আঙুলি ফুটাই ভাল পাই নেকি, কি হয় আঙুলি ফুটালে, পঢ়ক এই খবৰ
প্ৰায়ে বাটে ঘাটে, ঘৰে-অফিচে বহু লোককে আঙুলি ফুটাই থকা দেখা পোৱা যায়। কিছু লোকে কিবা ভাবি থাকিলে বা কিবা চিন্তা কৰি থাকিলেও সঘনাই আঙুলি ফুটাই থাকে।
পুৰুষেই নহয়, মহিলাও প্ৰায়ে আঙুলি ফুটাই, শিশুৰ মাজতো কেতিয়াবা ধেমালীতে হলেও আঙুলি ফুটোৱা দেখা পোৱা যায়।
পাছে এনেদৰে আঙুলি ফুটোৱাটো কিমান সুৰক্ষিত। চিকিৎসকে সদৰি কৰা অনুসৰি এনেদেৰে আঙুলি ফুটোৱাটো হাড়ৰ গাঁঠিৰ বাবে ভাল নহয়। ই হাড়ত থকা জুলীয়া পদাৰ্থৰ ক্ষতি কৰে।
অধিক মাত্ৰাত আঙুলি ফুটালে হাড়ৰ শক্তি হ্ৰাস হোৱাৰ লগতে হাতেৰে সামগ্ৰী ধৰি ৰাখিব পৰা ক্ষমতাও লাহে লাহে হ্ৰাস কৰে। লগতে কেতিয়াবা আঙুলি ক্ৰমান্বয়ে বেকা হৈ পৰাৰো চিন্তা থাকে।
কিছু সংখ্যকৰ ক্ষেত্ৰত কেতিয়াবা মাংশপেশীৰো সমস্যা হোৱা দেখা যায় । অধ্যয়নত এই তথ্য প্ৰকাশ পাইছে যে, এনেদৰে আঙুলি ফুটালে সৰ্বাধিক আঙুলিৰ গাঁঠিতেই ক্ষতি হয়।
আঙুলিৰ গাঁঠিৰ মাজত চাইনোবাইল ফ্লুইড নামৰ এক তৰল পদাৰ্থ থাকে, য’ত কিছুমান বুৰবুৰণি হৈ থাকে যাতে আঙুলিবোৰ ভালদৰে লৰাব পাৰি। কিন্তু আঙুলি ফুটালে সেই বুৰবুৰণিবোৰ নহোৱা হৈ যায়।
তেনেদৰে যিমানেই ফুটাই সিমানেই বুৰবুৰনি কমি আহি তৰল পদাৰ্থ বিধো হ্ৰাস কৰি দি হাড়ৰ বাবে ক্ষতি কৰে। ই ভৱিষ্যতে অৰ্থৰাইটিছৰ সমস্যা কৰে।
কিছু লোকে নিজৰ পিঠি বা ডিঙিয়ো তেনেদৰে ফুটোৱা দেখা যায়। তেনেদৰে ফুটালে এণ্ডোৰ্ফিন্স ৰিলিজ হয়। যি প্ৰাকৃতিকভাৱে মানৱ শৰীৰত থকা এক প্ৰকাৰৰ পেইনকিলাৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
