অসম লাইভ২৪ঃ ক্ষমতাশালীসকলেই ৰজা। ভাৰতীয় ধনকুবেৰ মুকেশ আম্বানীৰ কন্যা ইশাৰ যমজ সন্তান জন্মৰ কথাও সেয়ে আহিছে চৰ্চাত। কোলাত দুই সন্তান লৈ পিতৃগৃহলৈ অহাৰ ভিডিঅ’ক লৈ সমগ্ৰতে চৰ্চা। ইশাৰ কন্যাক অভ্যৰ্থনা জনাবলৈ মুম্বাই বিমান বন্দৰত উপস্থিত হৈছিল আম্বানী পৰিয়াল। সজাই-পৰাই তোলা হৈছে আম্বানীৰ গৃহও। ভাইৰেল খবৰ অনুসৰি আম্বানীৰ যমজ নাতি-নাতিনীৰ আগমনত আনন্দতে আম্বানীয়ে ভাৰতৰ বহুকেইটা মঠ-মন্দিৰত ৩০০ কিঃগ্ৰাঃ সোন দান কৰিছে।
ইয়াৰোপৰি দেশৰ সকলোতকৈ ডাঙৰ মন্দিৰসমূহত পূজা-অৰ্চনাৰো ব্যৱস্থা কৰিছে আম্বানীয়ে। ১৯ নৱেম্বৰত আমেৰিকাত যমজ সন্তানৰ মাতৃ হৈছে ইশা। সন্তান দুটিৰ নাম ৰাখিছে কৃষ্ণা আৰু আদিয়া। ভগৱানৰ নামেৰে নামকৰণ কৰা হৈছে দুই সন্তানৰ। সন্তান জন্মৰ এমাহ পাছত দেশৰ মাটিত ভৰি দিছে ইশাই। কাটাৰৰ পৰা আম্বানীৰ নিজা বিমানত লছ এঞ্জেলছলৈ কৰা যাত্ৰা কৰাৰ সময়তে দেশত এপাক সোমাই যোৱাৰ উদ্দেশ্যে মুম্বাইত উপস্থিত হৈছে ইশা। বিমান যাত্ৰাপথত কোনো শাস্তিৰ সন্মুখীন নহ’বৰ বাবেই বিশেষ বিমানখনত ৰখা হৈছিল আমেৰিকাৰ অন্যতম ছাইল্ড স্পেছিয়েলিষ্ট ডাঃ গিবছন। ইয়াৰোপৰি চাৰিগৰাকীকৈ আয়াও ৰখা হৈছিল এই যাত্ৰাপথত।
উল্লেখ্য যে ২০১৮ চনৰ ১২ ডিচেম্বৰত উদ্যোগপতি আনন্দ পিৰামিলৰ সৈতে বিবাহ পাশত আবদ্ধ হৈছিল ইশা আম্বানী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
