আৰ জি কৰৰ মহিলা চিকিৎসকৰ ধৰ্ষণ আৰু হত্যাৰ ঘটনাৰ পাছৰ পৰাই তেওঁ সকলোৰে নজৰত৷ সম্পূৰ্ণ ঘটনাত তেওঁৰ ভূমিকাক লৈ প্ৰশ্ন তুলিছে বিভিন্ন মহলে৷ অভিযোগ উঠিছে তেওঁৰ প্ৰভাৱশালী জীৱনক লৈয়ো৷ ইতিমধ্যেই তেওঁক মাৰাথান জেৰা চলাই আছে চিবিআইয়ে৷ তেওঁ আন কোনো নহয় আৰ জি কৰৰ সদস্য সন্দীপ ঘোষ৷ আৰ জি কৰ কাণ্ডৰ সময়ত তেওঁ সেই মেডিকেল কলেজৰ অধ্যক্ষৰ দায়িত্বত আছিল৷ দেশজুৰি এতিয়া চৰ্চাত সন্দীপ ঘোষ৷ সকলোৰে মনত তেওঁৰ পৰিচয় আৰু শিক্ষাক লৈয়ো কৌতুহল আৰম্ভ হৈছে৷
আৰ জি কৰৰ প্ৰাক্তন অধ্যক্ষ সন্দীপৰ যাত্ৰা আৰম্ভ হৈছিল উত্তৰ ২৪ পৰগনাৰ বনগাঁৰ পৰা৷ ১৯৮৯ চনত বনগাঁ হাইস্কুলৰ পৰা উচ্চ মাধ্যমিক পাছ কৰে৷ ১৯৮৯ চনত উচ্চ মাধ্যমিকত তেওঁ ৭৯.৭ শতাংশ নম্বৰ পায় স্কুলত প্ৰথম তিনিজনৰ ভিতৰত স্থানো পাইছিল৷ তাৰপাছতেই চিকিৎসক পঢ়িবলৈ সুযোগ পায় মেধাৱী সন্দীপে৷
ভৰ্তী হয় আৰ জি কৰ মেডিকেল কলেজতেই৷ ১৯৯৮ চনত এম বিবিএছ ডিগ্ৰী অৰ্জন কৰে সন্দীপে৷ প্ৰেকটিছো আৰ জি কৰতেই কৰে৷ তাৰপৰাই আৰম্ভ হয় উত্থান৷ কৰ্মজীৱনত চিকিৎসাক্ষেত্ৰৰ বিভিন্ন পদত কৰ্তব্যৰত আছিল সন্দীপ৷ তাৰপাছতেই ২০২১ চনত আৰজি কৰৰ অধ্যক্ষ হিচাপে নিযুক্ত হোৱাৰ পাছৰে পৰা আৰু বেছি পৰিচিত নাম হৈ পৰে সন্দীপ৷ ঘটনাচক্ৰত যি কলেজত তেওঁ চিকিৎসকৰ ডিগ্ৰী লৈছিল সেই কলেজৰেই অধ্যক্ষ হয়৷ আৰ জি কৰ মেডিকেল কলেজত যোগ দিয়াৰ পূৰ্বে নেশ্ব্যনেল মেডিকেল কলেজৰ উপাধ্যক্ষ হয় সন্দীপ৷ নেশ্ব্যনেল মেডিকেল কলেজৰ পৰা পদোন্নতিৰ পাছত তেওঁ আৰ জি কৰলৈ আহে৷ এজন অৰ্থোপেডিক ছাৰ্জন আৰু অধ্যাপক হোৱা সত্ত্বেও পেছাগত অনিয়মৰ কাৰণে বৰ এটা সুখ্যাতি প্ৰতিষ্ঠা কৰিব নোৱাৰিলে সন্দীপে৷ আৰু সেয়ে আৰ জি কৰৰ অধ্যক্ষ হোৱাৰ পাছত বিতৰ্কৰ মুখত পৰে সন্দীপ ঘোষ৷
অন্য কেইবাটাও বিতৰ্কত নাম সোমাই পৰিছিল সন্দীপৰ৷ ২০২৩ চনৰ জুন মাহত দুৰ্নীতিৰ অভিযোগ উঠে সন্দীপৰ বিৰুদ্ধে৷ সম্প্ৰতি ২০২১ চনৰ জানুৱাৰী মাহৰ পৰা আৰ জি কৰ মেডিকেল কলেজত যি আৰ্থিক অনিয়মৰ অভিযোগ উঠিছিল তাৰ তদন্ত চিট গঠনৰ নিৰ্দেশ দিছিল আদালতে৷ ঘটনাচক্ৰত তেওঁ তিনি বছৰৰ বেছিভাগ সময় তেওঁ কলেজৰ দায়িত্বত আছিল৷ অধ্যক্ষ থকাৰ সময়ত সন্দীপ ঘোষৰ বিৰুদ্ধে স্বজনপোষণৰ ওপৰিও চৰকাৰী অৰ্থ অপচয়ৰ অভিযোগ উঠে৷
কভিডৰ সময়ত অত্যাধুনিক যন্ত্ৰ ক্ৰয় কৰিছিল আৰ জি কৰ হাস্পতালে৷ খৰচ হৈছিল ৪লাখ ৫০ হাজাৰ টকা৷ তাৰপাছতেই জনা যায় যে এই যন্ত্ৰৰ বজাৰমূল্য ১ লাখ ৬০ হাজাৰ টকা৷ সন্দীপ ঘোষে টেণ্ডাৰৰ ক্ষেত্ৰত নিজৰ প্ৰভাৱ খটোৱাইছিল৷ লেব টেকনিছিয়ানৰ নিয়োগৰ ক্ষেত্ৰতো সন্দীপৰ বিৰুদ্ধে উঠিছিল কেলেংকাৰীৰ অভিযোগ৷ অবৈধভাৱে ইণ্টাৰ্ণ নিয়োগৰ অভিযোগো আছে তেওঁৰ বিৰুদ্ধে৷ আৰ জি কৰ হাস্পতালৰ ছাত্ৰাবাসত ৰেগিং বিতৰ্কত জড়িত হৈ পৰিছিল সন্দীপৰ নাম৷ প্ৰথমবাৰ আৰ জি কৰ হাস্পতালৰ অধ্যক্ষৰ চকীত বহি থকাৰ সময়ত তেওঁক পঠিওৱা হয় মুৰ্ছিদাবাদ মেডিকেল কলেজলৈ৷
সেই কলেজৰ পৰা তেওঁ ৪৮ঘণ্টাৰ ভিতৰতে আকৌ আৰ জি কৰলৈ আহে৷ ২০২৩ চনৰ ছেপ্টেম্বৰত তেওঁক আকৌ বদলি কৰা হয়৷ সেইবাৰ তেওঁ আকৌ আৰ জিলৈ উভতি আহে ২১ দিনৰ ভিতৰত৷ ইয়াৰ পাছতেই আৰ জি কৰৰ চিকিৎসকক হত্যাৰ ঘটনাক লৈ বিক্ষোভ যেতিয়া বাঢ়ি যায় তেতিয়া নিজেই পদত্যাগ কৰে সন্দীপ ঘোষে৷
পদত্যাগৰ লগে লগেই তেওঁ নেশ্ব্যনেল মেডিকেল কলেজৰ অধ্যক্ষৰ দায়িত্ব লাভ কৰে৷ এই বিষয়টোক লৈয়ো বিতৰ্ক আৰম্ভ হয় যদিও কলকাতা হাইকৰ্টৰ নিৰ্দেশ অনিৰ্দিষ্ট কালৰ বাবে ছুটি লয় আৰ জি কৰৰ সদ্যপ্ৰাক্তন অধ্যক্ষ৷ আদালতৰ প্ৰশ্ন আছিল, কিমান ক্ষমতাবান হ’লে পদত্যাগৰ ৪ঘণ্টাৰ ভিতৰত আকৌ নিয়োগ পোৱা যায়? এয়া কেনেকৈ সম্ভৱ?
ন্যায়াধীশ টি শিৱজ্ঞানম আৰু ন্যায়াধীষ হিৰন্ময় ভট্টাচাৰ্যৰ বেঞ্চে স্পষ্টকৌ জনাই দিয়ে যে সন্দীপ ঘোষক এতিয়াই নেশ্ব্যনেল মেডিকেল কলেজৰ অধ্যক্ষৰ দায়িত্ব দিয়া নহ’ব৷ ইয়াৰপাছতেই সন্দীপক মাতি সোধপোছ কৰিছে কেন্দ্ৰীয় তদন্তকাৰী সংস্থাই৷ বুধবাৰে তেওঁক সোধপোছ কৰিছে তদন্তকাৰী সংস্থাই৷ আৰ জি কৰৰ চিকিৎসক ছাত্ৰীক ধৰ্ষণ আৰু হত্যাক নানান প্ৰশ্নৰ ওপৰিও কৰ্তব্যৰ গাফিলতিক লৈয়ো প্ৰশ্ন কৰা হৈছে৷ শেহতীয়াকৈ সোমবাৰে চিবিআইয়ে গ্ৰেপ্তাৰ কৰে প্ৰাক্তন অধ্যক্ষ সন্দীপ ঘোষক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
