অসম লাইভ২৪ঃ বৰদিনৰ দিনাই অঘটন। সুৰাপায়ীৰ হাতত আক্ৰান্ত হৈছে ৭ জনকৈ আৰক্ষী বিষয়া। ভাঙি চূৰমাৰ কৰি দিয়া হৈছে আৰক্ষীৰ বাহনো। ঘটনাটো পশ্চিম মেদিনীপুৰৰ চন্দ্ৰকোনাৰ। বৰদিন উপলক্ষে পিকনিকলৈ অহা একাংশ উদণ্ড যুৱকৰ আক্ৰমণৰ বলি হৈছে আৰক্ষী।
সেই স্থানতেই বহু ঠাইৰ পৰা আহি উপস্থিত হৈছিল পিকনিক খোৱা দল। তাৰ মাজতেই যুৱকৰ এটা দলে সুৰাপান কৰি সেই স্থানতেই অতপালি কৰাৰ খবৰ আহি পৰিছিল আৰক্ষীৰ হাতত। খবৰ পোৱা মাত্ৰকেই পৰিস্থিতি নিয়ন্ত্ৰণৰ বাবে আৰক্ষীৰ দল উপস্থিত হৈছিল পিকনিক খোৱা স্থানত। পৰিস্থিতি নিয়ন্ত্ৰণৰ চেষ্টা চলোৱা আৰক্ষীৰ দলটোক আক্ৰমণৰ লক্ষ্য কৰি লয় যুৱকৰ দলটোৱে।
প্ৰাপ্ত খবৰ অনুসৰি এনেদৰে হঠকাৰী আক্ৰমণৰ বলি হ’ব বুলি মুঠেও কল্পনা কৰা নাছিল আৰক্ষীৰ জোৱানকেইজনে। প্ৰতি আক্ৰমণ কৰিবলৈয়ো প্ৰস্তুত নাছিল আৰক্ষী। ৭ জনকৈ আৰক্ষী জোৱান এই ঘটনাত আহত হোৱাৰ বিপৰীতে আৰক্ষীৰ বাহনো সম্পূৰ্ণৰূপে ক্ষতিগ্ৰস্থ হৈছে। অৱশ্যে এই ঘটনাৰ পাছতেই পিকনিক খোৱা বিশেষ স্থানত আৰক্ষীৰ বিশেষ দল উপস্থিত হৈ পৰিস্থিতি নিয়ন্ত্ৰণলৈ আনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
