বাস্তু-শাস্ত্ৰত অৰ্থৰ অভাৱ দূৰ কৰি ধনবান হোৱাৰ বহু পদ্ধতি উল্লেখ কৰা হৈছে৷ ওৰে জীৱন কষ্ট কৰিও মানুহ ধনী হোৱাটো বাদেই দিলো, এটা আৰামদায়ক জীৱন-যাপন কৰিবলৈও অপাৰগ হয়৷
প্ৰচুৰ অৰ্থ উপাৰ্জন কৰা বহু লোকেও মাহৰ শেষত হাত দাঙি দিয়া দেখা যায়৷ মুঠতে অভাৱ আৰু দাৰিদ্ৰতা জীৱনৰ অভিশাপ বুলি বহুলোকে মূৰে-কপালে হাত দিয়ে৷ এই পৰিস্থিতিত বাস্তু-শাস্ত্ৰত বৰ্ণিত মাত্ৰ ৫টা নিয়ম আপুনি পালন কৰক৷ তাৰ পাছত দেখিব আপোনাৰ ঘৰেৰে টকাৰ নৈ ব’ব আৰম্ভ কৰিছে৷ কি এই পদ্ধতি ৫টা?
তুলসী গছ
আপোনাৰ ঘৰৰ চৌহদত একোডাল তুলসী ৰোপণ কৰক৷ দেওবাৰ আৰু একাদশীৰ পিছৰ প্ৰতিটো দিনতে পুৱাতেই স্নান কৰি তুলসীৰ গুৰিত পানী দিয়ক৷ সন্ধিয়া তুলসীৰ তলত চাকি জ্বলাওক৷ মা লক্ষ্মী প্ৰসন্ন হ’ব৷
গৰু-পক্ষীক খাদ্য
প্ৰতিদিনেই গৰু আৰু চৰাই-চিৰিকতিক খাদ্য খুওৱাৰ অভ্যাস গঢ়ি তুলিব লাগে৷ এয়া কৰিলে পাপ মোচন হয়৷ জীৱনৰ সমস্যা দূৰ হোৱাৰ লগতে ঘৰলৈ শান্তি-সমৃদ্ধি আহে৷
বৃহস্পতিবাৰে উপবাস ৰাখক
বৃহস্পতিবাৰ ভগৱান বিষ্ণুৰ নামত উৎসৰ্গিত৷ এইবাৰটো উপবাসে থাকি ভক্তিসহকাৰে ভগৱান বিষ্ণু আৰু দেৱী লক্ষ্মীক পূজা কৰক৷ সময় পালে লক্ষ্মীনাৰায়ণ পাঠ কৰক৷ কিছুদিনৰ পাছতেই ইয়াৰ ইতিবাচক ফল দেখিব৷
মন্দিৰত চাকি দিয়ক
চাকিৰ পোহৰ এন্ধাৰ দূৰ কৰি জীৱন প্ৰজ্জ্বলিত কৰাৰ প্ৰতীক৷ প্ৰতিদিনে মন্দিৰত চাকি জ্বলাওক৷ মা লক্ষ্মী প্ৰসন্ন হ’ব আৰু প্ৰচুৰ ধন দান কৰিব৷
শিৱলিংগ দৰ্শন
শিৱবাবাৰ আন এটা নাম হ’ল ভোলানাথ৷ তেওঁৰ সকলোৰে ইচ্ছা পূৰ্ণ কৰে৷ সেয়ে দিনৌ শিৱলিংগ দৰ্শন কৰি বেলপাত, গাখীৰ আগবঢ়াওক৷
এই পদ্ধতিকেইটা পালন কৰিলে দেখিব সঁচাকৈয়ে আপোনাৰ জীৱন সুখ-শান্তিৰে ভৰপূৰ হ’ব৷ হাতত ধন-ধান উভৈনদী হ’ব৷ ইয়াৰ উপৰি কুণ্ডলীত যাৰ চন্দ্ৰৰ প্ৰভাৱ শুভ হয়, তাৰ জীৱন জাকজমকতাৰে পূৰ্ণ হয়৷ প্ৰতি পূৰ্ণিমাৰ দিনত চন্দ্ৰ পূজা কৰক৷ ধন সম্পদ ৪ গুণলৈ বৃদ্ধি পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
