উচ্চৰক্তচাপ নিঃসন্দেহে নীৰৱ ঘাতক৷ হাইপাৰটেনছনে কেৱল হাৰ্টৰ ক্ষতিয়েই নকৰে, বঢ়াই দিয়ে ষ্ট্ৰোকৰ আশংকাও৷ ইয়াৰ সৈতে ক্ষতিগ্ৰস্থ হ’ব পাৰে লিভাৰো৷ অকাৰণ ক্লান্তি, মানসিক চাপ আৰু বাৰ্ধক্যও নভৱাকৈয়ে আহিব পাৰে৷ ফ্ৰণ্টিয়াৰ্ছ ইন মেডিছিনত প্ৰকাশিত এক গৱেষণা অনুসৰি উচ্চ ৰক্তচাপত আক্ৰান্ত ব্যক্তিৰ লিভাৰ ফাইব্ৰোছিচৰ আশংকা বাঢ়ি যায় কেইবাগুণো৷ ইয়াৰোপৰি মেটাবলিজমৰ সমস্যাৰ পৰা আৰম্ভ কৰি ফেটি লিভাৰৰ ডিজিজো বাঢ়িব পাৰে৷
- সতৰ্ক থাকক, আপুনি বিশ্ৰাম লোৱাৰ পাছতো ক্লান্ত বোধ কৰিছে? সকলো সময়তেই আলস্যতাই আপোনাক কোঙা কৰি থাকে? তেন্তে লিভাৰৰ পৰীক্ষা কৰাওক৷ উচ্চ ৰক্তচাপে লিভাৰৰ কাৰ্যকাৰিতাকো প্ৰভাৱিত কৰিব পাৰে৷ ইয়াৰোপৰি কামৰ চাপৰ বাবেও ক্লান্তি আহিব পাৰে৷ স্বাভাৱিক ক্লান্তিতকৈ এই ক্লান্তি পৃথক৷ ব্ৰেন ফগৰ সমস্যাও হাইপাৰটেনথন আৰু ব্ৰেন ফগৰ সৈতে সংযুক্ত৷
- পেটৰ সোঁফালৰ ওপৰৰ অংশত বিষ বাঢ়িলে সতৰ্ক হওক৷ লিভাৰ ফুলি যোৱা বা এনলাৰ্জমেণ্টৰ আশংকা বাঢ়িব পাৰে৷ এই সকলোবোৰৰ আঁৰত হাইপাৰটেনছন৷ বহুতেই লিভাৰৰ সমস্যাক বদহজম বা গেছ বুলি ভুল কৰে৷ সেয়ে চিকিৎসকে বিষৰ ধৰণ চায়েই লিভাৰৰ সমস্যাৰ ইংগিত পায়৷ আলট্ৰাছাউণ্ডৰ দৰে মেডিকেল ইমেজিঙৰ পৰা লিভাৰ এনলাৰ্জমেণ্টৰ সমস্যা ধৰা পৰে৷ পৰীক্ষা কৰিলে গুৰুতৰ ক্ষতি হোৱাৰ পূৰ্বেই চিকিৎসা আৰম্ভ কৰিব পাৰে৷
- হাইপাৰটেনছনৰ ৰোগীৰ যদি ছাল বা চকুত পাতল হালধীয়া ৰং দেখা যায় তেন্তে সতৰ্ক হওক৷ ইয়াৰ আঁৰত আছে শৰীৰত বিলিৰুবিনৰ মাত্ৰা বাঢ়িছে৷ ই লিভাৰৰ ব্যাধিৰ স্পষ্ট লক্ষণ৷ উচ্চ ৰক্তচাপে লিভাৰৰ পৰিস্থিতি বেছি বেয়া কৰে৷ ছালৰ ৰঙৰ সামান্য পৰিবৰ্তনো সেয়ে উপেক্ষা নকৰিব৷
- গাঢ় ৰঙৰ প্ৰস্ৰাৱ আৰু মল বগা হৈ পৰাটোৱে লিভাৰৰ ক্ষতিৰ ডাঙৰ লক্ষণ৷ গাঢ় ৰক্ষৰ প্ৰস্ৰাৱ মানে উচ্চ বিলিৰুবিনৰ সংকেত৷ অন্যহাতে বগা ৰঙৰ মলে পিত্তৰ প্ৰবাহ ঠিকমতে নোহোৱাৰ ইংগিত দিয়ে৷
লিভাৰৰ স্বাস্থ্য ভালে ৰাখিবলৈ কি কৰিব?
ৰক্তচাপ নিয়ন্ত্ৰণত ৰাখক৷
লিভাৰৰ বাবে উপকাৰী খাদ্যহে খাওক৷
নিয়মিত লিভাৰ ফাংছন পৰীক্ষা কৰক৷
অসুখৰ কোনো লক্ষণে দেখা দিলে চিকিৎসকৰ সৈতে যোগাযোগ কৰক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
