তেওঁৰ বয়স এতিয়া ৪৪ বছৰ৷ দুই সন্তানৰ মাতৃ হৈয়ো এতিয়াও অটুত আছে কৰিনা কাপূৰ খানৰ গ্লেমাৰ৷ ফিট থাকিবলৈ আৰু সৌন্দৰ্য ধৰি ৰাখিবলৈ যথেষ্ট পৰিশ্ৰম কৰে অভিনেত্ৰীগৰাকীয়ে৷ সম্প্ৰতি নিজৰ প্ৰতিদিনৰ ৰুটিন আৰু জীৱনযাত্ৰাত কিছু পৰিবৰ্তনো আনিছে কৰিনাই৷
দৈনিক ৰুটিন
সম্প্ৰতি এক সাক্ষাৎকাৰত কৰিনাই জনাইছে যে তেওঁ সূৰ্যোদয়ৰ পূৰ্বে টোপনিৰ পৰা উঠে৷ তাৰপাছতেই শৰীৰচৰ্চাৰ মাধ্যমেৰে দিনটো আৰম্ভ কৰে৷ অন্যহাতে সন্ধিয়া ৬ বজাত তেওঁ নিশাৰ খাদ্য গ্ৰহণ কৰে৷ কৰিনাই কয়, ‘নিশা ৯.৩০ত শুই পৰো৷’ তেওঁ নিজকে বলীউডৰ পাৰ্টিসমূহৰ পৰাও দূৰৈত ৰখাৰ চেষ্টা কৰিছে বুলিও জনায়৷
কৰিনাই সামাজিকমাধ্যমৰ পৃষ্ঠাত তেওঁৰ শৰীৰচৰ্চা কৰা ফটো শ্বেয়াৰ কৰিছে৷ অভিনেত্ৰীগৰাকীৰ ঘৰলৈকে প্ৰশিক্ষক আহে৷ কাৰ্ডিয়োৰ ওপৰিও তেওঁ বিভিন্ন ধৰণৰ ৱেইট ট্ৰেনিং আৰু ষ্ট্ৰেন্থ ট্ৰেনিং কৰে৷ কৰিনাই কয়, ‘শৰীৰচৰ্চা নকৰিলে মোৰ মুড বেয়া হৈ যায়৷ কৰনাৰ সময়ৰ পৰাই নিজক সুস্থ ৰাখিবলৈ শৰীৰচৰ্চাত গুৰুত্ব আৰোপ কৰিছো৷ মোৰ জীৱনৰ ধাৰক হৈছে শৰীৰচৰ্চা৷’
চিকিৎসা বিজ্ঞানে কি কয়?
নেশ্ব্যনেল ইনষ্টিটিউট অফ হেলথৰ তথ্য অনুসৰি নিশা দেৰিকৈ খাদ্য খালে পেটৰ সমস্যা হব পাৰে৷ অন্যহাতে পুৱা সোনকালে আৰু নিশাও সোনকালে খাদ্যগ্ৰহণ কৰিলে দেহৰ মেটাবলিজম ভালে থাকে৷ সময়ৰ সৈতে এই অভ্যাসে ৰক্ত শৰ্কৰাৰ পৰিমাণো নিয়ন্ত্ৰণ কৰাত সহায় কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
