী নাৰীয়ে তেওঁলোকৰ মানসিক ট্ৰমা আৰু যন্ত্ৰণাৰ কথা তুলি ধৰিছে৷ তেওঁলোকৰে এজনে জনায় যে বিবাহৰ পাছত হানিমুন উদযাপন কৰিবলৈ আহি তেওঁ এই পৈশাচিক নিৰ্যাতনৰ চিকাৰ হয়৷ জীৱনৰ অন্যতম আনন্দময় সময়ত তেওঁৰ ওচৰত এক ভয়ানক দুঃস্বপ্ন কঢ়িয়াই আনে অভিযুক্ত সুমিতে৷ এই ঘটনাৰ পাছৰে পৰা তেওঁ চিকিৎসক বা ফিজিঅ’থেৰাপিষ্টৰ দৰে কোনো পুৰুষ চিকিৎসাকৰ্মীকেই আৰু বিশ্বাস কৰিব পৰা নাই৷ এই ঘটনাই তেওঁলোকৰ দাম্পত্য জীৱনতো নেতিবাচক প্ৰভাৱ পেলাইছে৷ অন্য এজন ভুক্তভোগীয়ে ক্ষোভ প্ৰকাশ কৰি কয় যে ঘটনাৰ পৰা দীৰ্ঘ ১২৭১ দিন পাৰ হৈ গলেও আইনী প্ৰক্ৰিয়া শেষ হোৱাত দেৰী হোৱাৰ বাবে মানসিকভাৱে স্বাভাৱিক জীৱন এতিয়াও ঘূৰাই আনিব পৰা নাই, আনকি কোনো থেৰাপিও ল’ব পৰা নাই৷ সুমিতে আদালতত ক্ষমা বিচাৰিলেও ভুক্তভোগীয়ে সেয়া প্ৰত্যাখ্যন কৰি কয়, ‘এয়া কোনো অনুশোচনা নহয়, বৰং নিজৰ অপৰাধ ঢকাৰ অজুহাত মাত্ৰ৷’

সুমিতৰ অধিবক্তাই আদালতত তুলি ধৰা যুক্তি অনুসৰি ভয়াৰিষ্টিক ডিছঅৰ্ডাৰ বা গোপনে নাৰীৰ নগ্ন শৰীৰ চাই যৌন উত্তেজনা অনুভৱ কৰাৰ এক ধৰণৰ মানসিক ব্যাধিত আক্ৰান্ত সুমিত৷ আৰু কাৰাগাৰত ইয়াৰ সঠিক চিকিৎসা সম্ভৱ নহয়৷ সেয়ে ছাউথ অষ্ট্ৰেলিয়াৰ জিলা আদালতৰ বিচাৰক কাৰমেন মাতেও স্পষ্টকৈ জনাই দিয়ে যে এই ৰোগ সুমিতৰ অপৰাধৰ এক ক্লিনিকেল বাখ্যা হ’ব পাৰে৷ কিন্তু আমি কোনোভাৱে তেওঁক দায়মুক্তি কৰাব নোৱাৰে৷ ৰায় দিয়াৰ সময়ত বিচাৰকে তীব্ৰ ক্ষোভ প্ৰকাশ কৰি কয় যে সেৱা ল’বলৈ অহা সেই নাৰীয়ে সুমিতক বিশ্বাস কৰিছিল আৰু তেওঁৰ পৰা নিৰাপত্তা আৰু সন্মান পোৱাৰ পূৰ্ণ অধিকাৰো তেওঁৰ আছিল৷ সুমিতৰ আচৰণক অনিয়ন্ত্ৰিত আৰু চৰম শোষণৰ সৈতে তুলনা কৰি বিচাৰকে কয়, দিনে দিনে তেওঁৰ সাহস ইমানেই বাঢ়ি গৈছিল যে ২০২২ চনৰ জুনৰ পৰা জুলাই মাহৰ ভিতৰত চূড়ান্ত পৰ্যায়ত উপনীত হৈ আৰক্ষীৰ হাতত ধৰা পৰাৰ আগমুহূৰ্তলৈকে নিজকে কন্ট্ৰলেই কৰিব পৰা নাছিল৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ