মংগলবাৰে বাংগালুৰুৰ এখন চিকিৎসালয়ত এক চাঞ্চল্যকৰ তথা কৰুণ ঘটনা সংঘটিত হৈছে৷
ঘটনাৰ বিৱৰণীৰ অনুসৰি ফেট ৰিমুভেল অস্ত্ৰোপচাৰ কৰি থকা অৱস্থাত এগৰাকী ২১ বছৰীয়া কানাড়া অভিনেত্ৰীয়ে কৰুণ মৃত্যুক আকোৱালি লয়।
আৰক্ষীয়ে প্ৰকাশ কৰা অনুসৰি পিতৃ-মাতৃৰ অজ্ঞাতে অভিনেত্ৰীগৰাকীয়ে ফেট ৰিমুভেলৰ অস্ত্ৰোপচাৰ সম্পন্ন কৰিছিল। অস্ত্ৰোপচাৰৰ সময়ত মৃত্যু হোৱা যুৱতী অভিনেত্ৰীগৰাকীৰ নাম চেতনা ৰাজ৷ তেওঁ সৰু পৰ্দাৰ অভিনেত্ৰী আছিল৷
লগতে পঢ়ক যৌন সম্পৰ্কৰ সন্তুষ্টি বয়সৰ ওপৰত নিৰ্ভৰ কৰে নেকি? গৱেষণাই কি কয়?
বাংগালুৰুৰ আব্বিগেৰেৰ বাসিন্দা আছিল চেতনা ৰাজ। অস্ত্ৰোপচাৰৰ সময়ত হাওঁফাওঁত পানী জমা হোৱাৰ বাবেই মৃত্যু হোৱা বুলি চিকিৎসালয় কৰ্তৃপক্ষই প্ৰকাশ কৰিছে।
ইফালে এই কৰুণ ঘটনাটো পোহৰলৈ অহাৰ লগে লগে পৰিয়ালে অস্ত্ৰোপচাৰ বিশেষজ্ঞসকলৰ গাফিলতিৰ বাবেই অভিনেত্ৰী চেতনা ৰাজৰ মৃত্যু হোৱা বুলি গুৰুতৰ অভিযোগ উত্থাপন কৰিছে।
চেতনা ৰাজে জনপ্ৰিয় ধাৰাবাহিক ‘গীতা’, ‘ডৰেছানী’, ‘অলাভিনা নীলদানা’ আদিত অভিনয় কৰিছিল। কানাড়া চিনেমা ‘হাৱায়ামী’তো অভিনয় কৰিছিল চেতনাই।
লগতে পঢ়ক মাত্ৰ এই নিয়ম মানি চলক, এতিয়াৰ পৰা গাড়ীত উঠিলেও বমি নহয় আৰু আপোনাৰ
শেহতীয়াকৈ চেতনা ৰাজৰ পিতৃ গোবিন্দ ৰাজে সদৰী কৰা মতে যোৱা সোমবাৰে পুৱা ৮.৩০ বজাত তেওঁৰ কন্যাক চিকিৎসালয়ত অস্ত্ৰোপচাৰৰ বাবে ভৰ্তি কৰোৱা বুলি জানিব পাৰিছে। তেওঁলোকে অৱগত হোৱাৰ পূৰ্বেই চিকিৎসকৰ দলে চেতনা ৰাজৰ অস্ত্ৰোপচাৰ আৰম্ভ কৰিছিল।
অস্ত্ৰোপচাৰৰ পিছতে সন্ধিয়ালৈ চেতনা ৰাজৰ হাওঁফাওঁত পানী আৰু চৰ্বিৰ পৰিমাণ বৃদ্ধি হোৱাৰ ফলত তেওঁ শ্বাস-প্ৰশ্বাসৰ সমস্যাৰ সন্মুখীন হৈছিল বুলি প্ৰকাশ কৰা হৈছে৷ ইফালে অস্ত্ৰোপচাৰ সম্পন্ন কৰা চিকিৎসালয়খনৰ আই চি ইউত কোনো ধৰণৰ উপযুক্ত সা-সুবিধা নাছিল বুলিও চেতনাৰ পিতৃয়ে অভিযোগ কৰিছে।
পিতৃৰ মতে অভিনেত্ৰী চেতনা ৰাজে তেওঁলোকৰ পৰা ফেট ৰিমুভেলৰ অস্ত্ৰোপচাৰৰ অনুমতি বিচাৰিছিল যদিও পৰিয়ালৰ লোকে অস্ত্ৰোপচাৰ কৰিবলৈ বাধা প্ৰদান কৰিছিল৷ সেয়ে চেতনাই পৰিয়ালৰ অজ্ঞাতে অস্ত্ৰোপচাৰ কৰাৰ সিদ্ধান্ত লৈছিল৷
লগতে পঢ়ক বাওঁ আঁঠুত ভৰ দি প্ৰেমৰ প্ৰস্তাৱ কিয় আগবঢ়োৱা হয়? কি গোপন ৰহস্য আছে?
‘‘চিকিৎসালয়ৰ গাফিলতিৰ বাবে মোৰ কন্যাৰ মৃত্যু হৈছে। তেওঁলোকে অভিভাৱকৰ সন্মতি আৰু উপযুক্ত সঁজুলি অবিহনে অস্ত্ৰোপচাৰ কৰিছে।’’ চেতনাৰ পিতৃ সংবাদ মাধ্যমৰ আগত কয়৷
‘‘মোৰ ছোৱালীজনী স্বাস্থ্যৱতী আৰু উদ্যমী আছিল। তেওঁ সম্পূৰ্ণ সুস্থ আছিল। বন্ধু-বান্ধৱীৰ সৈতে হস্পিতাললৈ গৈছিল। কোনোবাই তাইক পৰামৰ্শ দিছে যে তাইৰ কঁকালত চৰ্বি বেছি আছিল আৰু পৰিয়ালৰ কোনো সদস্যৰ পৰামৰ্শ নোলোৱাকৈ তাই অস্ত্ৰোপচাৰৰ বাবে আহিছিল। মই চিকিৎসালয় কৰ্তৃপক্ষৰ বিৰুদ্ধে আইনী ব্যৱস্থা গ্ৰহণ কৰিম।’’ অভিনেত্ৰী চেতনা ৰাজৰ পিতৃ গোবিন্দ ৰাজে কয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
