দেশজুৰি চাঞ্চল্য, দুৰ্নীতিৰ বাতৰি কৰি প্ৰাণ হেৰুৱালে সাংবাদিক মুকেশে, ঘটনা জানিলে শিয়ঁৰি উঠিব আপুনি
দেশজুৰি তোলপাৰ লগোৱা এক ঘটনা বৰ্তমানে সৰ্বত্ৰে বিদিত । দুৰ্নীতি খোলচা কৰি, সেই বাতৰি কৰি খলকনি লগাই শেষত প্ৰাণ হেৰৱালে সাংবাদিক মুকেশ চন্দ্ৰাকৰে। আজি প্ৰকাশ পোৱা মৰোত্তৰ পৰীক্ষাৰ ৰিপোৰ্টে শিয়ঁৰাই তুলিছে হাজাৰ জনক।
চত্তীশগড়ৰৰ বীজাপুৰ জিলাত সাংবাদিক মুকেশৰ সৈতে সংঘটিত হৈছে বৰ্বৰতাৰ সীমা চেৰাই যোৱা অতিকে নিদাৰুণ ঘটনা। অতি বৰ্বৰতাৰে প্ৰাণ কাঢ়ে মুকেশৰ। ঠিকাদাৰ সুৰেশ চন্দ্ৰাকৰে অতি নিৰ্দয়তাৰে প্ৰাণ লয় ২৮ বৰ্ষীয় মুকেশৰ।
ঠিকাদাৰৰ কেলেংকাৰী উদঙাই দিয়া ছত্তীশগড়ৰ সাংবাদিক মুকেশ চন্দ্ৰকাৰৰ মৰণোত্তৰ পৰীক্ষাৰ প্ৰতিবেদনেই প্ৰমাণ কৰিছে যে তেওঁক কিমান নিৰ্মমভাৱে হত্যা কৰা হৈছিল।
২৮ বছৰীয়া মুকেশৰ মৃতদেহ চেপ্টিক টেংকত উদ্ধাৰ হোৱাৰ পিছত তেওঁৰ মৃতদেহৰ মৰণোত্তৰ পৰীক্ষা কৰা চিকিৎসকসকলো হতভম্ব হৈ পৰে। চিকিৎসকসকলে কয় যে তেওঁলোকৰ ১২ বছৰীয়া কেৰিয়াৰত কেতিয়াও এনে বৰ্বৰতাৰ ঘটনা দেখা নাছিল।
প্ৰতিবেদনত প্ৰকাশ পাইছে যে মুকেশক দুজন বা তাতকৈ অধিক লোকে একেলগে আক্ৰমণ কৰি নিৰ্মমভাৱে হত্যা কৰিছিল। মৰণোত্তৰ পৰীক্ষাৰ সময়ত মুকেশৰ মূৰত ১৫টা গভীৰ আঘাত ধৰা পৰিছে। ডিঙিৰ হাড় ভাঙি গৈছে, হৃদযন্ত্ৰ ফাটি গৈছে। হাঁওফাঁও ৪ টুকুৰা হৈ ফাটি গৈছে। ৰাজহাড় ৫ ঠাইত ভাঙি গৈছে। হাতৰ হাড় দুটুকুৰা হৈ ভাঙিছে।
উল্লেখ্য যে ১ জানুৱাৰীৰ পৰা ৩ দিন ধৰি নিৰুদ্দেশ হৈ থকা মুকেশৰ মৃতদেহ যেতিয়া ৩ জানুৱাৰী তাৰিখে চেপ্টিক টেংকত উদ্ধাৰ হৈছিল তেতিয়া তেওঁৰ অৱস্থা আৰক্ষীয়েও সহজে চাব পৰা নাছিল। কাপোৰৰ পৰাহে পৰিয়ালে মৃতদেহটো মুকেশ বুলি চিনাক্ত কৰে।
আৰক্ষীয়ে বৰ্তমানে ঘটনাৰ সৈতে জড়িত ৩ গৰাকীক আটক কৰাৰ লগতে পলাতক অৱস্থাত থকা ঘটনাৰ মূল অভিযুক্ত সুৰেশ চন্দ্ৰাকৰকো আটক কৰিবলৈ সক্ষম হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
