আগন্তুক ৯ অক্টোবৰত পালিত হ’ব দুৰ্গাপূজাৰ মহাষষ্ঠী৷ আৰু সেইদিনাই মাৰ্গী দশা ত্যাগ কৰি বক্ৰী হ’ব বৃহস্পতি৷ অৰ্থাৎ চিধাপথ এৰি উল্টা পথেৰে যাত্ৰা কৰিব এই গ্ৰহই৷ ৯ অক্টোবৰৰ পুৱা ১০ বাজি ১মিনিটত বৃষ ৰাশিত বৃহস্পতিৰ বক্ৰী চলন আৰম্ভ হ’ব৷ বৰ্তমান বৃহস্পতি বৃষ ৰাশিত আছে৷ ৫ ফেব্ৰুৱাৰী ২০২৫ পৰ্যন্ত বৃহস্পতিয়ে বৃষ ৰাশিত অৱস্থান কৰিব৷ তাৰপাছতেই বৃষ এৰি কৰ্কট ৰাশিত গোচৰ কৰিব এই গ্ৰহই৷ জ্যোতিষ গণনা অনুসৰি দুৰ্গাপূজাৰ আৰম্ভণিতেই বৃহস্পতি বক্ৰী হোৱাত লাভৱান হ’ব পাঁচ ৰাশিৰ জাতক৷ জানি থওক তালিকাত কোন কোন আছে?
মিথুন ৰাশি
বক্ৰী বৃহস্পতিৰ প্ৰভাৱত পুজাৰ সময় বেছ ভাল হ’ব মিথুন ৰাশিৰ জাতকৰ৷ এই সময়ত আপুনি নিজৰ লক্ষ্যৰ দিশত আগুৱাই যোৱাত সফল হ’ব৷ পেছাগত জীৱনত নতুন কোনো প্ৰজেষ্টৰ দায়িত্ব পাব পাৰে৷ নতুন চাকৰি পাব পাৰে৷ এই সময় মিথুন ৰাশিৰ জাতকৰ বাবে শুভ৷ কোনো গুৰুত্বপূৰ্ণ সিদ্ধান্ত ল’ব পাৰে আপুনি৷ আপোনাৰ মাজত পজিটিভিটিয়ে কাম কৰিব৷
কৰ্কট ৰাশি
বৃহস্পতি বক্ৰী হ’লে তাৰ শুভ ফল লাভ কৰিব কৰ্কট ৰাশিৰ জাতকে৷ এই সময়ত আপোনাৰ সৌভাগ্য তুংগত থাকিব আৰু পেছাগত জীৱনত আপুনি উন্নতিৰ পথত আগুৱাই যাব৷ নতুন উপাৰ্জনৰ পথ মুকলি হ’ব৷ কাৰ্যালয়ত প্ৰমোচন লাভৰো যোগ আছে৷ ব্যৱসায়ত কেইবাগুণ লাভ কৰিব আৰু নিজৰ বেংক বেলেন্স বাঢ়িব৷
কন্যা ৰাশি
চাকৰি হওক বা ব্যৱসায়, অক্টোবৰত কাঙ্খিত সাফল্য লাভ কৰিব কন্যা ৰাশিৰ জাতকে৷ বৃহস্পতিৰ বক্ৰী চলন আৰম্ভ হ’লে আপুনি নিজেও পাবলগীয়া ধন লাভ কৰিব৷ নিজৰ কোনো পৰিকল্পনাত আপুনি সফল হ’ব৷ এই সময়ত খৰধৰকৈ সিদ্ধান্ত নল’ব৷ জীৱনত কোনো সমস্যা আহিলে বিশেষজ্ঞসকলৰ সৈতে পৰামৰ্শ লৈ পৰবৰ্তী পদক্ষেপ লওক৷
বৃশ্চিক ৰাশি
বৃহস্পতিৰ উল্টা পথত যাত্ৰাই জাগতিক সুখ সুবিধা বৃদ্ধি কৰিব৷ এই সময়ত আপোনাৰ কেৰিয়াৰত হঠাৎ উন্নতি হ’ব৷ দৰমহা বৃদ্ধি হ’ব পাৰে৷ এই সময়ত আপোনাৰ ব্যৱসায় সম্প্ৰসাৰণৰো যোগ আছে৷ বুদ্ধিৰে কাম কৰিলে প্ৰশংসা পাব৷ বাকী কথা সকলো কাম শেষ কৰিব৷ সন্তানৰ উন্নতিত মনত সুখ থাকিব৷
ধনু ৰাশি
ধনু ৰাশিৰ জাতকৰ বাবে বৃহস্পতিৰ বক্ৰী চলন অত্যন্ত লাভজনক হ’ব৷ এই সময়ত সমাজত আপোনৰ মান সন্মান আৰু প্ৰতিপত্তি বৃদ্ধি পাব৷ কোনো সুখবৰ পাব পাৰে৷ মানুহৰ সৈতে যোগাযোগ বাঢ়িব৷ ব্যৱসায়ত লাভ বাঢ়িব৷ কাৰ্যালয়ত ধনু ৰাশিৰ জাতকে কামত প্ৰশংসা পাব৷ জনপ্ৰিয়তা বৃদ্ধি পাব আপোনাৰ৷ এই সময়ত উপাৰ্জন বাঢ়িব ধনু ৰাশিৰ জাতকৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
