ভাতৃৰ দীৰ্ঘায়ু কামনা কৰে নিশ্চয়! জধে-মধে নিপিন্ধাব ৰাখী

ৰাখী বন্ধন বা ৰক্ষাবন্ধনক ভাই-ভনীৰ মৰম আৰু পবিত্ৰ সম্পৰ্কৰ প্ৰতীক হিচাপে গণ্য কৰা হয়। এইবাৰ ২৮ আগষ্ট, শুকুৰবাৰে পালন কৰা হ’ব ৰাখী বন্ধন উৎসৱ। এই দিনটোত ভগ্নীসকলে ভাতৃৰ হাতত ৰাখী বান্ধি তেওঁৰ দীৰ্ঘায়ু, সুখ, সমৃদ্ধি আৰু মংগলৰ বাবে প্ৰাৰ্থনা কৰে। ধৰ্মীয় বিশ্বাস অনুসৰি ৰাখী বন্ধাৰ সময়ত কিছুমান নিয়ম মানি চলাটো গুৰুত্বপূৰ্ণ। সৰু সৰু কথাত অসাৱধানতা অৱলম্বন কৰিলে ৰীতি-নীতি পালনত ভুল হ’ব পাৰে বুলি বিশ্বাস কৰা হয়। সেয়েহে ৰাখী বন্ধাৰ সময়ত তলত উল্লেখ কৰা কথাকেইটাত বিশেষ গুৰুত্ব দিব লাগে।

ভদ্ৰ কালত ৰাখী বন্ধাৰ পৰা বিৰত থাকক

ধৰ্মীয় বিশ্বাস অনুসৰি ভদ্ৰ কালত ৰাখী বন্ধাটো অশুভ বুলি গণ্য কৰা হয়। সেয়েহে এই সময়ছোৱাত ৰাখী নবন্ধাই শুভ সময়ত ৰাখী বন্ধাৰ পৰামৰ্শ দিয়া হয়। অৱশ্যে এইবাৰ ভদ্ৰাৰ প্ৰভাৱ নথকাৰ কথা উল্লেখ কৰা হৈছে। ইয়াৰ উপৰি ৰাখী কেতিয়াও ফটা, ভঙা বা ক্ষতিগ্ৰস্ত হ’ব নালাগে। ৰাখী বন্ধাৰ বাবে ৰেচম, কপাহ বা কলৱৰ দৰে পবিত্ৰ সূতাৰে তৈয়াৰী ৰাখী ব্যৱহাৰ কৰাটো শুভ বুলি বিশ্বাস কৰা হয়। প্লাষ্টিকৰ ৰাখী বা প্লাষ্টিকৰ চাউলৰ দানা ব্যৱহাৰ নকৰাই ভাল।

ৰাখী বন্ধাৰ সময়ত দিশৰ প্ৰতি গুৰুত্ব দিয়ক

ৰাখী বন্ধাৰ সময়ত বহাৰ দিশটোও গুৰুত্বপূৰ্ণ বুলি ধৰ্মীয় বিশ্বাসত কোৱা হয়। ভাতৃয়ে পূব বা উত্তৰ দিশলৈ মুখ কৰি বহিব লাগে। আনহাতে, ভগ্নীয়ে পশ্চিম দিশলৈ মুখ কৰি ৰাখী বন্ধাটো শুভ বুলি গণ্য কৰা হয়। দক্ষিণ দিশলৈ মুখ কৰি ৰাখী বন্ধাটো এৰাই চলিবলৈ কোৱা হয়। লগতে ৰাখী বন্ধাৰ সময়ত ভাতৃয়ে মূৰ খালী কৰি নবহি ৰুমাল বা কাপোৰেৰে মূৰ ঢাকি লোৱাটো পৰম্পৰা হিচাপে মানি চলা হয়। হাতত কিছু ধানৰ দানা আৰু তামোল ৰখাৰ পৰম্পৰাও আছে।

তিলক আৰু অক্ষত লগোৱাৰ নিয়ম

ৰাখী বন্ধাৰ পূৰ্বে ভাতৃৰ কপালত তিলক লগোৱাটো অন্যতম গুৰুত্বপূৰ্ণ ৰীতি। প্ৰথমে ৰ’লি বা চন্দনেৰে কপালত তিলক লগাব লাগে। তাৰ পিছত নভঙা ধানৰ দানা অৰ্থাৎ অক্ষত কপালত দিব লাগে। তিলক আৰু অক্ষত লগোৱাৰ পিছতহে ভাতৃৰ হাতত ৰাখী বান্ধিব লাগে। কেৱল হাতত ৰাখী বান্ধিলেই ৰীতি-নীতি সম্পূৰ্ণ নহয় বুলি ধৰ্মীয় বিশ্বাসত কোৱা হয়। সেয়েহে শুদ্ধ ক্ৰমত তিলক, অক্ষত আৰু ৰাখী বন্ধাৰ পৰম্পৰা পালন কৰা হয়। এইদৰে পৰম্পৰা অনুসৰি ৰক্ষাবন্ধনৰ ৰীতি-নীতি পালন কৰি ভগ্নীসকলে ভাতৃৰ দীৰ্ঘায়ু, সুখ-সমৃদ্ধি আৰু মংগল কামনা কৰে। লগতে এই উৎসৱে ভাই-ভনীৰ মাজৰ মৰম আৰু সম্পৰ্ক অধিক গভীৰ আৰু সুদৃঢ় কৰে বুলি বিশ্বাস কৰা হয়।

মন কৰিবলগীয়া: এই বাতৰিত দিয়া তথ্যসমূহ ধৰ্মীয় বিশ্বাস আৰু পৰম্পৰাৰ ওপৰত ভিত্তি কৰি লিখা হৈছে। অসম Live24 ইয়াৰ বাবে দায়ী নহয়।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ