২২ জুন ২০২৫ৰ নিশা ৯ বাজি ৩৩ মিনিটত গ্ৰহৰাজ বুধে কৰ্কট ৰাশিত প্ৰৱেশ কৰিব৷ এই ৰাশিৰ অধিপতি চন্দ্ৰ, যি মন, মা, সুখ আৰু চিন্তাৰ প্ৰতীক৷ ইয়াৰ পূৰ্বে বুধে মিথুন ৰাশিত আছিল৷ এই গোচৰ ৩০ আগষ্ট ২০২৫ৰ দুপৰীয়া ৪ বাজি ৪৮ মিনিট পৰ্যন্ত প্ৰভাৱ বিস্তাৰ কৰিব৷ বুধ আৰু চন্দ্ৰ পৰস্পৰৰ বন্ধু নহয় শত্ৰু৷ এই অৱস্থানে কিছু ৰাশিৰ জাতকৰ জীৱনত ইতিবাচক পৰিবৰ্তন আনিব৷ জ্যোতিষমতে বুধ, বুদ্ধি, বাকশক্তি, ব্যৱসায় আৰু যোগাযোগৰ প্ৰতীক৷ এই গোচৰে কেইবাটাও ৰাশিৰ সৌভাগ্যৰ দ্বাৰ খুলিব৷
মেষ ৰাশি
বুধৰ এই গোচৰ মেষ ৰাশিৰ চতুৰ্থ ঘৰত হৈছে যি সুখ, গৃহ আৰু সম্পত্তিৰ সূচক৷ কৰ্মক্ষেত্ৰত উন্নতি দেখা যাব৷ পদোন্নতি বা নতুন দায়িত্ব লাভ কৰিব পাৰে৷ পৰিয়ালত চলি থকা অশান্তি দূৰ হব৷ মাতৃৰ স্বাস্থ্যৰ উন্নতিয়ে মনক শান্তি দিব৷ দীৰ্ঘম্যাদি বিনিয়োগ লাভজনক হব পাৰে৷
মিথুন ৰাশি
বুধৰ এই পৰিবৰ্তন মিথুন ৰাশিৰ ৰাশিৰ দ্বিতীয় ঘৰত প্ৰভাৱ পেলাব, যাৰ অৰ্থ, বাকশক্তি আৰু পৰিয়ালক নিৰ্দেশ কৰে৷ পাৰিবাৰিক সম্পৰ্ক মধুৰ হব৷ অসুস্থতা দূৰ হোৱাৰ সম্ভাৱনা আছে৷ পুৰণি বিনিয়োগৰ পৰা অৰ্থলাভ হব পাৰে৷
কন্যা ৰাশি
এই গোচৰে কন্যা ৰাশিৰ একাদশ ঘৰক প্ৰভাৱ পেলাব, যি লাভ, কামনা বাসনা পূৰণ আৰু উপাৰ্জনৰ ঘৰ৷ নতুন ইনকামৰ উৎসই দেখা দিব৷ ধৰ্মীয় আৰু সামাজিক কামত সন্মান আৰু প্ৰসাৰ বাঢ়িব৷ সম্পৰ্কৰ টনা আঁজোৰা কিছু পৰিমাণে কমিব৷ কন্যা ৰাশিৰ জাতকে মাটি বা সম্পত্তি ক্ৰয়ৰ বিষয়ে সিদ্ধান্ত লব পাৰে৷ এই সময় আৰ্থিকভাৱে অত্যন্ত উপযোগী৷ ব্যৱসায়ত লাভ বা নতুন সুযোগ অহাৰ সম্ভাৱনা আছে৷
বুধ আৰু চন্দ্ৰৰ মিলিত প্ৰভাৱে এই তিনি ৰাশিৰ জীৱনত যেনেকৈ অৰ্থনৈতিক উন্নতি আনিব, মানসিক শান্তি বা সম্পৰ্কৰ স্থিতিয়েও দেখা দিব৷ যিসকলে চাকৰি বা পৰীক্ষাৰ প্ৰস্তুতি লৈছে তেওঁলোকে ভাল ফলৰ আশা কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
