শ্বেয়াৰ মাৰ্কেটৰ শংকা
শ্বেয়াৰ বজাৰত বিনিয়োগ কৰা অথবা ব্যৱসায় কৰা লোকৰ বাবে আটাইতকৈ শংকাৰ বিষয়টো হৈছে লোকচান বা ক্ষতি। সাধাৰণতে ফিউছাৰ/অপছন অথবা ডেৰাইভিটি শাখাতহে লোকচানৰ বিষয়টো আলোচনা যোগ্য। কিয়নো এই শাখা বা চেগমেণ্টত বিনিয়োগ কৰা প্ৰক্ৰিয়াটো কিছু জটিল। আৰু শ্বেয়াৰ বজাৰৰ গতিবিধি তথা নীতি-নিয়মসমূহ ভালদৰে নজনাকৈ এই শাখাত বিনিয়োগ নকৰাটোয়ে উচিত। অৱশ্যে ইয়াকো উল্লেখ কৰাটো ভাল হ’ব যে ডেৰাইভিটী শাখাত বিনিয়োগ কৰা ধনৰ তুলনাত লাভৰ পৰিমাণ যথেষ্ট বেছি হয়। তাৰ বিপৰীতে হিচাপ ভুল হ’লে অভাৱনীয় হাৰত লোকচান হয়। গতিকে নতুন বিনিয়োগকাৰী বা শিকাৰু ব্যৱসায়ীয়ে এই শাখাত সোমাব নালাগে। বিষয়টো যিহেতু জটিল গতিকে পৰৱৰ্তী সময়ত বিতংকৈ আলোচনা কৰা হ’ব।
আজি আলোচনা কৰিব বিচৰা বিষয়টো হ’ল- ইকুইটী বা ক্যেছ (নগদ) মাৰ্কেট। এইটো শাখাত শ্বেয়াৰৰ দাম কমিলেও লোকচান বা ক্ষতি নহয়। এটা উদাহৰণ দিলে বিষয়টো অধিক স্পষ্ট হ’ব। ধৰা হ’ল নতুন বিনিয়োগকাৰী এগৰাকীয়ে ১৬,০০০/- টকাৰে ব্যৱসায় আৰম্ভ কৰিলে। আৰু তেওঁ ডিছ টিভি কোম্পানীৰ শ্বেয়াৰ ১৬/- টকা দামত ১০০০টা শ্বেয়াৰ ক্ৰয় কৰিলে। এতিয়া শ্বেয়াৰ বজাৰত তেওঁৰ মুঠ সম্পদ ডিছ টিভিৰ এহাজাৰ শ্বেয়াৰ আৰু নগদ ধন শূন্য। তেওঁ শ্বেয়াৰটো কিনাৰ পাছত হঠাৎ ইয়াৰ দাম হ্ৰাস হ’বলৈ ধৰিলে। ধৰা হওক এসপ্তাহৰ ভিতৰত ইয়াৰ দাম ৮/- টকা হ’ল। অৰ্থাৎ তেওঁৰ সম্পদৰ মূল্য ১৬,০০০/- টকাৰ পৰা কমি ৮০০০/- হ’ল। সাধাৰণ হিচাপত এসপ্তাহত তেওঁৰ লোকচান ৮,০০০/- টকা। এনে পৰিস্থিতিত বিনিয়োগকাৰী হতাশ হয় আৰু শ্বেয়াৰ বজাৰক জুৱা বা ভাগ্যৰ খেল বুলি ভাবিবলৈ লয়। কিন্তু এই ধাৰণা মাৰাত্মক ভুল। ইয়াত সততে মনত ৰাখিবলগীয়া কথাটো হ’ল – শ্বেয়াৰটোৰ দামহে কমিছে। বিনিয়োগকাৰীৰ হাতত কিন্তু শ্বেয়াৰ এহাজাৰেই আছে।
এতিয়া প্ৰশ্ন হ’ল – শ্বেয়াৰৰ দাম কিনা দামতকৈ বহু হ্ৰাস হ’লেও কেনেকৈ লাভ আৰ্জন কৰিব পাৰি? নতুন শিকাৰুসকলে মনত ৰাখিবলগীয়া কথাটো হ’ল শ্বেয়াৰ বজাৰত কোনো শ্বেয়াৰৰ দাম একেৰাহে নাবাঢ়ে বা একেৰাহে নকমে। অৰ্থাৎ দাম সদায় বঢ়া-টুটা হয়। ধৰা হ’ল ডিছ টিভিৰ শ্বেয়াৰৰ দাম পুনৰ ১০/- টকালৈ বৃদ্ধ হ’ল। তেতিয়া বিনিয়োগকাৰীয়ে ১০০০ শ্বেয়াৰ বিক্ৰী কৰিলে। ইয়াৰ পাছত তেঁওৰ একাউণ্টত নগদ থাকিব ১০,০০০/- টকা আৰু শ্বেয়াৰ শূণন্য। দুদিন পাছত ডিছ টিভিৰ শ্বেয়াৰৰ দাম ৭/- টকালৈ হ্ৰাস হ’ল। লগে লগে তেওঁ সাত টকা দামত পুনৰ ডিছ টিভিৰ এহাজাৰ শ্বেয়াৰ ক্ৰয় কৰিলে। তেতিয়া তেওঁৰ একাউণ্টত শ্বেয়াৰ থাকিব এহাজাৰ আৰু নদগ ধন ৩০০০/- টকা। অৰ্থাৎ শ্বেয়াৰৰ দাম হ্ৰাস হোৱা স্বত্তেও বিনিয়োগকাৰীয়ে ৩০০০/- টকা উপাৰ্জন কৰিছে। এইবাৰ শ্বেয়াৰটোৰ দাম ৯/- টকালৈ বৃদ্ধি হ’ল। তেওঁ পুনৰ এহাজাৰ শ্বেয়াৰ বিক্ৰী কৰিলে। এইবাৰ তেওঁৰ একাউণ্টত নগদ ধন থাকিব ১২,০০০/- টকা আৰু শ্বেয়াৰ শূন্য। শ্বেয়াৰটোৰ দাম পুনৰ ৬/- টকালৈ হ্ৰাস হ’ল। লগে লগে বিনিয়োগকাৰীয়ে আকৌ এহাজাৰ শ্বেয়াৰ ক্ৰয় কৰিলে। এতিয়া তেওঁৰ একাউণ্টত নগদ ধন ৬০০০/- টকা আৰু শ্বেয়াৰ এহাজাৰ। অৰ্থাৎ লাভ ৬০০০/- টকা। ইয়াৰ পিছত শ্বেয়াৰটোৰ দাম বৃদ্ধি হ’বলৈ আৰম্ভ কৰিব। আৰু এমাহমানৰ ভিতৰত ইয়াৰ দাম ২০/- টকা হ’ল। তেতিয়া তেওঁ সমুদায় শ্বেয়াৰ বিক্ৰী কৰি ২০,০০০/- টকা পাব। তেওঁৰ একাউণ্টত নগদ ধনৰ পৰিমাণ হ’ল ২৬,০০০/- টকা। আৰম্ভণিত তেওঁৰ নগদ ধন আছিল ১৬,০০০/- টকা আৰু এতিয়া ২৬,০০০/- টকা। অৰ্থাৎ লাভ থাকিব ১০,০০০/- টকা। এনে এটা প্ৰক্ৰিয়াৰ বাবে কুৰি দিনমান সময়ৰ প্ৰয়োজন হয়। এয়া এক উদাহৰণহে । সকলো শ্বেয়াৰতে এনে প্ৰক্ৰিয়াৰে লাভ আৰ্জন কৰিব পাৰি। শ্বেয়াৰ বজাৰত কিনা-বেচা কৰাটোৱেই মূল কৌশল। শ্বেয়াৰৰ দাম বঢ়া-টুটাই লাভ-লোকচান নিৰ্ধাৰণ নকৰে। গতিকে কিনা-বেচাৰ কৌশল ভালদৰে শিকি বুজি ল’ব লাগে। কোনো নিৰ্দিষ্ট শ্বেয়াৰৰ দাম আৰু কিনা-বেচা কৰাৰ কৌশল শিকি ল’লে শ্বেয়াৰ বজাৰত ধন বিনিয়োগ কৰি ১৫-২০ দিনত দুগুণলৈ বৃদ্ধি কৰাতো বৰ টান কাম নহয়। পৰৱৰ্তী সময়ত এই বিষয়ে অধিক বিতংকৈ আলোচনা কৰা হ’ব।
মানৱেন্দ্ৰ কুমাৰ দাস
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
