অসম লাইভ ২৪ঃ ক’ৰোনাৰ বৰ্ধিত সংক্ৰমণৰ বাবে চীনত পুনৰ লকডাউন ঘোষণা। চীনৰ উপকূলীয় অঞ্চল গোৱানদঙৰ বিভিন্ন অঞ্চল আৰু দক্ষিণ-পূব চীনত লকডাউন ঘোষণা কৰে চীনা প্ৰশাসনে। উপকূলীয় অঞ্চলসমূহৰ ৰাজধানী চহৰ গোৱাংজোত সম্পূৰ্ণ লকডাউন। বিগত সপ্তাহত ২০ গৰাকী লোক ক’ৰোনাত আক্ৰান্ত হোৱাৰ পাছতেই লকডাউন ঘোষণআ কৰা হয় চহৰখনত। ৰাজহুৱা খণ্ডৰ সকলো পৰিবহণ সেৱা বন্ধৰ নিৰ্দেশনা জাৰি কৰা হৈছে চীনত। ৰাষ্ট্ৰীয় স্বাস্থ্য আয়োগৰ তথ্য অনুসৰি, চীনত বৰ্তমান মুঠ কোভিড আক্ৰান্তৰ সংখ্যা বৃদ্ধি হৈছে ৯১,০৬১ গৰাকীলৈ আৰু মৃত্যু হৈছে ৪,৬৩৬ গৰাকী কোভিড ৰোগী। বিগত বৰ্ষতকৈ অধিক দ্ৰুতগতিত বৃদ্ধি হৈছে সংক্ৰমণ। শেহতীয়াভাৱে লক্ষণ দেখা নিদিয়াকৈও ক’ৰোনাত আক্ৰান্ত হৈছে বহু লোক। এনেদৰে দৈনিক বৰ্ধিত হাৰত কোভিড সংক্ৰমণ বৃদ্ধি হোৱাত লকডাউন ঘোষণা কৰা হৈছে চীনৰ উপকূলীয় অঞ্চলসমূহত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
