বিহু চলিব, ১৭ এপ্ৰিলৰ পৰা ৰঙাপানীহে নচলিব! ৪৭ দিনীয়া ভোটযুদ্ধ, ১৫ দিন দেশত ৰঙাপানী একেবাৰেই নিষিদ্ধ, অসমত কোন কোন তাৰিখে থাকিব ড্ৰাই ডে? সবিশেষ

অসম লাইভ২৪ঃ বিহুৰ বতৰতেই সুৰাপ্ৰেমীৰ বাবে আছে বেয়া খবৰ৷ নিৰ্বাচনৰ বাবে আগন্তুক ১৯ এপ্ৰিলৰ পৰা ৪ জুন পৰ্যন্ত ডেৰমাহ সময়ত ১৫ দিন বন্ধ থাকিব সুৰাৰ বিপনী৷ লোকসভা নিৰ্বাচনৰ দিন ইতিমধ্যেই ঘোষণা হৈছে৷ ভোটগ্ৰহণৰ দিনকেইটাত সেই বিশেষ এলেকাত বন্ধ ৰাখিব লাগিব সুৰাৰ বিপনী অন্যথা কঠোৰ হ’ব প্ৰশাসন৷

কোন দিনা দেশৰ কোন ঠাইত ড্ৰাই ডে?

নিৰ্বাচন কমিছনৰ প্ৰটোকল অনুযায়ী প্ৰকাশ হৈছে ড্ৰাই ডেৰ তালিকাও৷ আগন্তুক ১৯ এপ্ৰিলৰ পৰা আৰম্ভ হ’ব দেশৰ ১৮ সংখ্যক সাধাৰণ নিৰ্বাচন৷ এই হাই ভল্টেজ নিৰ্বাচনক কেন্দ্ৰ কৰি দেশত ৰাজ্যভেদে থাকিব ড্ৰাই ডেৰ নিৰ্দেশনা৷ ৭দফীয়া লোকসভা নিৰ্বাচন চলিব ১ জুন পৰ্যন্ত৷ ১৯ এপ্ৰিল(প্ৰথম দফা), ২৬ এপ্ৰিল(দ্বিতীয় দফা), ৭মে( তৃতীয় দফা), ১৩মে( চতুৰ্থ দফা), ২০মে( পঞ্চম দফা), ২৫মে(ষষ্ঠ দফা) আৰু ১ জুন (সপ্তম দফা) ভোটগ্ৰহণ৷ ৪জুনত ঘোষণা হ’ব নিৰ্বাচনী ফলাফল৷ সমগ্ৰ নিৰ্বাচনী প্ৰক্ৰিয়া চলিব ৪৭ দিন পৰ্যন্ত৷ এই সময়ৰ ভিতৰত নিৰ্বাচন কমিছনৰ নিৰ্দিষ্ট প্ৰটোকল অনুসৰি মুঠ ১৫ দিন বন্ধ ৰাখিব লাগিব সুৰাৰ ক্ৰয়-বিক্ৰয়৷ অৱশ্যে ৰাজ্যভেদে ড্ৰাই ডে’ৰ দিন বেলেগ বেলেগ হ’ব৷ কেৱল ৪ মে’তহে সমগ্ৰ দেশজুৰি পালন কৰিব লাগিব ড্ৰাই ডে৷

লোকসভা নিৰ্বাচনৰ ভোটগ্ৰহণৰ সময় আৰু ড্ৰাই ডে

নিৰ্বাচন কমিছনৰ প্ৰটোকল অনুসৰি, ভোটগ্ৰহণৰ দিনা সেই ৰাজ্যত ড্ৰাই ডে’ থাকিবই লাগিব বুলি ঘোষণা কৰা হৈছে৷ ইয়াৰোপৰি প্ৰত্যেক ভোটকেন্দ্ৰৰ ভোটগ্ৰহণৰ ৪৮ঘণ্টা পূৰ্বৰে পৰাই বন্ধ ৰাখিব লাগিব সুৰাৰ ক্ৰয় বিক্ৰয়৷ অৰ্থাৎ ৭দফীয়া নিৰ্বাচনত ৪৮ঘণ্টাকৈ মুঠ ১৪দিন বন্ধ থাকিব সুৰাৰ দোকান৷ ইয়াৰোপৰি নিৰ্বাচনী ফলাফল ঘোষণা কৰাৰ দিনা সমগ্ৰ দেশতেই বন্ধ ৰাখিব লাগিব সুৰাৰ বিপনী৷ সকলো মিলি ড্ৰাই ডে’প সংখ্যা মুঠ ১৫ দিন৷

ভোটগ্ৰহণৰ দফা, দিন আৰু এলেকা
প্রথম দফা
১৭ এপ্ৰিলৰ বিয়লি ৫বজাৰ পৰা ১৯ এপ্ৰিলৰ বিয়লি ৫বজালৈকে ড্ৰাই ডে থাকিব অসমকে ধৰি কেইবাখনো ৰাজ্যত৷ কোন কোন ৰাজ্যাত ড্ৰাই ডে থাকিব জানি থওক সবিশেষ৷ প্রথম দফাৰ ভোটগ্ৰহণ অনুষ্ঠিত হ’ব অসম(৫), অৰুণাচল প্ৰদেশ(২), বিহাৰ(৪), ছত্তিছগড়(১), মধ্যপ্ৰদেশ(৬), মহাৰাষ্ট্ৰ(৫), মণিপুৰ(১), মেঘালয়(২), মিজোৰাম(১), নাগালেণ্ড(১), ৰাজস্থান(১২), ছিকিম(১), তামিলনাডু(৩৯), ত্ৰিপুৰা(১), উত্তৰপ্ৰদেশ(৮), উত্তৰাখণ্ড(৫), আন্দামান নিকোবৰ দ্বীপপুঞ্জ(১), জম্মু আৰু কাশ্মীৰ(১), লাক্ষাদ্বীপ(১), পুডুচেৰী(১), পশ্চিংবংগ( কোচবিহাৰ, আলিপুৰদুৱাৰ, জলপাইগুৰি)৷

দ্বিতীয় দফা
২৪ এপ্ৰিলৰ বিয়লি ৫বজাৰ পৰা ২৬ এপ্ৰিল ৫ বজালৈ অসমকে ধৰি ১৩ ৰাজ্যত থাকিব ড্ৰাই ডে৷ তালিকাত আছে অসম(৫), বিহাৰ(৫), ছত্তিশগড়(৩), কৰ্ণাটক(১৪), কেৰালা(২০), মধ্যপ্ৰদেশ(৭), মহাৰাষ্ট্ৰ(৮), মণিপুৰ(১), ৰাজস্থান(১৩), ত্ৰিপুৰা(১), উত্তৰপ্ৰদেশ(৮) জম্মু আৰু কাশ্মীৰ(১), পশ্চিমবংগ(৩)

তৃতীয় দফা
৫মে বিয়লি ৫ বজাৰ পৰা ৭ মে বিয়লি ৫বজালৈকে ১৩ ৰাজ্যত থাকিব ড্ৰাই ডে৷ অসমৰ ৪ জিলা, ছত্তিশগড়(৭), গোৱা(২), গুজৰাট(২৬), কৰ্ণাটক(১৪), মধ্যপ্ৰদেশ(৮), মহাৰাষ্ট্ৰ(১১), উত্তৰপ্ৰদেশ(১০), দাদৰা, নগৰ হাভেলি আৰু দমন দিউ(২), জম্মু আৰু কাশ্মীৰ(১), পশ্চিম বংগ(৪)

চতুৰ্থ দফা
১১ মেৰ বিয়লি ৫টা বজাৰ পৰা ১৩ মেৰ বিয়লি ৫ বজালৈকে ড্ৰাই ডে থাকিব অন্ধ্ৰ প্ৰদেশৰ ২৫ জিলা, ঝাড়খণ্ড(৪), মধ্যপ্ৰদেশ(৮), মহাৰাষ্ট্ৰ(১১), ওড়িশা(৪), তেলেঙ্গানা(১৭), উত্তৰপ্ৰদেশ(১৩), জম্মু আৰু কাশ্মীৰ(১), পশ্চিমবংগ(৮)৷

পঞ্চম দফা
১৮ মেৰ বিয়লি ৫বজাৰ পৰা ২০ মেৰ বিয়লি ৫বজালৈকে ড্ৰাই ডে থাকিব বিহাৰৰ ৫ জিলা, ঝাড়খণ্ডৰ ৩, মহাৰাষ্ট্ৰৰ ১৩ জিলা, ওড়িশাৰ ৫ জিলা, উত্তৰ প্ৰদেশৰ ১৪ জিলা, জম্মু আৰু কাশ্মীৰৰ ১খন জিলা, লাডাখৰ ১খন জিলা, পশ্চিমবংগৰ ৭জিলাত থাকিব ড্ৰাই ডে৷

ষষ্ঠ দফা
২৩মেৰ বিয়লি ৫ বজাৰ পৰা ২৫মেৰ বিয়লি ৫বজালৈকে ড্ৰাই ডে থাকিব বিহাৰৰ ৮ জিলা, হাৰিয়ানাৰ ১০ জিলা, ঝাৰখণ্ডৰ ৪জিলা, ওড়িশাৰ ৬জিলা, উত্তৰপ্ৰদেশৰ ১৪ জিলা, দিল্লীৰ ৭জিলা, পশ্চিমবংগৰ ৮জিলাত৷

সপ্তম দফা
৩০মেৰ বিয়লি ৫বজাৰ পৰা ১ জুন বিয়লি ৫বজালৈকে ড্ৰাই ডে থাকিব বিহাৰৰ ৮জিলা, হিমাচল প্ৰদেশৰ ৪জিলা, ঝাড়খণ্ডৰ ৩জিলা, ওড়িশাৰ ৬জিলা, পঞ্জাৱৰ ১৩ জিলা, উত্তৰপ্ৰদেশৰ ১৩ জিলা, চণ্ডীগড়ৰ ১খন জিলা, পশ্চিমবংগৰ ৯জিলাত৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ