জ্যোতিষশাস্ত্ৰত কেতুক কোৱা হয় ছায়া গ্ৰহ৷ এই গ্ৰহই যেতিয়া তাৰ চলন সলনি কৰে বা নক্ষত্ৰসলনি কৰে তেতিয়াই মানুহৰ মানসিক অৱস্থা, কৰ্মজীৱন আৰু আৰ্থিক পৰিস্থিতিৰ ওপৰত তাৰ গভীৰ আৰু সুদূৰপ্ৰসাৰী প্ৰভাৱ পৰে৷ এইবাৰ আগন্তুক ২৯ মেত মহাজাগতিক আকাশত ঘটিব তেনে এক বৃহৎ পৰিবৰ্তনেই৷ সেইদিনটোত কেতুৱে মঘা নক্ষত্ৰৰ তৃতীয় দশাত প্ৰৱেশ কৰিব৷ তাতেই থাকিব আগন্তুক ৩০ জুন পৰ্যন্ত৷
এই বিশেষ দশাৰ অধিপতি হৈছে স্বয়ং বুধদেৱ৷ ফলত কেতুৰ এই ৩২ দিনৰ অৱস্থানে মানুহৰ বুদ্ধি, যুক্তি আৰু ব্যৱসায়িক সিদ্ধান্তক প্ৰভাৱিত কৰিব পাৰে৷ জ্যোতিষীৰ গণনা অনুসৰি এই সময়কাল সকলো ৰাশিৰ বাবে মুঠেও সুখকৰ নহ’ব৷ বিশেষকৈ ৩টা ৰাশিৰ জাতক জাতিকাই আগন্তুক ৩২ দিন চৰম সতৰ্ক থকাৰ পৰামৰ্শ দিছে বিশেষজ্ঞই৷
মিথুন ৰাশি
কেতুৰ এই গোচৰে মিথুন ৰাশিৰ জাতক জাতিকাৰ জীৱনলৈ তীব্ৰ মানসিক দ্বন্দ্ব মাতি আনিব পাৰে৷ যিহেতু মঘা নক্ষত্ৰৰ এই দশাৰ অধিপতি বুধ আপোনাৰ নিজৰ ৰাশিৰো অধিপতি সেয়ে আপোনাৰ সঠিক সিদ্ধান্ত গ্ৰহণৰ ক্ষমতাই এই সময়ত কামত নিদিব৷ কৰ্মক্ষেত্ৰত সহকৰ্মী আৰু ঊৰ্ধ্বতন কৰ্তৃপক্ষৰ সৈতে তীব্ৰ মতাদৰ্শগত পাৰ্থক্য বা বিবাদে দেখা দিব পাৰে৷ সেয়ে কোনো নতুন ব্যৱসায়িক বিনিয়োগ বা ডাঙৰ কোনো চুক্তিত স্বাক্ষৰ কৰাৰ পূৰ্বে সমস্ত আইনী নথি অত্যন্ত সাৱধানে চাওক৷ এই সময়ত ভুলতো চৰ্টকাট বা লটাৰিৰ মাধ্যমেৰে নিশাৰ ভিতৰত অৰ্থ উপাৰ্জনৰ চেষ্টা নকৰিব৷ বৃহৎ আৰ্থিক ক্ষতিৰ সন্মুখীন হ’ব পাৰে৷
কন্যা ৰাশি
কন্যা ৰাশিৰ জাতক জাতিকাৰ বাবে ই মূলত আত্মদৰ্শনৰ সময়৷ কেতুৰ কুপ্ৰভাৱে আপোনাৰ মাৰাত্মকভাৱে বিভ্ৰান্ত কৰিব পাৰে৷ যাৰ ফলত আপুনি নিজৰ প্ৰকৃত লক্ষ্যৰ পৰা বিচ্যুত হৈ পৰিব পাৰে৷ অফিচ বা কামৰ স্থানৰ পৰা আপুনি কষ্ট কৰিলেও অইন কোনোৱে আপোনাৰ কামৰ কৃতিত্ব চুৰি কৰাৰ চেষ্টা কৰিব পাৰে৷ কঠোৰ পৰিশ্ৰমৰ ফল হাতলৈ অহাত দেৰি হ’ব পাৰে৷ যিয়ে আপোনাৰ মানসিক হতাশা বহুগুণ বঢ়াই দিব৷ এই সময়ত স্বাস্থ্য সংক্ৰান্তিয় বিষয়ত বিন্দুমাত্ৰো অৱহেলা নকৰিব৷ অন্যথা চিকিৎসাৰ নামত খৰচ বাঢ়িব পাৰে৷ ইয়াৰোপৰি আৰ্থিকভাৱে কোনো অপৰিচিত ব্যক্তিক অন্ধৰ দৰে বিশ্বাস নকৰিব আৰু গোপন শত্ৰুৰ পৰা সদায়ে সতৰ্ক থাকক৷
মীন ৰাশি
মীন ৰাশিৰ জাতকৰ বাবে এই গোচৰ প্ৰধানকৈ বাক ত্ৰুটি আৰু পাৰিবাৰিক অশান্তিৰ কাৰণ হৈ থিয় দিব৷ কেতুৱে আপোনাৰ জীৱনৰ সুখ-স্বাচ্ছন্দ্য আৰু আৰামৰ পথে সাময়িক বৃহৎ বাধা সৃষ্টি কৰিব পাৰে৷ আৰ্থিক অৱস্থাৰ ওঠানমা হ’ব পাৰে৷ এই ৩২ দিনৰ ভিতৰত কোনো ব্যৱসায়িক ভ্ৰমণ বা ট্যুৰ কৰিলে সেয়া খুবেই সফল নহ’ব৷ দাম্পত্য বা প্ৰেমৰ সম্পৰ্কতো চৰম ভুল বুজাবুজিয়ে দেখা দিব পাৰে৷ নিজৰ মতামত সংগীৰ কাষত স্পষ্টভাৱে প্ৰকাশ কৰক আৰু কথাবাৰ্তাত কোনোধৰণে কঠোৰ বা কটু শব্দ পৰিহাৰ কৰক৷
মুক্তিৰ অব্যৰ্থ প্ৰতিকাৰ
এই অশুভ প্ৰভাৱ দূৰ কৰিবলৈ গৈ যাতে শুভ ফল নিশ্চিত হয়, তাৰবাবে জ্যোতিষীয়ে ৩টা সহজ প্ৰতিকাৰৰ কথা কৈছে৷
১. ভগৱান গণেশৰ পূজাঃ বুধ আৰু কেতুৰ অশুভ দৃষ্টি প্ৰশমিত কৰাৰ বাবে নিয়মিত “ওম গণ গণপতয়ে নমঃ” মন্ত্ৰ জপ কৰক৷
২. পক্ষী সেৱাঃ প্ৰতিদিনে নিয়মমতে পক্ষীক সাতপ্ৰকাৰৰ শস্য খাবলৈ দিয়ক৷
৩. পিতৃ তৰ্পণঃ যিহেতু এয়া মঘা নক্ষত্ৰ সেয়ে এই সময়ত পূৰ্বপুৰুষ বা পিতৃপুৰুষৰ নামত কোনো দুখীয়া মানুহক দান ধ্যান কৰিলে বিশেষভাৱে ফলপ্ৰসূ হোৱা যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
