অসম লাইভ ২৪ঃ ‘মাস্ক কিয় পিন্ধিছে? মাস্কৰ বাবে মুখখন দেখিয়েই পোৱা নাই। খোলক এইখন।’ জয়া বচ্চনক দেখা মাত্ৰকে কাজলে ক’লে এই কথা। কৈয়েই শান্ত নহৈ কাজলে জয়া বচ্চনক মাস্ক খোলাইহে শান্ত হয়। মুম্বাইতো খুব ধুম-ধামেৰে অনুষ্ঠিত হৈছে দুৰ্গা পূজা।
কৰ’নাৰ বাবে বিগত দুটা বছৰৰ পিছত এইবাৰ পুনৰ উলহ-মালহেৰে উৎযাপিত হৈছে দুৰ্গোৎসৱ। ব্যতিক্ৰম নহয় মুম্বাইতো। কাজলে আয়োজন কৰা বিশেষ পূজখনতো এইবাৰ যেন প্ৰাণ ঘূৰি আহিছে। মাস্ক নিপিন্ধানকৈয়ে মা দুৰ্গাৰ আশিষ ল’ব পাৰিছে ভক্তগণে। তাৰ মাজতেই ব্যতিক্ৰমী ৰূপত মাস্ক পৰিহিতা জয়া বচ্চনক দেখি কাজলে জয়া বচ্চনকো কৰ’নাৰ ভয়াৱহতা কমি যোৱাৰ কথা প্ৰকাশ কৰে।
কাজলৰ এই বিশেষ পূজাখনত কেৱল জয়া বচ্চনকেই দেখা গৈছে এনে নহয়। বলীউডৰ ৰণবীৰ কাপুৰ, মণি ৰয়, ৰাণী মুখাৰ্জী, পত্ৰলেখাকে ধৰি বহু তাৰকাক দেখা গৈছে এই বিশেষ পূজাখনত।
প্ৰায় প্ৰতিসময়তে খঙাল এটা ৰূপ কেমেৰাৰ সন্মুখত তুলি ধৰা জয়া বচ্চনক কিন্তু কাজলৰ সৈতে পৃথক ৰূপত দেখা গৈছে। হাঁহি মুখেৰে জয়াই কাজলৰ সৈতে ভাৱ বিনিময় কৰা দেখা গ’ল এই বিশেষ পূজাখনত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ