বলীউড অভিনেতা ছলমান খানক ধমকি দি তেওঁৰ পৰা ৫কোটি টকা বিচৰাৰ সৈতে প্ৰথমে নাম সাঙোৰ খাইছিল লৰেন্স বিষ্ণোইৰ৷ কিন্তু ছলমানক দিয়া এই ধমকি লৰেন্স বিষ্ণোইৰ নাছিল৷ এই ধমকি ছলমানক দিছিল এজন সাধাৰণ পাচলি বিক্ৰেতাই৷ ৫ কোটি ধন দাবী কৰা পাচলি বিক্ৰেতা অৱশেষত পৰিছে আৰক্ষীৰ জালত৷ আৰক্ষীয়ে গ্ৰেপ্তাৰ কৰিছে জামছেদপুৰৰ পাচলি বিক্ৰেতাক৷ আৰক্ষী সূত্ৰই প্ৰকাশ কৰা অনুসৰি ধৃতৰ নাম শ্বেখ হুছেইন শেখ মউছিন৷ আৰক্ষীৰ দাবী, বাবা ছিদ্দিকিক হত্যা কৰাৰ পাছত মুম্বাই ট্ৰেফিক বিভাগত হোৱাটছএপ নম্বৰত নতুনকৈ ধমকি দিয়া হৈছিল ছলমান খানক৷
আৰক্ষী সূত্ৰৰ মতে, ছলমানক ধমকি দিয়া ধৃত শ্বেখ হুছেইন ২৬ বছৰীয়া যুৱক৷ ইতিমধ্যে আৰক্ষীয়ে গ্ৰেপ্তাৰ কৰি মুম্বাইলৈ আনিছে ধৃত যুৱকক৷ প্ৰথমে ৫কোটি বিচাৰি ধমকি দিয়া সেই একাউণ্টৰ পৰা মঙলবাৰে পুনৰ এক বাৰ্তা পঠিয়াইছিল৷ আকৌ ধমকি ভৰা বাৰ্তাই আছিল সেই বাৰ্তা৷ সেই নম্বৰৰ সুত্ৰ বিচাৰি নামি পৰিছিল ছাইবাৰ শাখা৷ তদন্ততেই ওলাই পৰে যে এই নম্বৰ জামছেদপুৰৰ৷ তাৰ আৰক্ষীৰ সৈতে যোগাযোগ কৰি মউছিনৰ সন্ধান পায় আৰক্ষীয়ে৷ এটাৰ পাছত আনটো ধমকি দি থকাৰ বাবে ছলমানৰ নিৰাপত্তা আৰু কটকটীয়া কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
