সামৰণি পৰিল কোকৰাঝাৰত অনুষ্ঠিত হৈ থকা আন্তৰ্জাতিক জ্ঞান মহোৎসৱৰ৷ প্ৰথমবাৰৰ বাবে btrত অনুষ্ঠিত হোৱা এই উৎসৱে কোকৰাঝাৰৰ সামাজিক-শৈক্ষিক জীৱনত প্ৰভাৱ পেলাব বুলি মন্তব্য প্ৰমোদ বড়োৰ৷ সামৰণি পৰিল বড়োলেণ্ড আন্তৰ্জাতিক জ্ঞান মহোৎসৱৰ৷ কোকৰাঝাৰত পোনপ্ৰথমবাৰৰ বাবে আয়োজিত এই জ্ঞান মহোৎসৱত অংশগ্ৰহণ কৰে দেশ-বিদেশৰ বহু বিশিষ্ট ব্যক্তিয়ে৷ বড়োভূমিৰ শৈক্ষিক-সামাজিক জীৱনত বিশেষভাৱে প্ৰভাৱিত কৰিব বুলি আশা কৰিছে জ্ঞান মহোৎসৱৰ আয়োজকে৷ বড়োলেণ্ড বিশ্ববিদ্যালয় চৌহদত বিগত চাৰিদিনে আয়োজন হয় এই জ্ঞান মহোৎসৱ৷ এই জ্ঞান মহোৎসৱৰ অন্তিম দিনটোত অংশগ্ৰহণ কৰে বলীউড অভিনেতা ছনু সুদ, উপস্থিত থাকে কেন্দ্ৰীয় মন্ত্ৰী ৰামেশ্বৰ তেলী, ৰাজ্যৰ ২ মন্ত্ৰী অতুল বৰা আৰু ইউ জি ব্ৰহ্ম৷ উপস্থিত থাকে শিক্ষানুৰাগী৷ দেশ-বিদেশৰ বহু জ্ঞানপিপাসু, অৰ্থনীতিবিদ, শিল্পী-সাহিত্যিক, বুদ্ধিজীৱীকে ধৰি সমাজৰ বিভিন্ন ক্ষেত্ৰৰ প্ৰভাৱশালী লোকৰ উপস্থিতিয়ে এই মহোৎসৱক দিয়ে বিশেষ মাত্ৰা৷ এই মহোৎসৱে btrত শৈক্ষিক নৱজাগৰণ আনিব বুলিও আশা ব্যক্ত কৰে btr প্ৰধান প্ৰমোদ বড়োৱে৷ বড়োভূমিত শৈক্ষিক ক্ষেত্ৰখনৰ লগতে সামাজিক জীৱনকো এই মহোৎসৱে ইতিবাচক ভাৱে প্ৰভাৱিত কৰিব বুলি আশা ব্যক্ত কৰে প্ৰমোদ বড়োৱে৷ মহোৎসৱখনত অংশগ্ৰহণ কৰা অভিনেতা ছনু সুদে btr চৰকাৰৰ এই পদক্ষেপক যথেষ্ট প্ৰশংসা কৰে৷ কেন্দ্ৰীয় মন্ত্ৰী ৰামেশ্বৰ তেলীয়েও শলাগ লয় এই পদক্ষেপক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
