বছৰৰ পহিলা দিনটোতে পুনৰ এক ৰেকৰ্ড বুমৰাহৰ, ভাৰতৰ প্ৰথমগৰাকী খেলুৱৈ হিচাপে পৰিগণিত
ক্ৰিকেতৰ জগতত ৰেকৰ্ডৰ উপৰি ৰেকৰ্ড ভাৰতৰ দ্ৰুত বলাৰ জশপ্ৰীত বুমৰাহৰ। ২০২৫ বৰ্ষৰ আজিৰ পহিলা দিনটোতে আন এক ৰেকৰ্ডৰ অধিকাৰী হয় বলাৰ গৰাকী। তাকো এনে ৰেকৰ্ড কৰা প্ৰথমগৰাকী ভাৰতীয় হিচাপে পৰিগণিত হয় বুমৰাহ।
আজি জানুৱাৰীৰ ১ তাৰিখ বুধবাৰে ইণ্টাৰনেশ্যনেল ক্ৰিকেট কাউন্সিল (ICC)য়ে সদৰি কৰে শ্ৰেষ্ঠ বলাৰৰ তালিকা। এই তালিকাত ভাৰতীয় দ্ৰুত বলাৰ বুমৰাহে লাভ কৰে শীৰ্ষ ৰেংকিং। মুঠ ৯০৭ পইণ্টেৰে শীৰ্ষ স্থানত থাকে বুমৰাহে।
লগতে সৰ্বাধিক পইণ্টেৰে তালিকাৰ শীৰ্ষত উঠা প্ৰথমগৰাকী ভাৰতীয় খেলুৱৈ হিচাপে পৰিগণিত হয় বুমৰাহ। ইয়াৰ পূৰ্বে ৰবিন্দ্ৰন অশ্বিনে ৯০৪ পইণ্টেৰে শীৰ্ষত উঠিছিল। এতিয়া বুমৰাগে অশ্বিনক পিছ পেলাই ৯০৭ পইণ্ট লাভ কৰে।
বুমৰাহৰ উপৰি আন এগৰাকী খেলুৱৈয়েও এই তালিকাত লাভ কৰে শীৰ্ষ ১০ ৰ ভিতৰত স্থান। সেইগৰাকী খেলুৱৈ হৈছে – ৰবিন্দ্ৰ জাদেজা। ৭৫০ পইণ্টেৰে তালিকাৰ ১০ নম্বৰত ৰবিন্দ্ৰ ।
প্ৰকাশ পোৱা তালিকা অনুসৰি শীৰ্ষ ১০ –
১- জশপ্ৰিত বুমৰাহ- ভাৰত- ৯০৭
২- জছ হেজেলউড- অষ্ট্ৰেলিয়া- ৮৪৩
৩- পেট কুমিনছ – অষ্ট্ৰেলিয়া- ৮৩৭
৪- কেগিছ’ ৰাবাডা- দক্ষিণ আফ্ৰিকা- ৮৩২
৫- মাৰ্কো জেনিছ – দক্ষিণ আফ্ৰিকা – ৮০৩
৬- মেট হেনৰী- নিউজিলেণ্ড – ৭৮২
৭- নাথন লেয়ন – অষ্ট্ৰেলিয়া- ৭৭২
৮- প্ৰবাথ জয়সূৰ্যা- শ্ৰীলংকা- ৭৬৮
৯- নমান আলী- ৭৫১
১০- ৰবিন্দ্ৰ জাদেজা – ৭৫০
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
