অসম লাইভ২৪ঃ দেশত পুনৰ বৃদ্ধি পাব পেট্ৰল-ডিজেল তথা ইন্ধনজাত সামগ্ৰীৰ দাম৷ বুধবাৰে International Energy Agency (IEA) প্ৰকাশ কৰা এক সমীক্ষাত প্ৰকাশ পাইছে এই তথ্য৷ সংস্থাটোৱে দাবী কৰা মতে চীনৰ কিছু কাৰ্যকলাপৰ বাবেই বাঢ়িছে এই ইন্ধনজাত সামগ্ৰীৰ দাম৷ তেলৰ বজাৰত এই সময়ত দুই প্ৰকাৰৰ অনিশ্চয়তাই দেখা দিছে৷ বিশ্বৰ তেলৰ বজাৰত প্ৰতিবন্ধক হৈ পৰিছে চীন৷ যিহেতু চীনত ৰি-অপেনিং প্ৰক্ৰিয়া চলি আছে৷ যাৰবাবে তেলৰ বৰ্তমানৰ চাহিদাৰ তুলনাতকৈ ৫০ শতাংশ চাহিদা বৃদ্ধি পাব৷ International Energy Agency-এ প্ৰকাশ কৰা মতে চীনত দ্ৰুত আনলক প্ৰক্ৰিয়া আৰম্ভ হ’লেই ভাৰতৰ তুলনাত চীনৰ ক্ৰুইড অইলৰ বহু পৰিমানে বৃদ্ধি পাব৷
আনহাতে বিশ্বৰ সৰ্ববৃহৎ তেল সংস্থা Saudi Aramco-ই প্ৰকাশ কৰামতে চীনৰ তেলৰ চাহিদা পূৰণ কৰিবলৈ গ’লে বিশ্বৰ তেল মাৰ্কেটৰ অৱস্থা তথৈবচ হ’ব৷ বৰ্তমান অশোধিত তেলৰ দাম বিশ্বৰ বজাৰত প্ৰতি বেৰেলত প্ৰায় ৮৩ ডলাৰ৷ এই পৰিস্থিতিত দেশত ইন্ধনৰ দাম বহু পৰিমানে বৃদ্ধিও হৈছে৷ যদি ক্ৰুইড অইলৰ দাম আৰু বাঢ়ে তেন্তে দেশত পেট্ৰল-ডিজেলৰ দাম আৰু বৃদ্ধি পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
