অসম লাইভ২৪ঃ কেদাৰনাথত আকৌ প্ৰলয়। শুকুৰবাৰে পুৱা বন্ধ হৈ পৰিছে কেদাৰনাথ যোৱা ৰাস্তা। পাহাৰৰ মাটি খহি অহাৰ ফলত একাধিক যাত্ৰী আৱদ্ধ হৈ পৰিছে। পাহাৰৰ মাটি খহি অহাৰ ফলতেই বহু তীৰ্থযাত্ৰী মাটিত তলত পোত যোৱাৰ সন্দেহ কৰিছে প্রশাসনে। ইতিমধ্যে সন্ধানহীন সকলক বিচাৰি অভিযান আৰম্ভ কৰিছে প্রশাসনে। সূত্ৰৰ খবৰ অনুসৰি উত্তৰাখণ্ডৰ ৰুদ্ৰপ্ৰয়াগ জিলাৰ গৌৰীকুণ্ডত এই ঘটনা। ইতিমধ্যে এন ডি আৰ এফ বাহিনীয়ে আৰম্ভ কৰিছে উদ্ধাৰকাৰ্য। উদ্ধাৰকাৰ্য চলাই থকা দলটোৱে জনোৱা অনুসৰি ১০ৰ পৰা ১২ যাত্ৰী সন্ধানহীন হৈছে। এলেকাটোত প্ৰায় ৩খন দোকান ভাঙি পৰিছে। ২৪ ঘণ্টা ধৰি গৌৰীকুণ্ড এলেকাত বৃষ্টিপাত অধিক হোৱাৰ বাবে এই ভয়াৱহ ঘটনা বুলি জনাইছে প্রশাসনে।
ৰুদ্ৰপ্ৰয়াগৰ SP ডঃ বিশাখাই কয়, ‘নিখোজ যাত্ৰীক বিচাৰি তালাছি অভিযান আৰম্ভ হৈছে। আমি খবৰ পাই লগে লগেই অভিযান আৰম্ভ কৰিছো। তিনিখন দোকানৰ ওপৰত পাহাৰৰ শিল খহি ক্ষতিগ্ৰস্থ হৈছে। ১০-১২ জন যাত্ৰী নিখোজ হৈছে। আমি তেওঁলোকক বিচাৰি উদ্ধাৰ অভিযান আৰম্ভ কৰিছো। বৰষুণৰ বাবে কেদাৰনাথৰ যাত্ৰা ইতিমধ্যে ৰখাই দিছো।’
উল্লেখ্য যে জুন মাহত কেইবাদিনো ধৰি কেদাৰনাথ যাত্ৰা বন্ধ কৰি দিয়া হৈছিল। বৰষুণৰ বাবেই ৰখাই দিয়া হৈছিল কেদাৰনাথ যাত্ৰা। কিন্তু বৰষুণৰ পৰিমান কিছু কমাত যাত্ৰা আকৌ আৰম্ভ হৈছিল। সোনপ্ৰয়াগৰ পৰা কেদৰনাথ ধামৰ উদ্দেশ্যে ৰাওনা হোৱা যাত্ৰীসকলক এই বিপৰ্যয়ৰ পাছতেই ৰখাই দিয়া হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
