মাত্ৰ তিনি দিনৰ ভিতৰতেই উত্তৰ কোৰিয়াত ভয়ংকৰ কৰনা সংক্ৰমণ। যোৱা 24 ঘণ্টাত, কোভিডৰ ফলত 15 জন লোকৰ মৃত্যু হৈছে।
কিম জং-উন প্ৰশাসনে ইতিমধ্যে পৰিস্থিতিৰ মোকাবিলা কৰিবলৈ দেশজুৰি লকডাউন ঘোষণা কৰিছে।
দুদিন আগতে কোভিডত প্ৰথম মৃত্যুক লৈ উত্তৰ কোৰিয়াই সংক্ৰমণৰ পৰিস্থিতিক লৈ উদ্বেগ প্ৰকাশ কৰিছিল। কিন্তু এই মুহূৰ্তত, স্বাস্থ্য বিষয়াসকল সংক্ৰমিত লোকৰ সংখ্যাৰ চাপৰ বিষয়ে চিন্তিত।
প্ৰশাসনৰ মতে, যোৱা তিনিটা দিনত, কৰোনাত মুঠ 42 জন লোকৰ মৃত্যু হৈছে। আৰু মাত্ৰ তিনি দিনৰ ভিতৰত, কৰোনা ৰোগীৰ সংখ্যা 8 লাখ 20 হাজাৰ 620 হৈছেগৈ।
ইয়াৰ ভিতৰত, 3,24,550 জন ৰোগী চিকিৎসালয়ত চিকিৎসাধীন হৈ আছে।
এই পৰিস্থিতিত, উত্তৰ কোৰিয়াই দেশজুৰি লকডাউন আৰম্ভ কৰিছে।বৰ্তমান সকলো সেৱা বন্ধ কৰাৰ সিদ্ধান্ত লোৱা হৈছে উত্তৰ কোৰিয়াত।
উত্তৰ কোৰিয়াৰ প্ৰশাসনে দাবী কৰিছে যে অমিক্ৰন ভেৰিয়েন্টেই দেশখনত সংক্ৰমণ বৃদ্ধি কৰিছে। বিশেষজ্ঞসকলে অৱশ্যে দাবী কৰে যে উত্তৰ কোৰিয়া কৰোনা প্ৰতিৰোধ কৰিবলৈ উদাসীন।
আনকি প্ৰথম বৃদ্ধিৰ পাছতো, কিমৰ দেশত এতিয়ালৈকে কোনো কৰোনা টিকাকৰণ হোৱা নাই। কৰোনা পৰীক্ষাতো গুৰুত্ব দিয়া নাই দেশখনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
