নিৰ্দয় মাতৃ, হঠাতে হাতত কু/ঠা/ৰ তুলি লৈ শেষ কৰি দিলে দুয়োটি সন্তানৰে প্ৰা/ণ
এগৰাকী নিষ্ঠুৰ মাতৃৰ কাণ্ডই দেশজুৰি চাঞ্চল্যৰ সৃষ্টি কৰিছে। নিজেই নিজৰ দুয়োটি সন্তানক হত্যা কৰে মাতৃয়ে। হঠাতে হাতত কুঠাৰ তুলি লৈ একেঘাপে প্ৰাণ নাশ কৰে দুয়োটি কনমানি শিশুৰ। এই নিষ্ঠুৰতাৰ সীমা চেৰাই যোৱা ঘটনা সংঘটিত হৈছে মধ্যপ্ৰদেশত। বৰ্তমানে আৰক্ষীত জালত নিৰ্দয় মাতৃ।
মধ্যপ্ৰদেশৰ ৰাতলাম জিলাত সংঘটিত হৈছে এই ঘটনা। শিশু দুটিৰ বয়স ক্ৰমে ৩ বছৰীয়া পুত্ৰ আৰু ৫ বছৰীয়া কন্যা। ঘটনাৰ পিছতে অঞ্চলটোত এক শংকিত পৰিবেশৰ সৃষ্টি হৈছে। ৰাতলাম জিলা সদৰৰ পৰা ১৪০ কিলোমিটাৰ দূৰত্বত থকা দেওৰী ৱাৰ্ডৰ পৰা এই ঘটনাৰ খবৰ পোৱা গৈছে।
আজি ২৯ আগষ্ট বৃহস্পতিবাৰে মহিলাগৰাকীয়ে দুয়োটা শিশুক ঘপিয়াই হত্যা কৰে। ঘটনা সন্দৰ্ভত তথ্য লাভৰ পিছতে আৰক্ষী আহি পোৱাত মহিলাগৰাকীক কিছু দূৰৈত বহি থকা অৱস্থাত উদ্ধাৰ কৰে। বৰ্তমানে আৰক্ষীৰ জিম্মাত থকা হত্যাকাৰী মহিলাগৰাকীৰ নাম ৰাধিকা আদিবাসী।
ঘটনাৰ সময়ত মহিলাগৰাকীৰ স্বামীয়ে ঘৰত নাছিল বুলি জানিবলৈ দিয়ে। আৰক্ষীয়ে মহিলাগৰাকীক ঘটনাৰ কাৰণ সোধাত মহিলাগৰাকীয়ে কেইবাবাৰো নিজৰ বক্তব্য সলনি কৰে।
পিছত আৰক্ষীক জনায় যে তেওঁ স্বামীৰ পৰা বেলেগ হ’ব বিচাৰে। বিবাহ বিচ্ছেদ বিচাৰে স্বামীৰ পৰা। অৱশ্যে স্বামীৰ লগত কোনো ধৰণৰ কাজিয়া পেচাল নাই কোনোদিনে। কিৱল বেলেগ হব বিচাৰে। সেয়ে খঙতে নিজেই নিজৰ দুয়োটি সন্তানক হত্যা কৰে।
আনহাতে স্বামীয়ে আৰক্ষীক জনাই যে কিছুদিন পূৰ্বে পত্নীৰ অত্যন্ত মূৰৰ বিষ হৈছিল। যাৰ বাবে চিকিৎসাও কৰা হৈছিল। তেতিয়াৰ পৰাই পত্নীয়ে কিছু আচহুৱা ব্যৱহাৰ কৰিবলৈ ধৰে আৰু অশান্তি পাবলৈ ধৰে। সেয়ে বৰ্তমানে ঘটনাৰ সঠিক তদন্তৰ বাবে মহিলাগৰাকীক চিকিৎসকৰ ওচৰলৈয়ো নিয়াৰ ব্যৱস্থা কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
