গৰমৰ বন্ধ আৰম্ভ হ’বলৈ বেছি দিন নাই৷ আপুনিও নিশ্চয় কৰোবালৈ ফুৰিবলৈ যোৱাৰ পৰিকল্পনা কৰি আছে৷ এই সময়ত প্ৰায়সংখ্যকেই ফুৰিবলৈ যোৱাৰ প্লেন কৰে৷ দিঘলীয়া প্লেন কৰিয়েই বাহিৰলৈ যায় প্ৰায়সংখ্যক লোক৷ ফলত দীৰ্ঘদিন ধৰি ঘৰত তলাবন্ধ থাকে৷ ফ্ৰিজসহ অন্যান্য যাৱতীয় ইলেকট্ৰনিক সামগ্ৰী বন্ধ কৰিলেও অধিকাংশই ইনভাৰ্টাৰ বন্ধ কৰাৰ কথা নাভাৱে৷ কিন্তু জানেনে এনেকৈ ইনভাৰ্টাৰ অন কৰি ৰাখিলে ভয়ংকৰ বিপদ ঘটিব পাৰে৷ জানি থওক দীৰ্ঘদিন ধৰি ঘৰৰ সকলো ইলেক্ট্ৰনিক্স বন্ধ ৰাখি কেৱল ইনভাৰ্টাৰ অন ৰাখিলে কি পৰিস্থিতি আহিব পাৰে?
১. যদি এক বা দুসপ্তাহৰ বাবে বাহিৰলৈ যায় তেতিয়া আপোনাৰ ঘৰৰ মূল বিদ্যুৎ সৰবৰাহ বন্ধ ৰাখক৷ এইক্ষেত্ৰত ইনভাৰ্টাৰটোকো নৰ্মেল মোডত ৰাখক৷ বিদ্যুৎ ব্যৱহাৰ নকৰিলেও ইনভাৰ্টাৰ অন ৰখা মানেই বেটেৰী চাৰ্জ হ’বই৷ উন্নত প্ৰযুক্তিৰ ইনভাৰ্টাৰত একাধিক মোড দিয়াই থাকে৷
২. যদি আপুনি মূল বিদ্যুৎ সৰবৰাহ সম্পূৰ্ণৰূপে বন্ধ কৰে এইক্ষেত্ৰত ইনভাৰ্টাৰৰ পাৱাৰ ছুইচ বন্ধ কৰক৷ তাৰপিছতেই দেৱালৰ পৰা প্লাগ খুলি পেলাওক৷ বেটেৰিৰ টাৰ্মিনেলসমূহ বিচ্ছিন্ন কৰক৷ ইয়াৰ ফলত বেটেৰিৰ চাৰ্জ শেষ নহয়৷ দীৰ্ঘদিনৰ বাবে ঘৰত নাথাকিলে ইনভাৰ্টাৰ বন্ধ ৰখাই উত্তম৷
৩. যদি মূল বিদ্যুৎ চলি থাকে তেন্চে ফেন, লাইট, টিভি, ৰন্ধন ঘৰৰ ইলেক্ট্ৰিক সৰঞ্জাম, চাৰ্জাৰ আৰু বিদ্যুৎ খৰচ কৰা সকলোবোৰ সংযোগ বিচ্ছিন্ন কৰক৷ কেৱল ইনভাৰ্টাৰটো প্লাগ ইন কৰি ৰাখক৷ ইয়াৰ ফলত বেটেৰি চাৰ্জ হৈ থাকিব৷ যদি দিঘলীয়া প্লেনত ঘৰৰ পৰা বাহিৰলৈ যায় তেন্তে কানেকছনসমূহ বন্ধ কৰি যোৱাই ভাল৷ অন্যথা বিস্ফোৰণৰ আশংকা থাকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
