অসম আৰু পশ্চিমবংগত নতুনকৈ বিজেপিয়ে চৰকাৰ গঠন কৰাৰ পিছতে দেশৰ গৃহমন্ত্ৰী অমিত শ্বাহে অবৈধ বাংলাদেশীৰ বিৰুদ্ধে ব্যৱস্থা গ্ৰহণৰ হুংকাৰ দিছিল। অসমৰ মুখ্যমন্ত্ৰী ড০ হিমন্ত বিশ্ব শৰ্মায়ো অসমত চিনাক্ত হোৱা অবৈধ বাংলাদেশীক PUSHBACK পদ্ধতিৰে বাংলাদেশলৈ পঠিওৱাৰ হুংকাৰ দিছিল। একেই PUSHBACK পদ্ধতিৰে আজি মেঘালয়ৰ ভাৰত-বাংলাদেশ সীমান্তৰে চিনাক্ত হোৱা অবৈধ বাংলাদেশীক দেশখনলৈ পঠিওৱাৰ সময়তে সীমান্তত এক উত্তেজনাময় পৰিস্থিতিৰ সৃষ্টি হয়।
মেঘালয়ৰ দক্ষিণ-পশ্চিম গাৰো পাহাৰ জিলাৰ নন্দীৰচৰস্থিত ভাৰত-বাংলাদেশ সীমান্তত সৃষ্টি হৈছে এই উত্তপ্ত পৰিস্থিতিৰ। অভিযোগ অনুসৰি, অবৈধভাৱে সীমান্ত অতিক্ৰম কৰি ভাৰতত প্ৰৱেশ কৰা এজন বাংলাদেশী নাগৰিকক BSS-এ আটক কৰি পুনৰ বাংলাদেশলৈ উভতাই পঠিয়ায়। কিন্তু PUSHBACK পদ্ধতিৰে দেশখনলৈ উভতাই পঠিওৱাৰ পিছতে বাংলাদেশ সীমান্তৰক্ষী বাহিনী চমুকৈ BGB আৰু স্থানীয় বাংলাদেশী নাগৰিকসকলে লোকজনক গ্ৰহণ নকৰাৰ অভিযোগ উঠিছে। লোকজন বর্তমান সীমান্তৰ কাঁইটীয়া তাঁৰৰ সিপাৰে আবদ্ধ অৱস্থাত আছে যদিও স্থানীয় লোকে দেশখনৰ অন্তৰ্ভাগত প্ৰৱেশ কৰিবলৈ দিয়া নাই লোকজনক।
অভিযুক্ত লোকজন প্ৰকৃততে কোন দেশৰ নাগৰিক?
সূত্ৰ অনুসৰি, লোকজনে নিজেই বাংলাদেশী নাগৰিক বুলি ইতিমধ্যে স্বীকাৰ কৰিছে কিন্তু তাৰ পাছতো বাংলাদেশৰ ফালৰ পৰা তেওঁক চমজি লবলৈ মান্তি নোহোৱা ঘটনাই সীমান্তৱৰ্তী নন্দীৰচৰ অঞ্চলত উত্তেজনাৰ সৃষ্টি কৰিছে।
উল্লেখযোগ্য যে, লোকজন অবৈধভাৱে মেঘালয় সীমান্তৰে ভাৰতত প্ৰৱেশ কৰিছিল বুলি জানিব পৰা গৈছে। BSF-এ তেওঁক আটক কৰি নিয়ম অনুসৰি উভতাই পঠিওৱাৰ পাছতেই এই পৰিস্থিতিৰ উদ্ভৱ হয়। ভাৰত-বাংলাদেশ সীমান্তৰ ১০৮২ নম্বৰৰ সীমান্ত চিহ্নৰ ওচৰত বৰ্তমানেও পৰিস্থিতি উত্তপ্ত হৈ আছে। সীমান্তৰ সিপাৰে বাংলাদেশৰ জামালপুৰ জিলাৰ বক্সিগঞ্জ উপজিলাৰ কামালপুৰ অঞ্চলত পৰে এলেকাত পৰে সীমান্তৰ এই ১০৮২ নং পিলাৰ। বাংলাদেশী নাগৰিকজনক নিজৰ দেশলৈ নিয়াৰ পৰিৱৰ্তে স্থানীয় সীমান্তৱৰ্তী লোকে পুনৰাই ভাৰতলৈ প্ৰত্যাৱৰ্তন কৰোৱাৰ যো-জা চলাই থকা বুলি জানিব পৰা গৈছে
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
