অন্য এক অবিশ্বাস্য আৰু জঘন্য ঘটনা পোহৰলৈ আহিছে৷ খুৰীয়েকে নিজৰ অবৈধ সম্পৰ্ক লুকুৱাই ৰাখিবলৈ হৰিশ নামৰ নিজৰ ১০ বছৰীয়া ভতিজাক কিশোৰ প্ৰেমিকৰ দ্বাৰা হত্যা কৰোৱায়৷
এই জঘন্য ঘটনাটো সংঘটিত হৈছে ৰাজস্থানৰ জেলমোৰ জিলাৰ ঝিনঝিনয়ালী গাঁৱত৷ আৰক্ষীয়ে প্ৰকাশ কৰা ঘটনা অনুসৰি মীনা নামৰ ২৪ বছৰীয়া বিবাহিতা মহিলা গৰাকীয়ে নিজৰ অবৈধ তথা পৰকীয়া প্ৰেমৰ সম্পৰ্ক লুকুৱাই ৰাখিবলৈ ১০ বছৰীয়া হৰিশক হত্যা কৰোৱায়৷
উল্লেখ্য যে যোৱা ১০ ফেব্ৰুৱাৰিত হৰিশ সন্ধাহীন হৈ থকাত পৰিয়ালৰ লোকে আৰক্ষীৰ ওচৰ চাপে৷ আৰক্ষীয়ে সন্ধানহীন হৰিশৰ সন্ধানত অভিযান চলাওতে স্থানীয় বিদ্যালয়ৰ পিছফালে মৃতদেহ উদ্ধাৰ কৰিবলৈ সক্ষম হয়৷
ইয়াৰ পিছতে পৰিয়ালৰ লোকে হৰিশৰ হত্যাৰ সন্দেহত আৰক্ষী থানাত অভিযোগ দাখিল কৰে৷ আৰক্ষীয়ে হত্যাকাণ্ডৰ তদন্ত আৰম্ভ কৰাৰ পিছতে পোহৰলৈ আহে অন্য এক জঘন্য কাণ্ড৷
আৰক্ষীৰ তদন্তত এইটো স্পষ্ট হয় যে হৰিশে ১৪ বছৰীয়া কিশোৰ ভতিজাৰ সৈতে খুৰীয়েকৰ অবৈধ সম্পৰ্কৰ বিষয়ে অৱগত হৈছিল৷ এই অবৈধ সম্পৰ্ক কথা লুকুৱাই ৰাখিবলৈকে ১০ বছৰীয়া হৰিশক হত্যা কৰা হয়৷
আৰক্ষীৰ আগত অভিযুক্তই প্ৰকাশ কৰা অনুসৰি হৰিশে যোৱা ৯ ফেব্ৰুৱাৰিৰ সন্ধিয়া ১৪ বছৰীয়া ভজিতাকৰ সৈতে খুৰীয়েক মীনাক যৌন কাৰ্যত লিপ্ত থকা প্ৰত্যক্ষ কৰে৷ হৰিশে এই কথা পৰিয়ালৰ লোকৰ আগত প্ৰকাশ কৰিব বুলি আশংকা কৰি অভিযুক্ত মিনাই হৰিশক হত্যা কৰিবলৈ কিশোৰ প্ৰেমিকক উচতাই৷
১৪ বছৰীয়া প্ৰেমিক কিশোৰে প্ৰেমিকা খুৰীয়েকৰ কথা মতেই ৰাতি হৰিশক বিদ্যালয়ৰ পিছফালে নি ৰুমালেৰে মুখত সোপা দি হত্যা কৰে৷
ইফালে কিশোৰ প্ৰেমিকে খুৰীয়েকৰ সৈতে অবৈধ সম্পৰ্ক থকাৰ কথা আৰু সম্পৰ্কীয় ভাতৃ হৰিশক হত্যা কৰাৰ সমস্ত ঘটনা স্বীকাৰ কৰা বুলি আৰক্ষীয়ে প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ