ৰাজসভাত দ্ৰৌপদীৰ বস্ত্ৰহৰণৰ প্ৰতিবাদ পাণ্ডৱে নকৰিলেও প্ৰতিবাদ কৰিছিল এজন মাত্ৰ ব্যক্তিয়েই! কোন সেই বিশেষ ব্যক্তি, আজিও নাজানে বহুতেই

অসম লাইভ২৪ঃ পাশা খেলত চলনাৰ আশ্ৰয় লৈ যুধিষ্ঠিৰক হৰুৱাইছিল দুৰ্যোধন আৰু শকুনিয়ে। খেলৰ মোহতেই বুদ্ধিভ্ৰষ্ট হৈ সকলো বাজি ৰাখি নিজৰ সকলোবোৰ হেৰুৱাই পেলাইছিল যুধিষ্ঠিৰে। নিজৰ চাৰিজন ভাতৃ, আৰু পঞ্চপাণ্ডৱৰ পত্নী দ্ৰৌপদীকো বাজী ৰাখিছিল যুধিষ্ঠিৰে। খেলত বিজয়ী দুৰ্যোধনে অহংকাৰত মত্ত হৈ তেওঁৰ ভাতৃ দুশাসনক নিৰ্দেশ দিয়ে যে দ্ৰৌপদীক ৰাজসভালৈ লৈ আনক। ভাতৃৰ আদেশ মানিয়েই দুশাসনে চুলিত ধৰি ৰাজসভালৈ লৈ আনে দ্ৰৌপদীক। সমগ্ৰ ৰাজসভাক নিৰ্বাক কৰি দ্ৰৌপদীৰ বস্ত্ৰহৰণৰ নিৰ্দেশ দিয়ে দুৰ্যোধনে।

দ্ৰৌপদীক বস্ত্ৰহৰণৰ নিৰ্দেশ দিয়াৰ সময়তেই সেই ৰাজসভাত উপস্থিত আছিল অন্ধৰজা ধৃতৰাষ্ট্ৰ, পিতামহ ভীষ্ম, মহামতি বিদূৰ, দ্ৰোণাচাৰ্য, কৃপাচাৰ্য সকলোৱেই। উপস্থিত আছিল মহাবীৰ কৰ্ণও। কিন্তু কোনোৱেই দুৰ্যোধনৰ বিৰুদ্ধে মাত মাতিবলৈ সাহস কৰা নাছিল। পত্নীৰ চৰম অপমান প্ৰত্যক্ষ কৰিও মূৰ তল কৰি আছিল পঞ্চপাণ্ডৱে। সমগ্ৰ ৰাজসভাই সেই দিনা স্তব্ধ হৈ পৰিলেও এজম ব্যক্তিয়ে কিন্তু প্ৰতিবাদ কৰি উঠিছিল। এই ঘোৰ অন্যায়ৰ বিৰুদ্ধে মাত মাতিছিল এজন ব্যক্তিয়েই। এই মহাপাপৰ যে কোনো ক্ষমা নাই সেই কথা দুৰ্যোধনক মনত পেলাই দিছিল এজন ব্যক্তিয়েই। তেওঁ আন কোনো নহয়, তেওঁ হৈছে বিকৰ্ণ। কৌৰৱৰ ১০০ ভাতৃৰ মাজৰে এজন। দুৰ্যোধন, দুঃশাসনৰ প্ৰৱল প্ৰতাপৰ কথা মহাভাৰতত চৰ্চা হ’লেও বিকৰ্ণৰ কথা বিশেষভাৱে পোৱা নাযায়।

ৰাজসভাত নাৰীৰ বস্ত্ৰহৰণ দেখিও নিৰ্বাক ভীষ্ম, দ্ৰোণ, কৰ্ণৰ সন্মুখত থিয় হৈ বিকৰ্ণই ভাতৃৰ বিৰুদ্ধে প্ৰতিবাদ কৰি উঠিছিল। দুৰ্যোধন, দুঃশাসনৰ বিৰুদ্ধে কথা কোৱাৰ সাহস কৰি পেলাইছিল ভাতৃ বিকৰ্ণই। বিকৰ্ণৰ প্ৰতিবাদৰ দুৰ্যোধনৰ সন্মুখত মুল্য নাছিল যদিও বিকৰ্ণৰ চৰিত্ৰৰ প্ৰশংসা যুগে যুগে সকলোৱে কৰি থাকিব। দ্ৰৌপদীৰ বস্ত্ৰহৰণৰ পাছতেই প্ৰতিশোধ হিচাপে কৌৰৱৰ ১০০ ভাতৃকেই হত্যা কৰিম বুলি শপত লৈছিল ভীমে। সেই শপততেই ভীমে পাছলৈ বিকৰ্ণকো হত্যা কৰে। কিন্তু বিকৰ্ণক বধ কৰি ভীমে নিজেও কান্দোনত ভাঙি পৰিছিল।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ