সপ্তমীৰ সন্ধিয়া হঠাৎ বৰষুণ, সময় সন্ধিয়া ৭:৪০ বজাত! বতৰ বিভাগে আগতীয়াকৈ সেই বৰষুণৰ ভৱিষ্যদ্বাণী কৰিছিল। ভিৰক আওকাণ কৰি মহানগৰীৰ প্ৰধান পূজাসমূহ দৰ্শনাৰ্থীৰে উপচি পৰিছিল। চোৰবাগান সৰ্বজনীন দুৰ্গা পূজাটো ভয়ংকৰ ভিৰ কৰা দেখা যায়। বৰষুণ আৰম্ভ হোৱাৰ লগে লগে দৰ্শনাৰ্থীয়ে পলায়ন কৰিবলৈ মণ্ডপৰ ভিতৰলৈ লৰালৰিকৈ সোমাই যায়। তাৰ ফলতে সংঘটিত হয় ভয়ংকৰ দুৰ্ঘটনা।
চোৰবাগান সৰ্বজনীন পূজাৰ প্ৰতিষ্ঠাপক প্ৰীতম সৰকাৰে কয়, “যেতিয়া বৰষুণ আৰম্ভ হৈছিল তেতিয়া বৃহৎ সংখ্যক লোক ভিতৰলৈ সোমাইছিল। এটা সময়ত মাত্ৰ নিৰ্দিষ্ট সংখ্যক লোককহে প্ৰৱেশৰ ব্যৱস্থা কৰা হৈছিল। হেঁচাঠেলাৰ বাবে পেণ্ডেলৰ এটা অংশ ভাঙি যায়। প্ৰথম শুনা মতে চাৰি-পাঁচজন লোক আহত হৈছিল।”
কম পোহৰৰ বাবে দৃশ্যমানতা কম আছিল। একেটা পথেই পোহৰৰ পৰা আন্ধাৰলৈ প্ৰৱেশ আৰু প্ৰস্থান কৰিছিল, যাৰ ফলত দুৰ্ঘটনাটো ভয়ংকৰ হৈ পৰে। প্ৰশ্ন উত্থাপন হয় যে মণ্ডপত দৰ্শনাৰ্থীৰ ভিৰ পৰিচালনাৰ দায়িত্বত আছিল বহু স্বেচ্ছাসেৱক, তেন্তে বৰষুণৰ সময়ত তেওঁলোক ক’ত গ’ল? আৰক্ষীয়ে কিয় মেনেজ কৰিব নোৱাৰিলে ভিৰ? পূজা আয়োজকসকলৰ পৰিচালনা আৰু আৰক্ষীৰ ভূমিকাক লৈ স্থানীয় ৰাইজে ক্ষোভ প্ৰকাশ কৰিছে।
দুৰ্ঘটনাটোত আহত আটাইকেইজনক শীঘ্ৰে উদ্ধাৰ কৰি কলকাতা চিকিৎসা মহাবিদ্যালয়লৈ প্ৰেৰণ কৰা হয়। পৰিস্থিতি চম্ভালিবলৈ লালবজাৰ নিয়ন্ত্ৰণ কক্ষৰ পৰা অতিৰিক্ত আৰক্ষী বাহিনী, অগ্নিনিৰ্বাপক বাহিনী, কলকাতা আৰক্ষী দুৰ্যোগ ব্যৱস্থাপনা গোট (ডি এম জি) আৰু এম্বুলেন্সৰ লগতে চিকিৎসা দল প্ৰেৰণ কৰা হয়।
এই ভিৰত কেইবাজনো লোকক ভৰিৰে গচকিলে, ইয়াৰে প্ৰায় ২০ জনৰ মৃত্যু হোৱা বুলি খবৰ পোৱা গৈছে। বৰ্তমান এজনৰ পৰিচয় পোহৰলৈ আহিছে, মৃতকৰ নাম শ্ৰীপৰ্ণ পোদ্দাৰ।
উল্লেখ্য় যে, চোৰবাগানত সংঘটিত এই ঘটনাত ৪৫ জন লোক আহত হৈছে। সূত্ৰ অনুসৰি ৩৫ জন ব্যক্তিক অন্য চিকিৎসালয়লৈ স্থানান্তৰ কৰা হৈছে; ইয়াৰে কেইবাজনৰ অৱস্থা সংকটজনক। বৰ্তমান অস্থায়ীভাৱে বন্ধ কৰি দিয়া হৈছে পূজা মণ্ডপটো। চোৰবাগানত সংঘটিত ঘটনা সন্দৰ্ভত ৰাজ্য চৰকাৰে হেল্পলাইন নম্বৰ স্থাপন কৰিছে; নম্বৰটো হৈছে ১৮০০৩৪৫৫৬৭৮।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
