বিশ্বৰ সংবাদ মাধ্যমৰ বাবে গৰম খবৰৰ উৎস হৈছে উত্তৰ কোৰিয়াৰ একনায়কত্ববাদী শাসক কিম জং উন৷ সেয়ে উত্তৰ কোৰিয়াত প্ৰৱেশ কৰিবলৈ সক্ষম নহ’লেও বিশ্বৰ প্ৰায়বোৰ সংবাদ সংস্থা আৰু এজেঞ্চিয়ে শেন চৰাইৰ দৰে কিম জং উনৰ পিছত পৰি থাকে৷
এই কিম জং উনৰ এক শেহতীয়া কাণ্ডই পুনৰ বিশ্ব সংবাদ মাধ্যমত খলকনি তুলিছে৷ হয়, উত্তৰ কোৰিয়াৰ একনায়কত্ববাদী শাসক কিম জং উনৰ অন্য এক বিশেষ কাণ্ড এইবাৰ সংবাদ মাধ্যমৰ চৰ্চালৈ আহিছে৷
সংবাদ সংস্থা এন কে নিউজ-এ প্ৰকাশ কৰা অনুসৰি উত্তৰ কোৰিয়াৰ শাসক কিম জং উনে প্ৰচণ্ড শীততো ৰঙা কাৰ্পেটৰ তলত হিটাৰ সংস্থাপন কৰি এখন সভাত প্ৰায় ভাষণ প্ৰদান কৰিছিল৷ জঙে উক্ত ভাষণত কেৱল নিজৰ পৰিয়ালৰে গুণ বখানি আছিল৷
এন কে নিউজৰ মতে যোৱা মংগলবাৰে মাত্ৰ ৫ ডিগ্ৰী উষ্ণতাত মুখত মাস্ক পৰিধান নকৰাকৈ থিয় হৈ থকা শ শ মানুহৰ আগত কিম জং উনে ভাষণ প্ৰদান কৰি থকা দেখা গৈছিল৷ দৰাচলতে যোৱা মংগলবাৰে উত্তৰ কোৰিয়াৰ পূৰ্বৰ শাসক তথা কিম জং উনৰ পিতৃ কিম জং ইলৰ ৮০ সংখ্যক জন্ম বাৰ্ষিকী আছিল৷
সেই উপলক্ষ্যে চৰকাৰীভাৱে কিম জং ইলৰ জন্মভূমি বুলি দাবী কৰি অহা চামজিয়নত জন্ম বাৰ্ষিকী উদযাপন কৰা হৈছিল৷ উক্ত অনুষ্ঠানতে উত্তৰ কোৰিয়াৰ বৰ্তমানৰ শাসনক কিম জং উনে প্ৰায় ৩০ মিনিট ধৰি প্ৰচণ্ড শীতত প্ৰয়াত পিতৃৰ বিষয়ে বক্তৃতা প্ৰদান কৰিছিল৷
এন কে নিউজ-এ প্ৰকাশ কৰা অনুসৰি জঙে ভাষণ প্ৰদান কৰি থকাৰ সময়ত চহৰখনৰ উষ্ণতা আছিল মাত্ৰ ৫ ডিগ্ৰী ছেলছিয়াছ৷ এনে শীততো কিম জঙে মূৰত গৰম টুপি আৰু হাতত গ্ল’ভছ পিন্ধা নাছিল৷
সেয়ে সংবাদ সংস্থাটোৱে দাবী কৰিছে যে উক্ত সময়ত মঞ্চৰ ৰেড কাৰ্পেটৰ তলত হিটাৰ সংস্থাপন কৰা হৈছিল, যাৰবাবে শাসক কিম জং উনৰ সৈতে দেশখনৰ চৰকাৰী বিষয়াসকলে প্ৰচণ্ড শীততো মঞ্চত গৰম টুপি আৰু হাত মোজা নিপিন্ধাকৈ উপৱিষ্ট হৈ থাকিব পাৰিছিল৷
সংবাদ পত্ৰখনে কিম জম উনে ভাষণ প্ৰদান কৰি থকা সময়ৰ কৰা ৰঙা কাৰ্পেটৰ তলত হিটাৰ সংস্থাপনৰ কৰি থোৱা ফ’টো আপলোড কৰি হিটাৰো দেখুওৱাবলৈ চেষ্টা কৰিছে৷
উল্লেখ্য যে উনৰ পিতৃ কিম জং ইলৰ ১৯৪২ চনৰ ১৫ ফেব্ৰুৱাৰিত উত্তৰ কোৰিয়াৰ চামজিয়নত জন্ম গ্ৰহণ কৰিছিল৷ ২০১১ চনত মৃ্ত্যু হোৱা কিম জং ইলৰ প্ৰতিবাৰেই চামজিয়নতে নিৰ্মাণ কৰা প্ৰতিমূৰ্তিৰ আগত জন্ম বাৰ্ষিকী উদযাপন কৰা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ